при
Вид збор: Предлог
Ранг: 600
1.
Пространствено значење - близина, наоѓање до некого или до нешто.
Додека е мома при мајка дотогаш е бела - црвена.
При крајот на улицата се појави војник.
2.
Приклученост, припадност, во состав на нешто.
Испитувањата се вршат во Заводот за здравствена заштита при Министерството.
Хор на просветните работници при Центарот за култура.
3.
Временско значење - едновременост.
При секое влегување во визбата си пивнува од виното.
Многи млади борци загинаа при ослободувањето на градот.
4.
Околности и услови во кои се врши некое дејство.
При толку работа добивката е многу слаба.
Не знаеш како да постапиш при една таква безнадежна ситуација.
При ваков начин на организација на работата не би требало да има загуби.
5.
Состојба, особина на некого или на нешто.
Да оставам тестамент додека сум при здрав ум.
Сигурно не си при памет штом така зборуваш за синот.
6.
Допусно значење - обратно од нешто вообичаено или очекувано.
При сите усилби што ги вложи, не успеа да си го поврати имотот.
Не ми поминуваат болките во грбот и при толку вежбање и терапија.
7.
Споредба со некого или со нешто.
При ресенските јаболка, паланечките се ништо.
При толкав шарм и убавина на Елена, другите манекенки изгледаа просечно.
8.
поседување, застапеност
Ако бидам при пари, знам што да правам.
Изрази
При срце - во непосредна близина.
Изведенки
при сврз.
(при сè што) Сложен сврзник во допусни зависносложени реченици; покрај тоа што, иако.
Пример: При сè што сторив за него, тој ме измами.
(при сè што) Сложен сврзник во допусни зависносложени реченици; покрај тоа што, иако.
Пример: При сè што сторив за него, тој ме измами.
