а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

потврди

потврдат; потврдам; потврдил
Вид збор: Глагол, свршен
Ранг: 2695
1. Посведочи дека претходно кажаното, пишаното или стореното е точно, вистинито.
Англиски: testify Албански: dëshmoj
Употреба: Правда
Примери:
Дека сето ова е точно, можат да потврдат и другарите што беа со мене.
Луѓето отпрвин не му веруваа, но се најдоа и други што го потврдија тоа.
Слично со: посведочи (св.)
2. Изрази согласност.
Англиски: confirm Албански: pohoj
Примери:
Тој поцрвене и потврди со главата.
Тој со кимање на главата потврди.
Слично со: одобри (св.)
3. Даде законска или административна важност, потврди вистинитост на некој документ, решение и сл.
Англиски: certify Албански: vërtetoj
Употреба: Административен термин
Примери:
Неговата пресуда била потврдена и стапила во сила.
Доставените дипломи треба да бидат потврдени од Управата.
Тој ќе оди в суд за да ги потврди договорите.
Слично со: завери (св.) , легализира (св. и несв.)
4. Прифати, озакони, санкционира на повисоко ниво на надлежност нечие решение, поставување на должност, звање и сл.
Англиски: approve Албански: konfirmoj
Примери:
Тие го потврдија во звањето редовен професор.
Слично со: озакони (св.)
5. Докаже, покаже, даде доказ за нешто.
Англиски: prove Албански: dëshmoj
Примери:
Тој го потврди тоа на дело.
Нашата национална судбина тој мит го потврди историски.
Сето тоа ја потврди неговата музејска вредност.
Слично со: докаже (св.)
6. (се потврди) Излезе, се покаже точен, правилен (за претпоставка, тврдење, мислење, предвидување и сл.).
Англиски: prove Албански: dëshmoj
Примери:
Се потврдиле лагите на двајцата лажговци.
Нашите сомненија се потврдија.
Слично со: покаже (св.)
7. (се потврди) Се покаже, се докаже во некое својство.
Англиски: prove Албански: dëshmoj
Примери:
Се потврди како добар педагог.
Слично со: покаже (св.)
Изведенки
1. потврдува несв.
(се) потврдуваат
2. потврдување ср.
глаг. им.