одбрана
(едн.) одбраната
Вид збор: Именка, женски род
Ранг: 2713
1.
Активност, дејство заради спречување и отстранување некаква опасност, напад и сл.
Примери:
вооружена одбрана
противвоздушна одбрана
за одбрана на татковината
Спротивно од:
напад (м.)
2.
Сила (од луѓе и средства) што овозможува таква активност.
Примери:
На одбраната ѝ се потребни нови обучени луѓе.
Потребни се реформи во одбраната.
3.
Заштита, закрила, бранење на некого или на нешто.
Англиски:
protection
Албански:
përkrahje
Нему му падна жал за мене и ме зеде во одбрана.
Тој застана во одбрана на словенската писменост.
Декларација за одбрана на граѓанските права.
Слично со:
заштита (ж.)
4.
Правна заштита, бранење во текот на судска постапка.
Примери:
Адвокатот приложи нови докази за одбрана на обвинетиот.
Откако се изјасни по обвинението, тој ја изнесе својата одбрана.
5.
Лице што врши таква заштита, што го брани обвинетиот на суд.
Примери:
Застапникот на одбраната достави приговор до судијата.
Одбраната го заплашува сведокот.
6.
Докажување оправданост, бранење определени поставки во претходно изработен, напишан труд пред испитна комисија.
Примери:
Одбрана на магистерски труд.
Одбрана на докторска дисертација.
7.
Дел од екипа, играчи што го одбиваат нападот на противничката страна.
Примери:
Одбраната потфрли во текот на натпреварот.
Тренерот ја засили одбраната со двајца нови играчи.
