а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

мртов

мртва
Вид збор: Придавка
Ранг: 462
1. Што не е веќе жив, умрен (за човек), пцовисан (за животно), овенат, сув (за растение).
Англиски: dead Албански: i vdekur
Примери:
мртов човек
мртво тело
мртва птица
мртво дрво
Слично со: умрен (прид.)
Спротивно од: жив (прид.)
2. Што нема живост, замрен, стивнат.
Англиски: dead Албански: i vdekur
Употреба: Преносно значење
Примери:
мртов град
мртви улици
мртва сезона
Слично со: замрен (прид.)
Спротивно од: жив (прид.)
3. За потсилување на значењето.
Англиски: dead Албански: shumë
Примери:
мртва тишина
мртов гладен
мртов уморен
мртов пијан
Слично со: апсолутен (прид.) , ептен (прил.) , сосема (прил.)
4. Што не служи за намената, што не работи.
Англиски: broken Албански: i vdekur
Примери:
мртов кабел
мртва врска
Слично со: некорисен (прид.) , расипан (прид.)
5. За ден на мртвите, во состави.
Англиски: deceased Албански: i vdekur
Употреба: Црковен термин
Примери:
Мртов петок
Мртва сабота
Мртви дни
Изрази
Мртва буква на хартија - пропис што не се почитува.
Мртов јазик - јазик што не се зборува, а е познат од писмени паметници.
Мртов капитал - капитал, вредност што не донесува доход.
Мртва коска - тврд израсток на телото.
Мртва природа - уметничка слика овошје, цвеќиња, мртов дивеч, садови и сл.
Мртва стража - група или поединец на најпредниот дел од фронтот кон непријателот.
Ни жив ни мртов - многу изморен, исцрпен, премален, болен.
Само преку мене мртов - никогаш нема да дозволам нешто.
Мртва вошка - поткожен израсток, подвижен со големина на зрнце.