ДИГИТАЛЕН РЕЧНИК НА МАКЕДОНСКИОТ ЈАЗИК

Како што истакнува Сулзбергер, Маклин го изразил британското мислење, формирано врз основа на добиени извештаи "дека четири бригади" биле формирани од Грци во Југословенска Македонија, кои ја преминале границата и дека тие "биле организирани од Апостолски, а се претпоставувало, без докази, дека експерт на маршалот Тито, генералот Темпо, чие вистинско име е Вукмановиќ, имал удел во организирањето на трупите".

Во одговорот даден на Маклин, претседателот на НКОЈ, Јосип Броз Тито, како што ја известува јавноста Сулзбергер, истакнал дека тој не може да премине преку фактот за лошата ситуација во Грција и дека ги "обвинува и ЕАМ и Владата на Папандреу за предизвикување криза, која се изроди во граѓанска војна", а едновремено се истакнува дека Тито дал уверување "оти грчките единици формирани ... во Јужна Југославија нема да бидат вклучени во граѓанската војна".