караула (ж.)
Кога челото на првата фаланга ќе помине покрај караулата на ридот Гинова, останатите единици да се повлечат од своите одбранбени позиции и веднаш да формираат фаланга која ќе продолжи, држејќи се за опашот на првата фаланга.
„Големата удолница“
од Петре Наковски
(2014)
Бараше од раководството од секое село да им праќа луѓе за караули — стража — каде што денува и кога почна да ги собира сите црквени пари под изговор дека со нив ќе купува пушки, кај селаните изгуби секаква симпатија и доверба.
„Толе Паша“
од Стале Попов
(1976)
Кога војските од оваа страна на фронтот започнаа да ги зацврстуваат своите позиции спрема Грција за да се спречи нападот на француската и српската војска, близу до селото во една од селските кошари донесоа стотина волчјаци за да ги дресираат; дресираните кучиња ги испраќаа по граничните караули.
„Свето проклето“
од Јован Стрезовски
(1978)
Брзо се расонив од тешкиот сон, без униформа и бос излегов пред караулата.
„На пат со времето“
од Петре Наковски
(2010)
Но, око не склопив… В мугри појдов кон блиската македонско-албанска граница. Караулата беше на неколку стотини метри.
„Патот на јагулите“
од Луан Старова
(2000)
Врз покривот на караулата паѓаа тешките куршуми од авионските митралези и само неколку минути потоа почнаа да паѓаат бомби врз селата Трстеник и Капештица.
„На пат со времето“
од Петре Наковски
(2010)
Бев поручник. Командир на гранична караула.
„На пат со времето“
од Петре Наковски
(2010)
Се смеат сите. Прошетката и одморот во караулата бргу мина.
„Прва љубов“
од Јован Стрезовски
(1992)
Јас сега ќе наредам деврие низ селото, караули по сите патишта, а еден чауш лично кај тебе ќе караули.
„Толе Паша“
од Стале Попов
(1976)
Крај караулата сите се туркаат за да го видат што подобро граничниот камен што ја означува границата и од каде што продолжува соседната земја.
„Прва љубов“
од Јован Стрезовски
(1992)
- Ете, бевте во странство и се вративте... - им вели командирот на караулата.
„Прва љубов“
од Јован Стрезовски
(1992)
Командирот на караулата им вели: - Кој не бил во странство, сега може да оди...?
„Прва љубов“
од Јован Стрезовски
(1992)
