точка
мн. точки
Вид збор: Именка, женски род
Ранг: 892
1.
Ситна кружеста дамка; трага од опирањето на шилест предмет.
Примери:
Бел фустан со црни точки.
Слично со:
дамка (ж.)
2.
Како интерпункциски знак.
Примери:
Точка и запирка.
Стави точка на крајот на реченицата.
Вид: интерпункција (ж.)
3.
Граница на една линија, она што нема делови, измерување.
Примери:
Отсечката е дел од права ограничена со две точки.
4.
Назначено, определено место во пространството.
Примери:
Ридот е најважната точка на тој терен.
Слично со:
кота (ж.)
5.
Во физиката - граница, граничен момент при кој настапува или се пројавува нешто.
Примери:
Точка на замрзнување, точка на вриење.
Слично со:
лимит (м.)
6.
Одделен нумериран дел во писмен состав, план и сл.
Примери:
Точки на дневен ред.
7.
Место, пункт во системот, во мрежата на некакви пунктови.
Примери:
Тој изврши контрола само на неколку најважни точки во организационата мрежа.
Слично со:
пункт (м.)
8.
рамниште, граница, ниво
Англиски:
point
Албански:
pikë, nivel
Во десет часот водата ја достигна највисоката точка.
Слично со:
граница (ж.)
9.
крај, завршок
Англиски:
end
Албански:
pikë, fund
Стави му еднаш точка на тоа.
(самостојно) Не сакам повеќе да те слушам! Точка!
Слично со:
крај (м.)
Изрази
Излезна точка - почеток.
Мртва точка - не оди понатаму.
Допирна точка - заеднички интереси.
Врвна точка - максимално.
Од гледна точка на ... - аспект, гледиште.
