а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

стисне

стиснат; стиснал
Вид збор: Глагол, свршен
Ранг: 2969
1. Стегне со рака, со некој предмет и сл.
Англиски: squeeze Албански: shtërngoj
Примери:
Му ја стисна раката.
Девојчето стисна лимон во чајот.
Тој стисна на ѕвончето и вратата се отвори.
Слично со: стегне (св.)
2. Прилепува, прилепи, припие цврсто, спои едно со друго.
Англиски: stick Албански: ngjit, shtërngoj
Примери:
Ги стисна усните и не рече ни збор.
Ги стисна двете нозе.
Децата ги стиснаа дланките меѓу колениците.
Слично со: прилепи (св.)
3. (се стисне) Се собере, се збие во тесен простор.
Англиски: squeeze Албански: shtërngoj, trus
Примери:
Се стиснале во собата и молчат.
Три деца се стиснаа на едно седиште.
Се стиснаа во преполнетиот автобус.
Слично со: збие (св.)
4. Потисне, совлада некаква возбуда.
Англиски: suppress
Употреба: Преносно значење
Примери:
Стисни душа!
Слично со: потисне (св.)
5. Цврсто држи в раце.
Англиски: press
Примери:
Тој безумно стисна нож в рака.
Девојчето ќе ја стисне куклата до себе и не ја дава никому.
6. Стегне со рака во знак на срдечен поздрав, благодарност и сл.
Англиски: press
Примери:
Со наклон ја стисна неговата рака.
Изрази
Стисне во прегратки - прегрне некого.