а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

досегне

досегнат; досегни, досегнете; досегнав, досегнаа; досегнал; досегнат; досегнев, досегнеа; досегнел
Вид збор: Глагол, свршен
Ранг: 7608
1. Дофати нешто со рака или со помош на соодветно орудие.
Англиски: reach Албански: kap
Примери:
Тие досегнаа до пониските гранки на црешата и ги обраа.
Детето одвај можеше да ги досегне косите на мајка си.
Слично со: дофати (св.)
2. Допре до нешто.
Англиски: touch Албански: prek
Примери:
Нозете не можеа да му досегнат до подот.
Тука езерото беше плитко и веслото досегна до дното.
Слично со: допре (св.)
3. Се простре, се протегне до нешто.
Англиски: spread Албански: shtrihet
Примери:
Погледот му досегна далеку.
Боровата шума досега до хотелот.
Посевите со житни култури досегнале до реката.
Изведенки
1. досегнува несв.
досегнуваат
2. досега несв.
досегаат
3. досегање ср.
глаг. им.