пешадиски (прид.)
Тука го чекавме противникот само со своето пешадиско оружје, неколкуте ридски топови со само сѐ на сѐ пет илјади топовски гранати.
„На пат со времето“
од Петре Наковски
(2010)
Кога после, при крајот на војната, српските војски, здружени со француските, се обидоа да ги прогонат, тие цело лето, целата есен и целата таа зима куртулуваа од пешадиските, артилериските и авионските напади.
„Потковица на смртта и надежта“
од Миле Неделкоски
(1986)
Јас сум III чета, I баталјон 2 2 пешадиски полк, Вардарска дивизија.
„Пиреј“
од Петре М. Андреевски
(1983)
По одбиениот пешадиски напад, почнаа да ги поправаат рововите и бункерите, собираа делови од тела на своите соборци.
„Големата удолница“
од Петре Наковски
(2014)
Сега, по многу одминато време неизбежно во мозокот се вклинува прашањето: која беше целта тие, осумте илјади партизани на Демократската армија на Грција да влезат во ровови и бункери и само со пешадиско оружје да ѝ се спротивстават на осумдесет илјадна владина армија облечена и сита и вооружена со најсовремено оружје?
„На пат со времето“
од Петре Наковски
(2010)
Јаничарите ја претставуваа првата пешадиска војска на Отоманската империја.
„Времето на козите“
од Луан Старова
(1993)
Затоа вториот султан на Империјата Орхан ќе ги реорганизира постојните воени пешадиски единици и во 1334 ќе ги создаде јаничарите.
„Балканвавилонци“
од Луан Старова
(2014)
Бугарската окупација на Македонија била извршена со делови од 1-та коњичка дивизија и 6-та и 7-та пешадиска дивизија.
„Џебна историја на македонскиот народ“
од Група автори
(2009)
- Бев војник во 225 пешадиски баталјон.
„Постела на чемерните“
од Петре Наковски
(1985)
