преку (предл.) - врат (имн.)

Црната коса ѝ се спушташе преку вратот како грива. Горната усна запречена како да се стреми кон издолениот, ниско спуштен нос.
„Продавница за љубопитните“ од Мето Јовановски (2003)
Сега жештината му се примолкнуваше преку вратот, до образите, како топло вино.
„Лек против меланхолија“ од Реј Бредбери (1994)
Бојан одново го префрли јаженцето преку вратот на Кротка.
„Бојан“ од Глигор Поповски (1973)
Пудлица: вистинско нежно прекрасно суштество: куса глава, куса муцка, високо кренато чело, јадри очи со убави веѓи, долго влакнесто руно префрлено преку вратот и нозете како пелерина.
„Прва љубов“ од Јован Стрезовски (1992)
Таа плетеше некои куси волнени чорапи на пет игли со преметнат конец преку вратот.
„Друга мајка“ од Драгица Најческа (1979)
Ја врза кучката со јаже преку вратот, зеде в рака една разгорена гламња и претпазливо излезе во студеното зимско утро.
„Бојан“ од Глигор Поповски (1973)
Ема со врвот од јазикот го проба пудингот од малата стаклена порција и кога минуваше низ ходникот од кујната во спалната соба јас сѐ уште стоев отпростум во кадата, крај сината мушама, со дебела фротирка преку вратот.
„Полицајка в кревет“ од Веле Смилевски (2012)