ДИГИТАЛЕН РЕЧНИК НА МАКЕДОНСКИОТ ЈАЗИК

На крајот се разбра работата од каде беше: Мајка му на јузбашијата беше била каурка — Гркинка, но беше побегнала за некој си бег во Солун, ама од голем мерак што имале обајцата еден спрема друг, таа успеала да го кандиса да не ја потурчува, што значи тој беше од татко Турчин, а мајка христијанка, која во неговото детинство беше повлијала на неговото воспитание и разбирање за каурите.

Сето ова беше направило од овој Турчин културен човек, и тој како таков се покажа во Полчишта.

- Има голем мерак по книгата.

Ете што ти е наш човек: голем мерак по успех и слава, ама уште поголем по јадење бурек.

Тој секој ден црташе нова карта со границите на својата татковина и секој ден со голем мерак ја прошируваше на север, на југ, на исток и на запад.

Ја правеше викендичката сам со години, со голем мерак и љубов, камен по камен, даска по даска.

НАЦА: Не е лесен ум, туку голем мерак.

СПИРО: А, колај работа за тоа. Ќе земев некоја друга.

Суџуците таа самата со голем мерак ги подготви за инает на новиот Музафер-ага, ги измеша со јунешко месо и со разни мирудии, и откога ги исуши им даваше на децата да грицкаат сув суџук, за да не ги издаде миризбата при пржењето.

Е голем мерак ти имам по пусти пари.

Уште од дете, додека беше целокупен, Мице имаше голем мерак да стане свирач и затоа, секогаш кога за свадба или селска слава ќе дојдеа свирачи, се пикаше меѓу нив со по една клечка во секоја рака, застануваше пред виолинистот и ставајќи ја едната клечка фатена со левата рака под пазува наместо под брада и со другата заструтувајќи преку другата прачка, ги имитираше движењата на кеманџијата и заедно со него ја свиреше и ја пееше песната што свирачите ја свиреа и ја пееја.

Големиот океански бран ме крена угоре како што се креваат големите мераци па ме тресна на дното каде што неизоставно завршуваат големите надежи.