одврзе (св.)
Лабро без да чека двапати да му речат, го одврза учкурот и со едната рака, држејќи ги шалварите, а со другата рака ...., се истопори пред ѕидот и од лево кон десно, па нагоре и надолу, го мочаше знамето.
„Големата удолница“
од Петре Наковски
(2014)
Ти безобзирна сило што дивееш во височините што врзуваш облаци и одврзуваш јазли Порасни!
„Сите притоки се слеваат во моето корито“
од Марта Маркоска
(2009)
Се споулавувал и не се покорил. Го одврзале од чаркот и кога му помагале да седне и да се смири доколку не сака да го потераат во сургун, повторувал дека ќе им се одмазди на џелатите и дека ќе му ја запали куќата на бегот.
„Тврдоглави“
од Славко Јаневски
(1990)
И кога престана ветрот и се одврзаа коњите Таа уште не се исправаше, лежеше како болно дете На кое му се суши срцето.
„Љубопис“
од Анте Поповски
(1980)
Неподнослива смрдеа од која можат да ти се одврзат кондурите.
„Тибам штркот“
од Зоран Спасов Sоф
(2008)
Ги одврзувам кравата и магарето и си ги земам децата.
„Пиреј“
од Петре М. Андреевски
(1983)
Ја издува прашината, со растреперени прсти ја одврза врвцата и на маса почна да реди пожолтени исечоци од весници.
„На пат со времето“
од Петре Наковски
(2010)
Јас напнувам уште еднаш и нешто како да ми се скина, како да ми се одврза од трбушката.
„Пиреј“
од Петре М. Андреевски
(1983)
Но по улиците немаше чешми, чешмите беа по дворовите, а во дворовите имаше кучиња, кучињата беа одврзани и ‘ржеа со рѓосаните заби по секој неканет гостин што ќе му се доближеше до сопственичката порта.
„Синовски татковци“
од Димитар Солев
(2006)
Го одврзав кесето и земав неколку златници и следните денови си ги трошев на колачи и бонбоне.
„Човекот со четири часовници“
од Александар Прокопиев
(2003)
Мајка ми ја одврза салфетата со сирење и краешник и ми ја смести во скутот.
„Синот“
од Србо Ивановски
(2006)
Го одврзавме од куќичката и тргнавме надолу по улицата кон куќичката на баба Стеве.
„Игбал, мојата тајна“
од Јагода Михајловска Георгиева
(2000)
Тамам се расположи, ја одврза шамијата од под брадата, и кога беше готова да се предаде на пријатноста на ладот,чу како нешто во коријата зашуме.
„Луман арамијата“
од Мето Јовановски
(1954)
Го одврза коњчето и го натовари.
„Волшебното самарче“
од Ванчо Николески
(1967)
Откако одврза еден чун, тие седнаа во него и потпирајќи се со долги притки по мочурот, обраснат со подводни треви, запловија низ трските.
„Бегалци“
од Јован Бошковски
(1949)
Маса Ќулумоска кажуваше дека сама ѝ ги избришала солзите на Богородица од иконата во камарчето. Ја одврзала шамијата од глава и ѝ ги избришала солзите.
„Пиреј“
од Петре М. Андреевски
(1983)
Ги одврзувам панделките, ги вадам шнолите и тргам со чешелот.
„Небеска Тимјановна“
од Петре М. Андреевски
(1988)
Го одврзаа ќесето, а сега им е жал за парите.
„Последната алка“
од Стојан Арсиќ
(2013)
После го одврзавме човекот и го нападивме. По години, се разбра дека избегал во Америка.
„Пиреј“
од Петре М. Андреевски
(1983)
Ми кине меса, а ми е страв да го пуштам надвор, да го одврзам.
„Небеска Тимјановна“
од Петре М. Андреевски
(1988)
