пушкарница ж.

пушкарница (ж.)

Од пушкарницата гледа како бегаат прудолу владините војници.
„Големата удолница“ од Петре Наковски (2014)
Командантот гледа низ пушкарницата и брои: - Петстотини... четиристотини...
„Големата удолница“ од Петре Наковски (2014)
А долу, во приодите кон градот, сѐ што беше останато рането и убиено во минските полиња, пред пушкарниците на бункерите, со бодликава жица врзана за врат ги влечеа до местата каде чекаа војничките камиони.
„На пат со времето“ од Петре Наковски (2010)
Во топлата ноќ, низ широката пушкарница, ветерот фрли грстови гласови во бункерот и го разбуди нишанџијата.
„Големата удолница“ од Петре Наковски (2014)
Седеа разговарајќи со часови на правливиот под со расфрлена слама, станувајќи одвреме навреме час едниот час другиот, за да фрлат поглед низ пушкарниците и да се уверат дали некој доаѓа.
„1984“ од Џорџ Орвел (1998)
На полјанката имаше една куќа од камен, со дрвена врата и прозорчиња мали како пушкарници.
„Јас - момчето молња“ од Јагода Михајловска Георгиева (1989)
Подигна глава и погледна низ пушкарницата.
„Големата удолница“ од Петре Наковски (2014)
Најмногу небо гледаат, а од светот и просторот пред нив толку гледаат, колку што може да се види од пушкарница и мушицата.
„Големата удолница“ од Петре Наковски (2014)
Сонцето се беше поместило и безбројните прозорци на Министерството на вистината, без светлината на сончевите зраци врз нив, изгледаа мрачни, како пушкарници на тврдина.
„1984“ од Џорџ Орвел (1998)
Низ пушкарницата влегува чад и остар, благуњаст мирис на барут.
„Големата удолница“ од Петре Наковски (2014)