ѕвезда
мн. ѕвезди
Вид збор: Именка, женски род
Ранг: 455
1.
Светло небесно тело што испушта сопствена светлина.
Примери:
Сонцето е ѕвезда.
2.
Секое небесно тело што ноќе се гледа како светла трепкава точка.
Примери:
ѕвезда Деница, ѕвезда Вечерница
Темно небо начичкано со ѕвезди.
безброј ѕвезди, далечни ѕвезди
Ситни ѕвезди трепкаат во ноќта.
3.
Предмет или знак со форма на такво тело, симбол во форма на ѕвезда.
Примери:
Го сопре погледот врз ѕвезда петокрака.
Полковник со златни ширити и златни ѕвезди на ракавите.
Орден со златна ѕвезда.
4.
Лице што има голема слава во светот на уметноста, естрадата, филмот, спортот и сл.
Примери:
филмска ѕвезда
Нова ѕвезда во фудбалот.
Ѕвезда на естрадата.
Изрази
Има ѕвезда / со (мила) ѕвезда е - ѕвездаллија.
Со ѕвезда е на чело / роден е под среќна ѕвезда - има голема среќа, среќен е во животот.
Ѕвезда водилка (патоводна, патоводилка) - она што насочува, што определува нечиј живот. нечија дејност.
Симнува ѕвезди од небо - ветува нешто неостварливо.
Ѕвезди му излегоа од очите / ѕвезди му светнаа пред очи - многу се изнамачи.
Ѕвезди му излегоа од очите - од удар и сл. му се појавија светли точки пред очите.
