Колокации | Дигитален речник на македонскиот јазик

Тука — во Полчишта — Толе се зближи со Трајка Брлета и со една — две лири пари си направи конак за да не паѓа в очи на власта кога ќе се враќа кај Јована.

„Толе Паша“ од Стале Попов (1976)

Тој уште малку остана покрај девојката и потоа се врати кај момчето.

„Големата удолница“ од Петре Наковски (2014)

Фимка се врати кај Циљка. Дури сега забележа колку е изменета од ланската година кога ја собраа партизанка заедно со сите девојки од селото.

„Големата удолница“ од Петре Наковски (2014)

Тој се врати кај масата, го брцна перцето во мастилото и напиша: „До иднината или до минатото, до едно време во кое мислата е слободна, кога луѓето се разликуваат еден од друг и кога не живеат сами - до едно време во кое вистината постои и она што е сторено не може да биде отсторено:

„1984“ од Џорџ Орвел (1998)

Сам размисли, сам одлучи.

„Балканвавилонци“ од Луан Старова (2014)

Пред да се разделиме, синко, би сакал да ти речам дека кој пат ќе го фатиш најмногу зависи од самиот тебе, што ти е на срце, што ти е скриено длабоко во твојата душа: да останеш и да ги завршиш правните студии или да се вратиш кај твоето семејство на Балканот?

„Балканвавилонци“ од Луан Старова (2014)

Лежеа и молчеа како два остарени песа што се вратиле кај господарот по долго талкање по планини и друмови, по долови и скрки, за да му ги вратат на господарот десетте години што тој ги заборавил во туѓа земја, во туѓ град, во грдо ѓубриште, во една ноќ есенска, темна и дождлива. Кутрите мои чевли.

„Захариј и други раскази“ од Михаил Ренџов (2004)

Скоро цела година, иако разделени, се обидувал да ја натера повторно да се врати кај него, но, напразно.

„Друга мајка“ од Драгица Најческа (1979)

Не издржала, станала и се вратила кај децата во Маказар.

„Бунар“ од Димитар Башевски (2001)

Тој, Симон, во ракописов ѝ го нашол решението на Љуба, ја вратил кај децата, единственото можно и цврсто тло.

„Бунар“ од Димитар Башевски (2001)

Вознемирен се врати кај Глигора. Заспа некаде кон муграта. Но брзо се разбуди.

„Пустина“ од Ѓорѓи Абаџиев (1961)

Како ли им е на душата, си мислам на оние дваесет ополномоштени бирници, од кои секој со по дваесет души на коњи, кои се распрснуваат да го збираат харачот, знаејќи дека во август веќе треба да се вратат кај господарот и да му избројат до пара осумстотини и педесет илјади дукати.

„Вежби за Ибн Пајко“ од Оливера Николова (2007)

Длабокиот снег, кој веќе фаќаше преку колена, ги присили овците да се движат само по патеката што ја направи Бојан, па штом се напија вода сами се вратија кај плевната.

„Бојан“ од Глигор Поповски (1973)

О, боже, кога ќе го родам детево и да се вратам кај нив?

„Небеска Тимјановна“ од Петре М. Андреевски (1988)

Станавме и се вративме кај огнот пред колибата.

„Небеска Тимјановна“ од Петре М. Андреевски (1988)

Ги оставивме пљачките и се вративме кај оградата што ги дели машкиот и женскиот логор.

„Небеска Тимјановна“ од Петре М. Андреевски (1988)

Сакам да скокнам од радост, ама ми е страв да не истурам нешто, да не се накапам нешто и пак да ме вратат кај децата.

„Небеска Тимјановна“ од Петре М. Андреевски (1988)

Но не помина многу време, Цанулица пак се врати кај Цанул; шеташе низ селото како ништо да не било; пукаше каменот под неа кога газеше; ѝ гореа очите, ѝ светкаше лицето како расцутена тутенка.

„Свето проклето“ од Јован Стрезовски (1978)

Дедото Богдан се рашета гордо низ пазариштето, разбра што му требаше да разбере, ги изжала и другите чифчии што ги виде, се нафрли пред сите со мариовската слобода и се врати кај Ангелета и селаните.

„Калеш Анѓа“ од Стале Попов (1958)

Го послушала врабицата и си се вратила кај врабецо.

„Македонски народни приказни“ од Иван Котев (2007)

Зар можела да се врати кај својот татко, Добре, најдобриот човек на светот!

„Авантурите на Дедо Мраз“ од Ристо Давчевски (1997)

Но Дедо Мраз, не забележувајќи го сето тоа продолжуваше: - Ако бев доследен на верноста, сигурно немаше да дозволам од најголема да се претвориш во најмала и да се вратиш кај куклите.

„Авантурите на Дедо Мраз“ од Ристо Давчевски (1997)

Јосиф се врати кај Сандра чија радост ја исполнуваше целата просторија.

„Човекот во сина облека“ од Мето Јовановски (2011)

- Не, не смрдиш, - ѝ рече и се врати кај шпоретот.

„Чкртки“ од Румена Бужаровска (2007)

Се сети на зборовите на брат ѝ.

„Чкртки“ од Румена Бужаровска (2007)

Плати, му наточија, и се врати кај мене.

„Сестрата на Сигмунд Фројд“ од Гоце Смилевски (2010)

„Ветувам дека ова ми е последната чашка,“ рече. Се насмевнав.

„Сестрата на Сигмунд Фројд“ од Гоце Смилевски (2010)

Пак се вративме кај копчињата - небаре маѓепсани.

„Клучарчиња“ од Бистрица Миркуловска (1992)

Рече да дојдат подоцна, но тие веќе разговарале со други козари и повеќе не се вратија кај нас.

„Времето на козите“ од Луан Старова (1993)

XIII Кога децата се вратија кај комитите,тие ги пречекаа како ништо да не било.

„Луман арамијата“ од Мето Јовановски (1954)

„Неколкуте пријатни чекори на оваа плоча не можат да го поправат впечатокот од грдите игри на животот“ беше последната нејзина констатација пред да се вратиме кај Раде. Грдите игри на животот!.. (нејзини зборови)..

„Желките од рајската градина“ од Србо Ивановски (2010)

Нејзината непопустливост го принуди да се предаде.