ниеден (прид.) - свој (прид.)

И ниедно свое поминување по скелето тој не го запомни толку крваво, како што беше тоа негово последно слегување од највисокото скеле до земјата.
„Белата долина“ од Симон Дракул (1962)
Главно, ја прекина работата во кујната и рече: - На што би личел човек кога би останал без ниедна своја тајна?
„Игбал, мојата тајна“ од Јагода Михајловска Георгиева (2000)
Никогаш свесно не сум анализирал ниедна своја поетска ситуација и своите поетски пориви можам да ги следам само таму кај што тие ме водат.
„Две тишини“ од Анте Поповски (2003)
Тоа е како да немаш ништо сопствено, сè да ти е заедничко со некој друг.
„Игбал, мојата тајна“ од Јагода Михајловска Георгиева (2000)
Оф, боже, па кучињата во ниедна своја несреќа не би ги оставиле луѓето.
„Пиреј“ од Петре М. Андреевски (1983)