капе (несв.)
Нѐ тераа да вршиме трње, вели, боси нѐ тераа да трчаме по трњето, вели, оптежи, приврши, те удираат, те дупат, јаго, јаго, а крв ти капе од стапалата, оптежи, приврши, нѐ сакатија...
„Небеска Тимјановна“
од Петре М. Андреевски
(1988)
Се истрча надвор, зеде една рогузина од чардакот и едно најискинато покровче, ги внесе дома, ја посла рогузината на женскиот кат, го зеде коритцето што ги капеше нејзините деца, го кладе зглавје надолу со главата (така лежат леунките по Мариово) и истрча долни крај кај јаслите да види што направи Доста.
„Крпен живот“
од Стале Попов
(1953)
Мислам дека и мојата сенка е издупчена и од секоја дупка крв и гној ми капе.
„Небеска Тимјановна“
од Петре М. Андреевски
(1988)
Сонцето на пладне доаѓа да го надојам ноќта во мојата блажина се капе.
„Вардар“
од Анте Поповски
(1958)
Беа секогаш оние северни ведрини, од кои мразот преку ноќта се стегнува како кремен, за некаде веднаш попладне само штом ќе почнат да капат капавиците, а веќе светлооката острина на цибрината ги маѓепсува со погледот на своите бели ѕвезди, и само мранзулите по стреата и по ветките ќе стасаат да пораснат надолу уште за една педа.
„Белата долина“
од Симон Дракул
(1962)
Неговата сиромаштија се браздеше на челото и капеше во капки пот.
„Ниска латентна револуција“
од Фросина Наумовска
(2010)
Околу нив летаат пердуви и си капе крв на снегот.
„Небеска Тимјановна“
од Петре М. Андреевски
(1988)
Без престан капат лисјето врз земјанките, ги полнат патеките меѓу нив.
„Големата удолница“
од Петре Наковски
(2014)
На кејот девојката си ги капе стапалките во зеленикавите бранчиња.
„Пустина“
од Ѓорѓи Абаџиев
(1961)
Потоа тука е амамот во кој таа го капе братот...
„Братот“
од Димитар Башевски
(2007)
Не ја чувствуваше потта во која се капеше неговото тело.
„Бојан“
од Глигор Поповски
(1973)
Се капевме и уживавме во топлата и тиркизна вода.
„Седум години“
од Зорица Ѓеорѓиевска
(2012)
Одам по долината завлечен по облакот од дамнешниот чад над сниските покриви зад меѓите, зад грмојте, зад високите крошни на дабовите зад крушите што се сушат зад сливите што капат зад јаболката во кои пее есента та мириса сета долина на топли пазуви и тихи мусандри во оние стари градски куќи што се вишат во куќите изгубени во правта на калдрмата во куќите чии чардаци чии пармаци уште се свртени кон долинава во која бавно се враќам како во стара книга што постојано се превртува во дланките на осамата.
„Липа“
од Матеја Матевски
(1980)
Ги подринува сенките и сета земја ја капе.
„Небеска Тимјановна“
од Петре М. Андреевски
(1988)
За прв пат откако дојде во бригадата, Мече усети колку е убаво тука наутро кога првите зраци на сонцето ќе паднат над разбудениот младински логор, што се капеше во утринската светлина и веселост.
„Бегалци“
од Јован Бошковски
(1949)
И затоа, не облекувај туѓи чевли или ќе ти ги стуткаат прстите на нозете и плускавци ќе ти се наредат по петиците, па кога ќе ти пукаат, сите ќе ја видат крвта што ти капе од меурите.
„И ѓаволот чита пРада“
од Рада Петрушева
(2013)
Ко зрна пченица ми капат под мишките.
„Небеска Тимјановна“
од Петре М. Андреевски
(1988)
Мувите слегуваат на водата што ни капе.
„Небеска Тимјановна“
од Петре М. Андреевски
(1988)
Се скрши мразот во мене и почна да капе, да ми го полни дното.
„Небеска Тимјановна“
од Петре М. Андреевски
(1988)
На брегот од тихата река врбите таговно се капат... песната се губи во зајдисонцето, јазикот се вовлекол во мене и немо стои пред збогување.
„Поетски блесок“
од Олга Наумовска
(2013)
