тркне (св.)
Здравко му остави пари до иконата и со насмевка на лицето тркна до првата месарница да купи пола кило сланина и пршута.
„Двоглед“
од Горан Јанкуловски
(2011)
Наместо да тркнеа по Ленинова и Кеј па да ги испособерат скопскине кучки, тие на недужни и беспомошни суштества се намерачиле.
„Двоглед“
од Горан Јанкуловски
(2011)
Си реков да тркнам до бифено да мавнам 2-3 коњака да ме релаксираат од досадните куротресачки дрдорења.
„Двоглед“
од Горан Јанкуловски
(2011)
Тркнав до скалите и од мала библиотека, извадив енормно дебела книга.
„Ниска латентна револуција“
од Фросина Наумовска
(2010)
Пивото веќе проработе и морав да тркнам до Бешикташ на гости да фрлам една жута фонтана.
„Двоглед“
од Горан Јанкуловски
(2011)
Ајде, не натегај се, тркни до главниот влез. Вратата ќе биде отворена.
„Желките од рајската градина“
од Србо Ивановски
(2010)
Имале долгогодишен имотно-правен спор за поделба на нива па решиле наместо на суд да тркнат до кај Матновидецот 2 на една исцелителна сеанса.
„Двоглед“
од Горан Јанкуловски
(2011)
Љубителот на алкохол у секое време може да тркне до најблиското продавниче и да се снабди со пиво, вино и ракија, за разлика од кутриот џанкер, кој мора да го брка маалскиот дилер, а воедно и да се крие од алфи и џандари за да не заглави у ќорка поради 5 грама трава.
„Двоглед“
од Горан Јанкуловски
(2011)
За среќа, најстариот калуѓер забележа дека бардето со вода беше замрзнато, па Бајко се предложи, наместо измеќарот, тој да тркне до чешмите на крајот од панаѓурот, да наполни тазе вода, и за пиење, и за миење.
„Вежби за Ибн Пајко“
од Оливера Николова
(2007)
- Знаеш дека денеска и малку порано излегов од работа, морав да тркнам до Качарево да го доорам она парче што ми остана.
„Последната алка“
од Стојан Арсиќ
(2013)
Неретко од Трпејца знаеја да тркнат и на шопинг во Грција.
„Двоглед“
од Горан Јанкуловски
(2011)
