стрела (гл.) - по (предл.)

И тие стрелаа по ветер колку да се слушне во Рожден дека Ѓуро ги „брка“ Србите.
„Крпен живот“ од Стале Попов (1953)
Ако се провлечеш низ решетките, тие ќе стрелаат по тебе.
„Месечар“ од Славко Јаневски (1959)
Францускиот бенд, „Ејжен даб фондејшн“, побарале после концертот во кафеаната во која ќе ги полнат стомаците, рафално да стрелаат по келнерите со ќебапи, суфлаки и слични убиствени месишта подготвени на скара.
„Календар за годините што поминале“ од Трајче Кацаров (2012)
Како да стрелаа по неа. И како јас да ѝ бев сенка што ја следи верно до самата смрт.
„Забранета одаја“ од Славко Јаневски (1988)
Во истото време двајца Арнаути го дигаат Илија и го изнесуваат, а останатите ги навртуваат пушките да стрелаат по Ристаќија, но ги спречува излегувањето на Антица и за тоа пукаат нагоре)..
„Антица“ од Ристо Крле (1940)
По полето Суљовите луѓе стрелаа по орачите, отепаа каде вол каде човек.
„Калеш Анѓа“ од Стале Попов (1958)
Како да стрелаа по неа. И како јас да ѝ бев сенка што ја следи верно до самата смрт.
„Кловнови и луѓе“ од Славко Јаневски (1956)
Не одрекувај, му велам, ти си го стрелал по наредба.
„На пат со времето“ од Петре Наковски (2010)
Авионите како молња се спуштија ниско над колоната и почнаа да стрелаат по неа.
„Волшебното самарче“ од Ванчо Николески (1967)