ги (зам.) - изреди (гл.)

Дојде и слепата Донка, седна до ковчегот и ги изреди сите тажаленки.
„Јанsа“ од Јован Стрезовски (1986)
Откако ги изреди така од детскопионерска до надворешнополитичка, кадровикот на колегиум го постави прашањето што станува со младиот надобудник кого лично му го препорача нивниот колега техничар.
„Синовски татковци“ од Димитар Солев (2006)
Јас не можам да ти ги изредам сите, па нити, жено, да слушаш ти седна!
„Сердарот“ од Григор Прличев (1860)
Голем бакшиш ќе добие од момчетооооо! — и пак го спушта гласот— Ако не му треба немууууу И така ќе ги изреди сите денешни новини ,по сите улици во Прилеп, и секаде кога ќе ја заврши последната, ќе запее „кикиригуууу".
„Крпен живот“ од Стале Попов (1953)
Тој ги изреди со поглед сите и се задржа на една од жените.
„Калеш Анѓа“ од Стале Попов (1958)
Телалот уште рано изутрината ги изреди сите сокаци по маалата, па дојде и во чаршијата која штотуку се отвораше.
„Калеш Анѓа“ од Стале Попов (1958)
Сите жени беше ги изредиле.
„Небеска Тимјановна“ од Петре М. Андреевски (1988)
Нам не ни допушта местово да ги изредиме сите ваши филолошки и етногравски блујаници, со кои обилуваше вашата статија, и сите гнасотии и клевети што ги упативте не само на егзархијата туку и на сиот бугарски народ и да ви покажеме кој пцуел вие или ние.
„Потковица на смртта и надежта“ од Миле Неделкоски (1986)
Стојанка како крената пушка веднаш одговори: — „Неда", а попот си продолжи: „Крешчаетсја раба божја Неда, во имја отца амин, амин", и му ги Изреди ,и на ова детенце оние исти благослови што им ги рече на тие пред него.
„Крпен живот“ од Стале Попов (1953)