а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

карактер

мн. карактери
Вид збор: Именка, машки род
Ранг: 1238
1. Збир на суштествени, изразени и постојани морално-психички и интелектуални особини на поединец или на заедница, што се пројавуваат, се манифестираат преку погледите и постапките спрема околината.
Англиски: charakter Албански: karakter
Примери:
Тие се сакаа еден со друг, и покрај разликите во карактерот и вкусовите.
Татко ѝ бил со благ карактер, со многу нежна духовна и физичка конструкција.
Цртите на неговото лице издаваа упорит карактер, непопустливост и бистрина.
Слично со: природа (ж.) , нарав (м.)
2. Лице со силен морал, со цврсто и доследно однесување, чесен човек; човек како носител на одредени морални квалитети.
Англиски: personality Албански: karakter
Примери:
Тој е многу голем талент, но чуден карактер.
Тој е подобар човек од мене, поцврст карактер.
3. Јасно изразено, суштинско својство, обележје на некој предмет или појава; природа, суштина.
Англиски: nature Албански: karakter, natyrë
Примери:
Постојано треба да се подвлекува суштината на општествениот карактер на културата.
До половината на 19 век книжевната дејност кај нас носи исклучиво црковен карактер.
Слично со: особина (ж.) , суштина (ж.)
4. Истакната личност во драма, со силно изразени психички состојби, психолошки развиен драмски лик.
Албански: karakter
Примери:
Среќен е писателот што - откако минал крај карактери додевни, омразени - се приближува до карактери што покажуваат високо човечко достоинство.
Многу, многу полесно е да насликаш карактери од голем размер.