Колокации | Дигитален речник на македонскиот јазик

Во липтеж се тресат старечките рамена... Заплакаа собраните и видоа како меѓу прстите на Ѓорѓи, кој со дланките го има покриено избиеното лице, течат солзи.

„Големата удолница“ од Петре Наковски (2014)

Говорот што го одржа командирот, го крена ветерот и го растури низ клисурата, го разби од карпите и го одвеа по трапиштата ко песок меѓу прсти...

„Големата удолница“ од Петре Наковски (2014)

Ѝ се стресоа рамената и Циљка виде како меѓу прстите на мајка ѝ, потекоа солзи.

„Големата удолница“ од Петре Наковски (2014)

Меѓу прстите на О'Брајан се појави еден долгнавест исечок од весник.

„1984“ од Џорџ Орвел (1998)

Моливот му изгледаше тврд и дебел меѓу прстите.

„1984“ од Џорџ Орвел (1998)

„Погледни ја оваа нечистотија по целото твое тело. Погледни ја кирта меѓу прстите на нозете.

„1984“ од Џорџ Орвел (1998)

Тоа доаѓаше до израз дури и во движењето со кое ја ставаше раката в џеб, или ја вртеше цигарата меѓу прстите.

„1984“ од Џорџ Орвел (1998)

- Јас сум реалист – ми велеше Кеавиер, додека, пред Халите, го пиевме топлиот џем од палачинките меѓу прстите – сета наша литература е реалистичка.

„Слово за змијата“ од Александар Прокопиев (1992)

Со бегол поглед во ситото забележа дека меѓу прстите држи една крупна грутка која не се просеа.

„Последната алка“ од Стојан Арсиќ (2013)

Од активностите на локален план, главна задача на Ластета Думбаровски му беше посетата на манифестации ширум земјата: пред да тргне на пат ќе си завиткаше сендвичи во торбата, ќе земеше шише со вода, некое феферонче, оти го сакаше лутото до немајкаде; ќе прибереше нешто и од облека, задолжително две рала чорапи и гаќи оти брзо се потпаруваше и го јадеше нешто меѓу прстите на нозете и во ципите, како и средства за лична хигиена: бричалка, четка за заби, влажни марамчиња, чепкалки за уши и тоалетна хартија.

„Полицајка в кревет“ од Веле Смилевски (2012)

Сфаќаш ли? Не, рече Отец Симеон. Кога пијам не сфаќам. Цигарата меѓу прстите на хирургот ја гореше кожата.

„Месечар“ од Славко Јаневски (1959)

Заборавила што сум ѝ сторил и што таа сакала да ми стори. Умеам и да ѝ се измолзам меѓу прстите.

„Захариј и други раскази“ од Михаил Ренџов (2004)

Бреговите тоа го гледаа, се поткреваа и шептеа нешто со тополите врз нив, па тој не забележа пред него како се покажа и друго место, по него пак друго, сѐ некогашно и сѐ познато и драго, и преплашен скокна од потајниот допир кога го полази тенка водена жила што се провре меѓу прстите на нозете а потоа му ги покри стопалата и низ тенко жуборење водата почна да се качува по него нагоре, да се тимари, да го гали; забележа свиткани како лежат исушените стракчиња билки на дното и како го тркалаат грагорот пред себе еден величенствен облик.

„Ненасловена“ од Анте Поповски (1988)

А треба водата, затоа и се борев и се изборив, за да ја навлажниш испуканата уста и потта да ја измиеш од лицето и од снагата и да ја симнеш наслагата од меѓу прстите на нозете.

„Бунар“ од Димитар Башевски (2001)

Еднаш-двапати се поднаведнав, се позагледав повнимателно долу, зедов земја меѓу прстите, ја прожулавив за да можам да ја осетам и да направам проценка и да ја одредам натамошната стратегија. Сува и плазикава.

„Бунар“ од Димитар Башевски (2001)

Бев го стегнал меѓу прстите, како залепено.

„Бунар“ од Димитар Башевски (2001)

Пере се помести на столицата, ја зеде чашата ракија, сѐ уште така полна како кога му ја ставив, ја заврти меѓу прстите, и пак ја остави на местото без да се напие.

„Бунар“ од Димитар Башевски (2001)

Имитирајќи ја Кети, и таа се навикна да работи боса во градината, нејзините нежни стапала постепено се навикнаа на калта, па дури и уживаа на мекото цедење на земјата меѓу прстите на нозете.

