Медицина - категорија

вагина повеќе

мн
Вид збор: Именка, женски род
Канал што води од надворешниот дел на женскиот полов орган до матката.
Латински: vagina Англиски: vagina Албански: vaginë
Вид: орган (м.)

вагинален повеќе

вагиналниот
Вид збор: Придавка
Што се однесува на вагина.
Англиски: vaginal
Примери:
Вагинални мускули.

вакцина повеќе

мн. вакцини
Вид збор: Именка, женски род
Препарат од ослабени микроби, вируси или нивни излачувања што се дава заради заштита на организмот од заразни болести.
Англиски: vaccine Албански: vaksinë
Примери:
Тој доби вакцина против грип.

вакцинација повеќе

мн. вакцинации
Вид збор: Именка, женски род
Внесување на вакцина во организмот, вакцинирање.
Англиски: vaccination
Примери:
Сите добиени вакцини се внесуваат во картонот за вакцинација.

вакцинира повеќе

вакцинираат
Вид збор: Глагол, свршен и несвршен
Внесе, внесува вакцина во организмот; даде, дава вакцина некому.
Англиски: vaccinate
Примери:
Тој мора да се вакцинира пред да замине во таа земја.

валеријан повеќе

(едн.)
Вид збор: Именка, машки род
Капки за смирување на нервите, лек во течност направен од корен на валеријана.
Англиски: valerian Албански: valerian
Примери:
Можеше да легне, можеби можеше и без валеријан да заспие, па сепак го помеша со малку вода и го голтна.

вари повеќе

варат
Вид збор: Глагол, несвршен
Преработување на храната во желудникот и цревата за да може организмот да ја асимилира.
Англиски: digest Албански: tretë, bluaj
Примери:
Стомакот тешко му вари и ако јаде подоцна, не ќе може да спие.

вариола повеќе

Вид збор: Именка, женски род
Големи сипаници.
Англиски: smallpox
Вид: болест (ж.)

варичела повеќе

Вид збор: Именка, женски род
Вид сипаница, овча сипаница.
Англиски: chickenpox
Вид: болест (ж.)

васкуларен повеќе

васкуларна
Вид збор: Придавка
Во врска со крвотокот.
Англиски: vascular
Примери:
васкуларна болест

вбризга повеќе

вбризгаат
Вид збор: Глагол, свршен
Дава лекарство со инјекција.
Англиски: inject Српски: убризгавати Албански: injekton, mbush
Слично со: инјектира (св. и несв.)

вдише повеќе

вдишат
Вид збор: Глагол, свршен
Земе, вовлече воздух во белите дробови преку нос или уста.
Англиски: inhale
Примери:
Со широко отворени гради вдишав свеж воздух.
Слично со: инхалира (св. и несв.)

вендузи повеќе

вендузите
Вид збор: Именка, множина
Во алтернативната медицина, чашки што се прилепуваат врз кожата со помош на вакуум.
Англиски: cupping glasses
Примери:
Ставање вендузи е еден од најстарите начини на лечење.

венеричен повеќе

венерични
Вид збор: Придавка
Што се однесува на болести на половите органи.
Англиски: venereal
Примери:
Венерични болести.
Слично со: генитален (прид.) , полов (прид.) , сексуален (прид.)

венеролог повеќе

мн. венеролози
Вид збор: Именка, машки род
Лекар - специјалист за венерични болести.
Англиски: venereologist
Примери:
Првиот Конгрес на венеролозите во Македонија се одржа во Охрид, 1996 година.

венерологија повеќе

Вид збор: Именка, женски род
Гранка од медицината што се занимава со проучување и лекување на венеричните болести.
Англиски: venereology
Примери:
Покрај ова, чест проблем се акните, влакната, габичните заболувања, брадавиците, како и инфекции од областа на венерологијата - изјави докторот.

венци повеќе

Види и: венец (м.)
Вид збор: Именка, множина
венец
Англиски: gums

веронал повеќе

вероналот
Вид збор: Именка, машки род
лек за успивање
Англиски: veronal
Примери:
Заедно со сопругата и неговата снаа извршиле самоубиство со предозирање со веронал.

ветерина повеќе

(едн.) ветерината
Вид збор: Именка, женски род
Наука за болестите и за лекувањето на животните.
Англиски: veterinary

ветеринар повеќе

мн. ветеринари
Вид збор: Именка, машки род
Специјалист по ветерина; ветеринарен лекар или ветеринарен техничар.
Англиски: veterinarian
Примери:
Ветеринарот го прегледуваше добитокот.

ветеринарен повеќе

ветеринарниот
Вид збор: Придавка
Што се однесува на ветерина и на ветеринар.
Англиски: veterinary
Примери:
Ветеринарен лекар.

ветеринарство повеќе

(едн.) ветеринарството
Вид збор: Именка, женски род
ветерина
Англиски: veterinary Албански: veterinari
Ветеринарна дејност.
Англиски: veterinary Албански: veterinari

вивисекција повеќе

мн. вивисекции
Вид збор: Именка, женски род
Операција на жив организам поради истражување.
Англиски: vivisection Албански: viviseksion
Примери:
прецизна хируршка вивисекција

вид повеќе

мн. видови
Вид збор: Именка, машки род
(едн.) Едно од петте сетила, чијшто орган се очите.
Англиски: sight Албански: pamje
Примери:
Му ослабе видот.
Вид: сетило (ср.)

