бев (гл.) - научен (прид.)

Татко беше научен да си ја доживува својата среќа секогаш на маргините.
„Тврдина од пепел“ од Луан Старова (2002)
Но тој не беше научен на самостојност, неговите родители секогаш беа тука за да му ги покриваат грешките, да му ги плаќаат долговите.
„Знаеш ли да љубиш“ од Ивана Иванова Канго (2013)
Ми пречеше тоа што немав слобода да си правам што сакам по дома, како што бев научена.
„Знаеш ли да љубиш“ од Ивана Иванова Канго (2013)
Селиците не се вратија, домородните птици се изгубија, луѓето не беа научени на гулаби и не ги бараа.
„Две Марии“ од Славко Јаневски (1956)
Посетата траеше доста долго и газда Таки почна да се нервира, бидејќи не беше научен да чека долго, особено не на лошо време.
„Белиот јоргован“ од Хајди Елзесер (2012)
Што можам кога бев научена да ги прикривам чувствата пред моите врсници!
„Игбал, мојата тајна“ од Јагода Михајловска Георгиева (2000)
Ме сметаше за потскажувач, за мал пакосник што гледа во него виновник за несреќите на патот.
„Тврдоглави“ од Славко Јаневски (1990)
Не беше научен да го сакаат и не им веруваше на луѓето. „Сеедно“, ја дувна од уста тревката што ја џвакаше.
„Тврдоглави“ од Славко Јаневски (1990)
СТРАСТ Симонче уште од малечок беше научен да краде: ѝ крадеше на сестричка му Верче играчки и ги криеше на такви скришни места каде што таа не можеше да ги најде: под креденец, под душек, во ќункот, во оџакот.
„Прва љубов“ од Јован Стрезовски (1992)
И на Мајка Ервехе не ѝ било полесно. Таа морала да ѝ се потчини на семејната хиерархија. Беше научена на друг живот.
„Ервехе“ од Луан Старова (2006)
Не, Варјазите немаше да го сфатат моментот и од Русија ќе направеа обична колонија.
„МАРГИНА бр. 29-31“ (1996)
Тие тогаш сé уште не беа научени од искуството на социјализмот.
„МАРГИНА бр. 29-31“ (1996)