пасија (ж.)
Каде сѐ не прашувал каде може да се купи таков, жолт путер (каква чудна тавтологија, рече, но вистинита е, и неопходна да се опише токму тој путер); низ годините, по сите градови, по целиот свет, барал таков путер; путерот му станал опсесија, еден вид пасија; но никогаш и никаде не сретнал таква боја и таков мирис.
„Папокот на светот“
од Венко Андоновски
(2000)
Пасија ми е сакањето на природните нешта и уживањето во нив.
„Читај ми ги мислите“
од Ивана Иванова Канго
(2012)
Молчешкум ќе завиваме во потсвеста на противникот, кој ни го сече патот до успехот на нашата пасија...
„Поетски блесок“
од Олга Наумовска
(2013)
Речиси никој не ја делеше нејзината пасија, поконкретно, опсесивност со точноста, бидејќи времето го сметаше за нешто што ѝ причинува најголема тегоба доколку пропуштеше некој интервал или имаше некоја важна секвенца во која таа не беше директно инволвирана.
„Вител во Витлеем“
од Марта Маркоска
(2010)
Му стануваше јасно дека тоа не беше вообичаена пасија за собирање книги или поштенски марки, дури и играње покер, туку се работеше за возвишена цел.
„Балканвавилонци“
од Луан Старова
(2014)
На масата му стоеше нерешен крстозбор со анаграм и ребус; неговата омилена пасија.
„Папокот на светот“
од Венко Андоновски
(2000)
Високо специјализираните професии се најдоа на списокот на забранети улоги, откако една професорка по филозофија, чија пасија беа медицинските енциклопедии, доживеа тешка траума присуствувајќи на операција на слепо црево, каде од неа беше побарано да го направи првиот рез.
„Сонце во тегла“
од Илина Јакимовска
(2009)
Мелодрама
Не, доволни се двајца
нема место за повеќе
и кога би можеле да го измениме
и кога праведно би го поделиле
Имотов, секому
на три, на два, на еден
не би било исто
ни делот, ни целоста
ја имаме
сите ние со празни раце
ништо немаме
штом пасијата стане посесија
геометриска прогресија
- хаос.
„Ерато“
од Катица Ќулавкова
(2008)
Париз е познат по големата пасија кон кучињата, која е развиена, дури, како во приказните. Кучињата и мачките се заштитени со закон.
„Патувања“
од Никола Кирков
(1982)
Негова пасија беше фотографијата.
„Полицајка в кревет“
од Веле Смилевски
(2012)
Махмуд Дарвиш, загледан во езерската синевина, во другата земја зад блиската граница, која не се гледаше во синото езеро, тивко рече: - И покрај мојата пасија никогаш не сум помислувал да напишам роман.
„Амбасади“
од Луан Старова
(2009)
Кажи: задоволството е во
занесот по зборовите, не самите зборови:
кога сѐ е речено, недоречено
кога зборувањето е пасија, од по жица
по тенок мраз, скок над гротло ;
кога се разбираме молкум,
со поглед, со мимика, со гест
со крстот на чело;
кога се разбираме наспроти зборовите
со интонацијата, со бојата на гласот;
кога ситуацијата е дел од разговорот;
„Ерато“
од Катица Ќулавкова
(2008)
Излетите на Витоша, всушност, како да станале посебна пасија на жителите на главниот град на Бугарија.
„Патувања“
од Никола Кирков
(1982)
Заминување
-пасија-
Веќе немаат број деновите:
веќе со години се мислам
дека морам еднаш
одовде да одам и принудена,
„за последен пат да ја поздравам
Александрија која се губи“.
„Ерато“
од Катица Ќулавкова
(2008)
Уште еден таков скорашен пример е со пријателот Панче, страстен фотограф, со ретка додатна пасија – читање книги (на кого исто така му ја раскажав случката со словачкиот Кортасар).
„Човекот со четири часовници“
од Александар Прокопиев
(2003)
Животот во паника ќе кидне прудолу
да провери дали сѐ уште
е тоа што мисли дека е:
заден миг на свесност
кога сѐ се претвора во блиц сеќавање
во јазик разбиен од из-без-ум-е-ност
во сублимиран естезис
оти нема време да се прераскажува
на долго и на широко
само извесна веројатност да се искаже
без надеж
дека ќе биде видено
од некого
само извесна пасија по кажувањето
- низ реч, низ слика, низ музика,
низ тело, низ плот...
само извесно насетување на вистината
според логика која оди прекутрупа
во погорниот, во вртложниот
круг на небото
кога тоа ќе се
отвори
во
екс-та-за!
„Ерато“
од Катица Ќулавкова
(2008)
Последнава пасија му остана трајна да ја составува својата библиотека до крајот на својот живот.
„Балканвавилонци“
од Луан Старова
(2014)
Но, тогаш, сето останато е оправдано, бидејќи доволна е само една пасија за да се оправда постоењето.
„МАРГИНА бр. 8-9“
(1994)
Театарска пасија во три става. (Го фрла текстот во воздух. листовите летаат на сите страни. Пауза.)
„Одбрани драми“
од Горан Стефановски
(2008)
БОЖО: (Го чита насловот на текстот) „Дупло дно”. Театарска пасија во еден став. (Пауза) Ете, ја прочитавме твојата пиеса како што побара. Зодоволен си?
„Одбрани драми“
од Горан Стефановски
(2008)
