промрмори (св.)
- Ха, - промрморе кметот. - Не сум јас должен да хранам и да се грижам за туѓи деца.
„Дружината Братско стебло“
од Јован Стрезовски
(1967)
Таа промрморе нешто што изгледаше како согласност.
„1984“
од Џорџ Орвел
(1998)
Другата сенка промрори нешто нејасно и се наведна, останувајќи без глава.
„Месечар“
од Славко Јаневски
(1959)
Само црцорот на птиците потсетуваше на другите обични денови. – Ова не ќе е на арно! – промрморе мајка ми и се упати кон кујната во дворот.
„Времето на козите“
од Луан Старова
(1993)
- Добро. – промрмори Бугаринот затегнувајќи ја пушката, ја подготви за нишан за Нисе, па почна да брои... –Еден, два..
„Ветришта“
од Радојка Трајанова
(2008)
Сакаше да прашува уште и за учењето и за Елена, ама му се стори дека Денко одговара некако без волја, па само одмавна со раката, си промрморе под носот „Да видиш и да не веруваш“, - па замавна со копачот во земјата пред себе.
„Бојан“
од Глигор Поповски
(1973)
Партискиот секретар прв нешто промрморе за себе и молкна.
„Времето на козите“
од Луан Старова
(1993)
Аким нешто промрмори и тргна кон мене, ме притесни до првиот ѕид.
„Улица“
од Славко Јаневски
(1951)
Првото што го рече, кога ја постивна возбуденоста во градите, тоа беа зборовите што ѝ ги промрмори низ заби на жена си: - А ти пак... роднините...
„Бојана и прстенот“
од Иван Точко
(1959)
Отишла со друг. Курва! Промрмори огорчено и не без мака.
„Бојана и прстенот“
од Иван Точко
(1959)
Е, море, тука тука. Било речено да ги оставиме коските по овие пустелии, нема што — тажно промрморија скоро сите Сарафови приврзеници кои до пред некој ден мислеа дека се веќе надвор од опасноста и скоро ќе се најдат „во слободната мајка Б'лгарија" да ги понесат венците за услугата што му ја направија на Кобурга.
„Толе Паша“
од Стале Попов
(1976)
Елбете, нагазиле Сефедин и мудурот на осарникот, та ги искасале, — одговори иронично јузбашијата и поздрави во знак на свршен доклад. — Ништо чудно, — промрмори бимбашијата и го ослободи овој јузбашија за да ги прими рапортите од другите.
„Толе Паша“
од Стале Попов
(1976)
Јон само промрморе нешто, вели Мисајле, се подзаврте, се позавитка во снегот и пак си ја потпре главата да спие.
„Пиреј“
од Петре М. Андреевски
(1983)
- Барате некого? - му промрморе на преполнетото биро или само на отворената картотека. - Сакате да се видите со некого?
„Синовски татковци“
од Димитар Солев
(2006)
- Така му излегува, - промрморе и се помести да ѝ направи место, но Кате се врати на својот кревет.
„Синовски татковци“
од Димитар Солев
(2006)
Застана за минут наместо, замолча небарем одаваше посмртен почит на паднат херој, а потоа си промрмори.
„Толе Паша“
од Стале Попов
(1976)
Тој роднината, му бакна рака на болниот старец, промрморе одвај чујно: „Прости ми, мили дедо”, па ги свика кучињата што Денко ги беше нахранил и со торба преку рамо забрза преку Гола Глава.
„Бојан“
од Глигор Поповски
(1973)
- Еј, беља, промрморе дедо Иван, веќе сериозно загрижен. Ја крена пушката и уште еден грмеш ја разбранува снежната ноќ.
„Бојан“
од Глигор Поповски
(1973)
Револтирано промрморев: „да имаше волку храна баба ми дури беше жива, немаше сега да ја закопуваме“.
„Вител во Витлеем“
од Марта Маркоска
(2010)
— Ќимс'н сен? — извика војникот, но гледајќи го попот на коњот и жената по него си промрмори нешто за себе, во кое време Толе му одговори: — Бенјим папас ефенди, — и не запирајќи го коњот помина крај војниците откои едниот ја изгледа похлепно Митра и му ја покажа на другиот: — Бак, бак, кардаш, ѓузел ѓелин.
„Толе Паша“
од Стале Попов
(1976)
