хоби (ср.)
Нему раката му се лепи за туѓото, ама нему хоби му е алашверишот – и ќе украде и ќе купи само и само да препродаде.
„Продавница за љубопитните“
од Мето Јовановски
(2003)
Фацијалната експресија ми беше хоби. Согледував дел од нивните животи.
„Читај ми ги мислите“
од Ивана Иванова Канго
(2012)
Фанцузинот, како што е познато има едно невообичаено хоби за нашите поими, да ги сака кучињата, со кои овде се води цела трговија.
„Патувања“
од Никола Кирков
(1982)
Но, ако секој разговор помеѓу луѓето води кон меѓусебно разбирање: Ќе се престане ли со голтање на апчиња? Не. Ќе се голтаат, ама од хоби.
„Календар за годините што поминале“
од Трајче Кацаров
(2012)
Иако, мајка ми отсекогаш сакаше девојче и во периодот на блаженост, од полиците на дуќаните ги имаше испразнето сите розови тантели, кои подоцна мораше да ги носи брат ми (фала му на бога што не се сеќава на тој период, а и фотографирањето не беше толку зачестено хоби).
„Вител во Витлеем“
од Марта Маркоска
(2010)
Навистина, има еден мал хоби, ако така може да се нарече.
„Младиот мајстор на играта“
од Александар Прокопиев
(1983)
Смислуваше некаков компромис, за кој си признаваше дека ќе е малограѓански, со кој синот би ставил в џеб диплома од некој факултет, а сепак би си го задржал како хоби својот мерак по џезот.
„Синовски татковци“
од Димитар Солев
(2006)
- Иако студиите по историја на уметноста ми беа под „бе”, значи нешто како хоби, можам да кажам дека кустосот е надминат како дискосот.
„Синовски татковци“
од Димитар Солев
(2006)
Нека одлучи за неа севишниот. И, така, чекањето ми стана омилено хоби. ***
„Читај ми ги мислите“
од Ивана Иванова Канго
(2012)
Милиот, чудникав Лев. Имаше и чудно хоби – палеонтологија.
„Слово за змијата“
од Александар Прокопиев
(1992)
