отепан (прид.)
Знаеш дека некој отепан те тепа и незгодно ти доаѓа.
„Небеска Тимјановна“
од Петре М. Андреевски
(1988)
Ристе не можеше да стои на нозе, камоли да оди, а сиот онака отепан требаше да се полекува.
„Крпен живот“
од Стале Попов
(1953)
Рамото ме боли, отепано ми е од стегање.
„Небеска Тимјановна“
од Петре М. Андреевски
(1988)
Од студ се смрзнуваа кокошките и паѓаа, чиниш отепани со зрна градушка.
„Захариј и други раскази“
од Михаил Ренџов
(2004)
Мрднувам со рацете, се пофаќам. Да бев мртов, сигурно не ќе можев ништо да помрднам. И ќе смрдев, ко отепан гавран.
„Пиреј“
од Петре М. Андреевски
(1983)
Ја закачил отепаната змијата отровница на еден стап и мафта ли мафта со него, а насобраните девојчиња ги слушам како пискаат - Леле змија, змија...
„Животот од една слива“
од Зорица Ѓеорѓиевска
(2014)
Освен тоа отепаниот Аќиф беше Арнаутин, а Арнаутите по тоа време, по битката на Шкодранецот со Садриазамот во прилепското поле, беа напреку гледани од Турците, та и таа беше една од олеснителните околности за Толета.
„Толе Паша“
од Стале Попов
(1976)
По сѐ изгледаше како отепано од судбината.
„Калеш Анѓа“
од Стале Попов
(1958)
Ги расфрлуваа отепаните птици и се смееја гласно, истркани по рацете и лицето со крв и облепени со пердуви.
„Злодобро“
од Јован Стрезовски
(1990)
Работата прекина. Направија носила, двајца го кренаа отепаниот, а другите ги нарамија пушките и секирите и тргнаа назад.
„Будалетинки“
од Мето Јовановски
(1973)
Фелдфебелот веднаш избра двајца да го кренат отепаниот и уште двајца за смена по пат.
„Будалетинки“
од Мето Јовановски
(1973)