видело повеќе

мн. видела
Вид збор: Именка, среден род
Очен вид.
Англиски: sight Албански: pamje
Примери:
Ми се зеде виделото.
Слично со: вид (м.)

визита повеќе

мн. визити
Вид збор: Именка, женски род
Редовна лекарска посета во болнички услови.
Англиски: round Албански: vizitë
Примери:
На попладневната визита докторот ми ја одреди терапијата.

Вијагра повеќе

(едн.)
Вид збор: Именка, женски род
Лек против импотенција и превенција на Алцхајмеровата болест.
Англиски: Viagra
Вид: лек (м.)

вироза повеќе

мн. вирози
Вид збор: Именка, женски род
Болест предизвикана од вирус.
Англиски: viral disease
Примери:
Ова е време на вирози и настинки.
Вид: болест (ж.)

виролог повеќе

мн. виролози
Вид збор: Именка, машки род
Лекар специјалист по вирологија.
Англиски: virologist

вирологија повеќе

(едн.) вирологијата
Вид збор: Именка, женски род
Наука за вирусните заболувања.
Англиски: virology
Примери:
институт за вирологија

вирулентен повеќе

вирулентниот
Вид збор: Придавка
Акутен, што брзо се шири.
Англиски: virulent
Примери:
вирулентна болест
Слично со: акутен (прид.)

вирус повеќе

мн. вируси
Вид збор: Именка, машки род
Подмикроскопска честичка што може да расте и да се размножува само во клетката домаќин.
Англиски: virus
Примери:
По навлегувањето на вирусот во крвта, се јавува висока температура.
повеќе...

вирусен повеќе

вирусни
Вид збор: Придавка
Што се однесува на вирус, што е предизвикан од вирус.
Англиски: viral
Примери:
Вирусна инфекција на дишните патишта.

витален повеќе

витални
Вид збор: Придавка
Што се однесува на живот, неопходен за живот.
Англиски: vital
Примери:
Витални внатрешни органи.

витамин повеќе

мн. витамини
Вид збор: Именка, машки род
Органско соединение неопходно за нормално функционирање на организмот.
Англиски: vitamin Албански: vitaminë
повеќе...

вкорави повеќе

вкорават
Вид збор: Глагол, свршен
(се вкорави) Се направи како кора, се стврдне.
Англиски: encrust Албански: vë kore, forcohet
Примери:
Раната се вкоравила.
Слично со: стврдне (св.)

вкосчи повеќе

вкосчат
Вид збор: Глагол, свршен
Претвори во коска.
Англиски: ossify
Слично со: стврдне (св.)

вкус повеќе

мн. вкусови
Вид збор: Именка, машки род
Еден од петте надворешни осети што се прима преку јазикот и внатрешноста на устата.
Англиски: taste Албански: shije
Примери:
Сладок вкус.

воајер повеќе

мн. воајери
Вид збор: Именка, машки род
Лице што е психички болно и сексуално се задоволува со тајно гледање на голи луѓе.
Англиски: voyeur
Примери:
луди воајери

вода повеќе

мн. води
Вид збор: Именка, женски род
Воденикава течност што ја лачи организмот.
Англиски: secretion Албански: tajitje
Вид: течност (ж.)

вонматеричен повеќе

вонматеричниот
Вид збор: Придавка
Што е, што се случува надвор од материцата.
Примери:
Вонматерична бременост.

воспален повеќе

воспалениот
Вид збор: Придавка
Заболен од инфекција и со температура.
Англиски: inflamed
Примери:
воспалени крајници
Слично со: заболен (прид.)

воспаление повеќе

мн. воспаленија
Вид збор: Именка, среден род
Заболување на некој орган или ткиво предизвикно од инфекција и проследено со температура, со болки и сл.
Англиски: inflammation
Примери:
Акутно воспаление на слепото црево.
Слично со: заболување (ср.)

воспали повеќе

воспалат
Вид збор: Глагол, свршен
Предизвика воспаление.
Англиски: inflame Албански: shkaktoj ndezje
Примери:
Од силното врескање го воспалил грлото.
(се воспали) Се предизвика воспаление.
Англиски: inflame Албански: shkaktoj ndezje
Примери:
Од потта можат да му се воспалат очите.

врач повеќе

Види и: врачарка (ж.)
мн. врачеви
Вид збор: Именка, машки род
Лице што лекува со билки и со баење.
Англиски: medicine man Албански: magjistar

врга повеќе

мн. врги
Вид збор: Именка, женски род
Израсток на тело.
Англиски: swelling Албански: xhungë, gungë
Примери:
Му се појавија врги по рацете.

врекавица повеќе

(едн.)
Вид збор: Именка, женски род
козја болест

врзан повеќе

врзани
Вид збор: Придавка
Што има преврска, што е со завој и сл.
Англиски: bandaged
Примери:
Раната му е врзана.

вртоглавица повеќе

мн. вртоглавици
Вид збор: Именка, женски род
Состојба на организмот во која се губи чувството на рамнотежа и во која се чини дека сѐ се врти.
Англиски: vertigo
Примери:
Чувствував слаба вртоглавица.

всипе повеќе

(се) всипат
Вид збор: Глагол, свршен
Се осипе со бронки.
Англиски: rash

вулва повеќе

мн. вулви
Вид збор: Именка, женски род
Надворешен дел на женски полови органи.
Латински: vulva Англиски: vulva
Примери:
карцином на вулвата
а - б - в - г - д - е - ж - з - и - ј - к - л - м - н - о - п - р - с - т - у - ф - х - ц - ч - џ - ш