а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

полн

полни
Вид збор: Придавка
Ранг: 467
1. Што е наполнет, исполнет до крај, целосно.
Англиски: full Српски: пун Албански: plotë Бугарски: пьлен
Примери:
полна чаша вино
полна тава јадење
Слично со: наполнет (прид.)
Спротивно од: празен (прид.)
2. Што содржи многу.
Англиски: full
Примери:
полн двор луѓе
полна училница деца
полна соба мебел
полна куќа гости
Слично со: многу (прил.)
3. Исполнет, обземен со некакво чувство, страв, среќа и сл.
Англиски: filled
Употреба: Преносно значење
Примери:
полн со јадови
полн (со) немир
Обземен и полн од ненадејна среќа.
Полн (со) непријатни чувства.
Полн горчини и гнев.
Слично со: исполнет (прид.)
4. Дебел во некоја мера, со прекумерна тежина.
Англиски: fatt
Примери:
полни образи
Детето е полно, може да се рече и дебело.
Слично со: дебел (прид.) , полничок (прид.)
5. За оружје - што е подготвено, наполнето за стрелба.
Англиски: loaded
Примери:
Тие го чекаа со полни пушки.
полн пиштол
6. целосен, комплетен, тотален
Англиски: completely
Примери:
полн опис
полн состав
под полна опрема
полн пораз
полн успех
полна анализа
Слично со: целосен (прид.)
Изрази
Полни очи, празни раце - даде некому само да погледне, остане нешто само на гледање.
Полно срце - задоволен е од животот.
Под полна пареа - неуморно и вредно, со сета сила извршува нешто.
Полна месечина - нешто станува целосно, јасно и видливо.