разочарување (ср.)
Тогаш настанало нејзиното најголемо разочарување.
„Друга мајка“
од Драгица Најческа
(1979)
Навистина седнав и тоа со некое чудно чувство на повратник, кој помислува дека втасал дома но не смее да ги отвори очите бидејќи се плаши од разочарувањето.
„Летот на Загорка Пеперутката“
од Србо Ивановски
(2005)
Омраза и огромно разочарување беше производот кој го добив на крајот.
„Знаеш ли да љубиш“
од Ивана Иванова Канго
(2013)
Ме опфаќа чувство на осаменост и разочарување.
„На пат со времето“
од Петре Наковски
(2010)
Во очите ѝ читам разочарување.
„Билјана“
од Глигор Поповски
(1972)
Во очите ѝ читам разочарување.
„Маслинови гранчиња“
од Глигор Поповски
(1999)
Својето разочарување на големиот одмор го сподели со колешката Магда.
„Тополите на крајот од дедовата ливада“
од Бистрица Миркуловска
(2001)
Не живееме во свет на јасно одредени идентитети, дефиниции, потреби и стравови, надежи и разочарувања.
„МАРГИНА бр. 22“
(1995)
Поговор Токму кога решив дека е вистински крај на сите мои макички, се случи после испитот по информатика се вратив дома, унакажана од разочарување.
„Знаеш ли да љубиш“
од Ивана Иванова Канго
(2013)
Секавиците на студот, како остри мразулци, ѕиркаат од твоите очи, покажувајќи го разочувањето пред јавниот поглед на луѓето – му објасни старецот.
„Мудрецот“
од Радојка Трајанова
(2008)
Но, какво изненадување и какво разочарување!
„Билјана“
од Глигор Поповски
(1972)
Ако го трансформираме внатрешниот свет на нашите души ако се ослободиме од темните сенки на нашето минато, од разочарувањата, неуспесите, траумите, понижувањата, ако научиме да го контролираме минатото, нема повеќе да го носиме како тежок товар, нема зошто да жалиме сѐ е добра лекција, шамар за освестување.
„Жонглирање со животот во слободен пад“
од Сара Трајковска
(2012)
Него, Цви Корец, главниот рабин на Солун, нејзиниот амбициозен, нееластичен, тврдокорен маж кој горчливата вест за неговото неименување на уште една функција, за духовен предводник на сите Сефарди, нејзе ѝ ја соопшти со нескриено разочаруваење.
„Светилка за Ханука“
од Томислав Османли
(2008)
72. А тој слаб интерес е резултат на разочарувањето на Русите од „братушките”. Значи, и за тоа треба да им речеме на Бугарите: Сполај ви!
„За македонцките работи“
од Крсте Петков Мисирков
(1903)
Можете ли да доживеете поголемо разочарување, поголема несреќа од таа што ја гледате и слушате од устата на вашите браќа кои исто така со денови, со ноќи, со векови се подготвувале за бегство.
„Големата вода“
од Живко Чинго
(1984)
Минатото ќе ја истисне иднината од садот денешен. Не сакаме нето разочарувања.
„Зборот во тесен чевел“
од Вероника Костадинова
(2012)
Уште одма пристигнува првото големо разочарување.
„Тибам штркот“
од Зоран Спасов Sоф
(2008)
Разочарувањето поради залудната и сѐ поскапа војна против дрогата поттикна голем број на угледни, конзервативни личности да се заложат за легализација.
„МАРГИНА бр. 6-7“
(1994)
Но оваа рамнодушност и покрај сите пречки, неверства, алчности, нискости, тешкотии, разочарувања и предавства се обидував да ја заменам со настојувањето, желбата, копнежот, со сите сетила, со сета страст, жед и енергија да го прифатам реалниот свет, да го осетам, почувствувам, допрам, доживеам, проживеам животот кој пулсира, кој се пени и прелева, несакајќи да изгубам ниту еден момент од него, зошто моето постоење е доволна причина за мојот живот.
„Жонглирање со животот во слободен пад“
од Сара Трајковска
(2012)
Длабоко во очите на тоа девојче ја прочитав нејзината тага или разочарувањето.
„Последната алка“
од Стојан Арсиќ
(2013)
