предаде
предадат ; предај, предајте; предадов, предадовме, предадоа; предал; предадев, предадеа; предадел; предаден
Вид збор: Глагол, свршен
Ранг: 986
1.
Даде нешто некому, врачи на тој за кого било наменето.
Примери:
Му го предаде писмото.
Наградите им ги предадоа на пригодна свеченост.
Слично со:
врачи (св.)
2.
Даде, остави, поднесе нешто на определено место (на пошта, во гардероба, на суд итн.) заради понатамошна постапка.
Примери:
Го предадов багажот на станица.
Ја предаде молбата во архивата.
Предаде документи за упис на факултет.
3.
Поднесе, изврши предавање на функција, должност и сл.
Примери:
Ја предаде функцијата на новоизбраниот кандидат.
Ја предаде должноста на новиот командант.
4.
Изневери, откаже верност, изврши предавство.
Примери:
Ја предаде земјата.
Ги предаде партиските интереси.
Го предаде брата си.
Слично со:
изневери (св.)
5.
Прекине партија, меч со признавање пораз, со откажување.
Примери:
Го предаде мечот без борба.
Го предаде натпреварот по десетминутна игра.
6.
Пренесе, соопшти некому нешто.
Примери:
Сето свое искуство им го предаде на младите соработници.
Детето доследно ги предаде зборовите од учителката на своите родители.
Предај им ги нашите поздрави.
Слично со:
пренесе (св.)
7.
Претстави, прикаже нешто преку слика, глума и сл.
Примери:
Тој убаво ги предал македонските предели врз своите платна.
Таа одлично ја предаде улогата на грофицата.
8.
(се предаде) Се откаже од борба, престане да дава отпор.
Примери:
Непријателските единици сами се предадоа.
Крадецот и се предаде на полицијата.
Слично со:
капитулира (св. и несв.)
9.
(се предаде) Во игра - признае пораз.
Примери:
Боксерот се предаде во втората рунда.
10.
(се предаде) Се препушти, се оддаде на нешто, се занесе од нешто.
Англиски:
give in
Албански:
dorëzoj, jap
Им се предаде на своите мисли.
Му се предаде на сонот.
Ѝ се предаде на судбината.
Му се предадоа на ноќниот живот.
Слично со:
препушти (св.)
Изрази
Предаде богу душа - умре.
Предаде на заборавот - заборави.