„Невестата на доселеникот“ од Стојан Христов (2010)

- Патрокле му ја грабна лирата од рака И почна да ја мазни меѓу прстите. - Триесет грама, - рече Арсо.

„Пустина“ од Ѓорѓи Абаџиев (1961)

Забележав дека меѓу прстите сѐ уште го стискам она памукче со кое ја симнував шминката од очите.

„Братот“ од Димитар Башевски (2007)

Мече ја крена десната нога, лицето му се грчеше од болка и уплав: меѓу прстите му се беше впила голема набабрена пијавица.

„Бегалци“ од Јован Бошковски (1949)

Ти е страв да го закасаш со устата; ти се лепи на забите, ти се рочка меѓу прстите.

„Небеска Тимјановна“ од Петре М. Андреевски (1988)

Тој фатил в раце едно парче коса, ја врти меѓу прстите и вели: барем не ќе морам под капа да ја кријам.

„Небеска Тимјановна“ од Петре М. Андреевски (1988)

Само Апостол Макаровски пуши, ја тркала цигарата меѓу прстите, испушта долги облачиња чад во лицето од Ристо Коларов.

„Небеска Тимјановна“ од Петре М. Андреевски (1988)

Деновите само се крадат, што се вели, ни истече времето ко вода меѓу прсти и никому ништо.

„Небеска Тимјановна“ од Петре М. Андреевски (1988)

Небаре овошна смрдулка да сум згмечила меѓу прстите.

„Небеска Тимјановна“ од Петре М. Андреевски (1988)

Место сето тоа, тој само зграпчи една рака од таа црвеникава мека раздробеност, а после ја пушташе да му се рони меѓу прстите, паѓајќи исто онака безшумно, пепелаво и право, како и густите ситни преспи на снежинките во прозорецот.

„Белата долина“ од Симон Дракул (1962)

Меѓу прстите закопаа валкани капки.

„Белата долина“ од Симон Дракул (1962)

Суправаше по својата собичка, сѐ уште со она скокоткаво чувство, што му го оставија меѓу прстите оние шеговити клинчиња.

„Белата долина“ од Симон Дракул (1962)

Истата вечер стариот Голдблум, облечен во ноќна анетрија, додека жена му држеше свеќник над главата, ги броеше, потплукнувајќи меѓу прстите, крупните банкноти што ги редеше на постелата, подготвувајќи ги, заедно со неколку обврзници, како практична поткрепа на предлогот што го подготвуваше за утрешниот разговор со син му. „Дојдете”, ми рече д-р Астерид.

„Светилка за Ханука“ од Томислав Османли (2008)

Долу, под балконот, летувачите веќе се врвчеа - кој со торба, кој со душек, кој со гума, кој со чадор, кој со топка - сите по шорцеви, со апостолки меѓу прстите на нозете и снежни шапки на главите, жените носеа шарени блузи без ракави, а мажите еднобојни маички со тесни прерамки.

„Синовски татковци“ од Димитар Солев (2006)

Како да зафаќаш со дланките од езерото, а ништо не ти останува меѓу прстите.

„Синовски татковци“ од Димитар Солев (2006)

За сето време додека разговараа, Горда си играше со ножовите меѓу прстите, а сега одеднаш престана и го одвои погледот од Грдан, изострувајќи го до вслушување.

„Синовски татковци“ од Димитар Солев (2006)

Мајка седна до мене. Ја зеде свеќата од свеќникот што стоеше на средината од масата, и почна да ја префрлува меѓу прстите, како некој кој нема што да каже, или има толку многу за кажување што не знае од каде да почне.

„Сестрата на Сигмунд Фројд“ од Гоце Смилевски (2010)

Го оставив светнатиот нож, позедов друг од кутијата, па минував по неговото сечило со крпчето.

„Сестрата на Сигмунд Фројд“ од Гоце Смилевски (2010)

Неколку денови едноподруго зачудените вишеградци го гледаа градителот, наведнат и побелен, но црвен и младолик во лицето, како го обиколува големиот камен мост, го дроби, меѓу прстите го крши и со јазикот го испробува малтерот и составките, и како со чекори ги премерува окната.

„Црни овци“ од Катица Ќулавкова (2012)

Како да криеше нешто под дланките. Меѓу прстите ѝ стоеше угасената свеќа.