џепарлак (м.)
Во негово маало немаше здрави сите другари му беа наркомани од дома добиваше пари да јаде но сиот џепарлак за ганџа го даде
„Проклетници“
од Горан Јанкуловски
(2012)
Таму во семејството вие добивате сместување и храна и мал џепарац...
„Животот од една слива“
од Зорица Ѓеорѓиевска
(2014)
Влатко веднаш помисли дека за двајца тоа би чинело 7000 денари, и уште по 500 денари џепарлак - 8000 денари за недела дена, неможно за финансиската положба на родителите...
„Тополите на крајот од дедовата ливада“
од Бистрица Миркуловска
(2001)
Грдан беше задоволен - и од домашното готвено, и од џепарлакот што му остануваше, а во сопчето и така беше навикнат да биде сам, како што уште се воздржуваше од пушење и од други скапи пороци.
„Синовски татковци“
од Димитар Солев
(2006)
Никако да разбере дека џепарлакот треба да ми го зголеми, зашто не само што веќе не можам ништо да си заштедам, како порано, туку го трошам целиот до половина на месецот.
„Игбал, мојата тајна“
од Јагода Михајловска Георгиева
(2000)
Ама, јас решив да штедам, два дена пропуштив и сладолед да си купам, оти ми беа избројани до денар парите што ги добив за џепарлак, само и само да можам да го купам прстенот.
„Игбал, мојата тајна“
од Јагода Михајловска Георгиева
(2000)
- Не биди дете, кој може да дознае каде престојуваш, а парите за кирија би ти биле добредојдени за џепарлак.
„Последната алка“
од Стојан Арсиќ
(2013)
Сите трошоци околу патот, сместувањето, па дури и џепарлакот ги обезбедува американската фондација која го организира сето ова.
„Последната алка“
од Стојан Арсиќ
(2013)
Со скромниот џепарлак што понекогаш ќе се најдеше во завртената дланка на татко, а јас од неа го подигнував како нафора, можев да си приредам задоволство да имам книга само за мене.
„Исчезнување“
од Ташко Георгиевски
(1998)
Кога дојде првиот список со парите за џепарлакот, на него нашите имиња беа напишани на грчки.
„Ласа“
од Наташа Димитриевска Кривошеев
(2011)
