полесен (прид.)
Се мешаа националности, вери и обичаи, луѓето живееја во доверба, разбирање, заеднички полесно им се спротивставуваа на ударите на судбината во овие неизвесни времиња.
„Времето на козите“
од Луан Старова
(1993)
Тој набој попушташе, од кога небото ќе се олеснеше, па можеше полесно да се диши...
„Ветришта“
од Радојка Трајанова
(2008)
И камен на шија полесно се носи од пуста црна печалба! (На Циганите). Што спиете, бре! Чукајте, дури господ да чуе!...
„Печалбари“
од Антон Панов
(1936)
Знаеше дека ќе заминат. Сакаше со нешто да им помогне и да им го направи полесно тоа.
„Белата долина“
од Симон Дракул
(1962)
Полесно беше да се признае сѐ и да се обвини секој.
„1984“
од Џорџ Орвел
(1998)
Целта да се добијат позитивни податоци од сите оддели на науката, не само за нас лично, а како народни членови, ќе треба да го натера секого од нас да ги посвети своите сили, сето свое слободно време за изучување на сите тие науки што се најнужни за нашиот народ и што бараат најмногу работа, зашто за полесните секојпат ќе се најдат доста доброволци.
„За македонцките работи“
од Крсте Петков Мисирков
(1903)
Во втората му беше полесно и понатаму сѐ полесно и полесно, зашто гласот за тоа што нарачува тој се расчу низ цело село додека тој уште немаше минато ни десетина куќи.
„Луман арамијата“
од Мето Јовановски
(1954)
Му засечува една нога па му ја надува кожата кај засеченото. За да се дере полесно.
„Пиреј“
од Петре М. Андреевски
(1983)
За да можеш полесно низ животот да одиш.
„Ветришта“
од Радојка Трајанова
(2008)
Како кога посипуваат детско лајненце со пепел, за да се замети полесно од катот.
„Пиреј“
од Петре М. Андреевски
(1983)
Зборовите сега полесно ни излегуваат, речиси без прашање ни бегаат од устата.
„Небеска Тимјановна“
од Петре М. Андреевски
(1988)
Вистина тоа не е тактички, но така ни е полесно да шепотиме.
„Небеска Тимјановна“
од Петре М. Андреевски
(1988)
Сепак, полесно се градат ѕидови отколку…. патишта.
„Зборот во тесен чевел“
од Вероника Костадинова
(2012)
Стана полесно и мирувањето и молчењето.
„И ѓаволот чита пРада“
од Рада Петрушева
(2013)
Полесно се стега песната одошто бешиката.
„Одбрани драми“
од Горан Стефановски
(2008)
Тој не сакаше премногу да се знае за него. Другите полесно даваа изјави...
„Времето на козите“
од Луан Старова
(1993)
Нозете на туѓинецот се несигурни. Полесно му е да не стои.
„Кловнови и луѓе“
од Славко Јаневски
(1956)
Сега е полесно. И душман да имаш за другар е полесно.
„Пиреј“
од Петре М. Андреевски
(1983)
15. МУ СЕ ЗДАЛО НА ПРАСЕТО ДА ПОГЛЕДНЕ В НЕБЕ - тоа в корито, божем в колевка, на грб штом го свртат со врела вода поливајќи го за полесно да се гребе белата кожа каде што скарата шарата ќе си ја црта...
„Куршуми низ времето“
од Љупчо Стојменски
(1976)
Ама јас го сетив уште на ручекот: сркаме маштеница, го квасиме лебот полесно да се џвака.
„Пиреј“
од Петре М. Андреевски
(1983)
