лонче (ср.)
Ќе ја ставиш устата во лончето и ќе кажеш што имаш за кажување.
„Небеска Тимјановна“
од Петре М. Андреевски
(1988)
И ќе чекаш така да ти се јават во лончето.
„Небеска Тимјановна“
од Петре М. Андреевски
(1988)
И ставајќи го лончето на решото ја сети до себеси неа. Нозете му се подкосија.
„Бојана и прстенот“
од Иван Точко
(1959)
Сиромав Јонче од селото Конче засади в собче индиско конопче везден го вади со вода од лонче за година израсна големо снопче
„Проклетници“
од Горан Јанкуловски
(2012)
Камилски беше зачуден трагајќи по речниците колку многу турцизми се употребувале, но и натаму се употребуваат во балканските јазици за означување разни садови, како: бардак, барде, вид лонче кое служи за пиење вода (од турски bardak); ибрик, поголем бакарен сад за вода со посебно извиен тесен отвор, се употребувал уште како сад за масло и како сад во кој се топли вода, како и за варење кафе и чај.
„Балканвавилонци“
од Луан Старова
(2014)
Само, ако ми донесат лонче чај и коцка шеќер, само тогаш ми се врзува душата.
„Небеска Тимјановна“
од Петре М. Андреевски
(1988)
Ане го зеде лончето во раце додека правеа ручек со Дора и почна да го разгледува.
„Чкртки“
од Румена Бужаровска
(2007)
— Вака и вака, вели и ми го зема лончето за чај, ме води кај цевките за парно затоплување, прескокаме преку жените.
„Небеска Тимјановна“
од Петре М. Андреевски
(1988)
Ќофтиња од кал Тоа утро Дора и Ане се скараа. Додека правеа ќофтиња од кал, Ане го побара лончето и сакаше да си го носи дома.
„Чкртки“
од Румена Бужаровска
(2007)
Се собраа и трите шарени топки, едночудо коцки, чинивчиња и лончиња.
„Градинче“
од Бистрица Миркуловска
(1962)
Ќе чукнеш, вели, на цевката и ќе го потпреш лонче-то.
„Небеска Тимјановна“
од Петре М. Андреевски
(1988)
Тоа беше едно многу убаво лонче што тетка ѝ на Дора го донесе од Грција, сино со розово капаче и со бледорозови уши што стрчеа од страните.
„Чкртки“
од Румена Бужаровска
(2007)
И вистина дојде глас во лончето: Оливера Поточка е седум соби подалеку од вашата!
„Небеска Тимјановна“
од Петре М. Андреевски
(1988)
Некоја старица рече нешто, ама зборовите се изгубија во звуците кои ги правевме во обидот да стигнеме која попрво во коритото, да заграбиме со лончето вода од казанот, да се потуриме со вода, да се затриеме и да истриеме од себе која колку може повеќе од гнасотијата.
„Сестрата на Сигмунд Фројд“
од Гоце Смилевски
(2010)
Е, ама имав врски и две-три попатни провокации, и грижа како за кралица, па сум ги побркала лончињата мислејќи дека ова, третово искуство, ќе биде еквивалент на несење јајце од една кокошка во поодминати години.
„И ѓаволот чита пРада“
од Рада Петрушева
(2013)
Но, очигледно е дека претставникот на КСС ги „помешал лончињата“ – имено, според ЗРО, оддавањето деловна тајна не спаѓа во групата на „деловни причини“ за отказ!
„Обезвреднување на трудот“
од Савески, Апасиев, Ковачевски, Василев
(2010)
Од голем ѓум тураа млеко во лончиња и ни ги пикаа под нос.
„Постела на чемерните“
од Петре Наковски
(1985)
