силен (прид.) - стисок (имн.)

Раката на полицаецот му ја вжаруваше неговата рака со силен стисок. Не е тоа да не побегне.
„Пустина“ од Ѓорѓи Абаџиев (1961)
- И моите не се ништо послаби, - му дофрлив јас гордо, веќе готов да му рипнам на пубертетлијата кој од сите најмногу ме нервираше, кога Абраш ме фати со неочекувано силен стисок на раката, ме повлече кон себе и предложи: - Немој, кога ти велам.
„Јас - момчето молња“ од Јагода Михајловска Георгиева (1989)
Се прегрнаа, потоа силен стисок на рацете, војнички поздрав.
„Постела на чемерните“ од Петре Наковски (1985)
Додека постапно но незапирно, конечно не се смири - раката му падна од силниот стисок на синот, црнките од очите му се превтеа и запреа некаде во небото, белките му останаа закопани во земјата, а тој здрвен на миндерот во клада штотуку исечена од шумата и донесена да се исуши до огништето.
„Синовски татковци“ од Димитар Солев (2006)
Рацете на Круме Волнаровски му беа залепени со дланките и спуштени меѓу колениците (имав впечаток дека рацете му беа во силен стисок меѓу колениците, за што тој, најверојатно, не беше свесен), а главата му висеше напред така што од мојата страна можев да му го гледам само левиот образ и дел од темето во сиви нијанси како лишај на кутнато дрво.
„Полицајка в кревет“ од Веле Смилевски (2012)
Прв школски ден свеченоста на мигот го покрива стравот дека милосрдниот допир на детството полека преминува во силен стисок.
„Најважната игра“ од Илина Јакимовска (2013)
Добро што коската не е повредена.
„Постела на чемерните“ од Петре Наковски (1985)
Стево Трајчов се обидуваше да го праша нешто својот адвокат кој набрзина внесуваше белешки на листот истрган од папката со материјали од истражната постапка.
„Полицајка в кревет“ од Веле Смилевски (2012)