а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

фрли

фрлат; фрлил
Вид збор: Глагол, свршен
Ранг: 518
1. Со замав присили да лета, да паѓа нешто што се имало в рака, в раце.
Англиски: throw Албански: hedh
Примери:
Го фрли каменот далеку.
Ја фрли мрежата, но ништо не фати.
(разг.) Го фрли во грижи.
2. Заврши работа, се предаде.
Англиски: finish work Албански: hedh, mbaroj
Примери:
Ги фрли плочите.
Го фрли оружјето, го фрли топот.
3. Со силно движење присили некого или нешто во некој правец, некое место или во некоја состојба.
Англиски: fling Албански: hedh, përplas
Примери:
Фрли во војна, во борба, во зандана, во затвор, во темница.
Фрли во воздух.
Фрли в постела. Фрли ждрепка.
Фрли (пушта) котва.
4. Посакува нешто што му се допаѓа.
Англиски: wish Албански: hedh
Примери:
Фрлил око на девојката.
5. Погледа нешто набрзина, кришум.
Англиски: glance Албански: hedh
Примери:
Фрли поглед.
Фрли рибата икра.
6. Брзо премести, управи, испрати некаде.
Англиски: send Албански: dërgoj, hedh
Примери:
Германците фрлија таму нови сили.
Слично со: испрати (св.)
7. Исфрли како ненужно, исфрли надвор; не стави на место; се ослободи од нешто за носење.
Англиски: discard Албански: shkarkoj, hedh
Употреба: Разговорно
Примери:
Ги фрливме зелените лубеници.
Го положи испитот и ги фрли книгите.
Дојде дома, ја фрли капата и излезе.
Го фрлив веќе капутот (топло е).
Слично со: исфрли (св.)
8. Престане да се занимава со нешто, се откаже од некое занимање, некоја професија.
Англиски: retire Албански: hedh
Употреба: Преносно значење
Примери:
Го фрли веќе чеканот.
Го фрли расото.
9. За коњ и друго животно за јавање - се ослободи од товарот, од јавачот.
Англиски: free Албански: shkarkoj
Примери:
Го фрли самарот.
Го фрли јавачот.
Слично со: растовари (св.)
10. пукне
Англиски: shoot Албански: gjuaj, kërsas
Употреба: Разговорно
Примери:
Фрлаа пушки.
Фрли еден куршум.
11. Даде, донесе плод, принос, приход.
Англиски: bring profit Албански: fitoj
Употреба: Разговорно
Примери:
Колку фрли нивата?
Не ми фрли занаетот.
12. Во состав со именките сенка, светлина, зрак, лач - распространи, рашири, расее.
Англиски: disperse Албански: hedh, shpërndaj
Употреба: Преносно значење
Примери:
Облакот фрли малку сенка на чистинката.
Сонцето фрли светлина и во нивната соба.
(разг.) Фрли светлина.
Слично со: расее (св.)
13. објаснува, сокрива
Англиски: obscure Албански: fsheh
Примери:
Фрли сенка на нешто.
Слично со: сокрие (св.)
14. Ја остава, напушта жената, се разведува.
Англиски: divorce Албански: ndahem, lë
Употреба: Дијалектен збор
Примери:
Ја фрли жената.
15. (се фрли) Се управи брзо кон нешто, во изблик на чувства - се устреми, падне.
Англиски: throw Албански: hidhem
Примери:
Волкот им се фрли на јагненцата; Се фрли на помош.
Му се фрли в прегратка.
Се фрли на колена.
(спорт.) Му се фрли в нозе.
Слично со: устреми (св.)
16. (се фрли) Скокне од високо.
Англиски: jump Албански: hidhem, kërcej
Примери:
Се фрли во морето.
Се фрли од шестиот кат.
17. (се фрли) Се пушти во активно учество во нешто.
Англиски: dedicate Албански: kushtoj
Употреба: Преносно значење
Примери:
Се фрли на работа во организацијата.
18. (се фрли) Се остава, се разведува, раскинува брак.
Англиски: divorce Албански: ndahem, lë
Употреба: Дијалектен збор
Примери:
Се фрливме пред еден месец.
Изрази
Ги фрли потковиците - умре.
Ја фрли вината на него - го обвини.
Нема игла каде да фрлиш - преполно.
(посл.) Роди ме, мајко, со касмет, па фрли ме на буниште.
(посл.) Фрли глиста, фати јагула.
Фрли го во морето, тој ќе ти излезе со стадо овци.
(посл.) Фрли го на буниште, ќе го најдеш на огниште.
Фрли една чашка (една ракија, едно вино и сл.)
(посл.) Фрли зад себе, да најдеш пред себе.
Фрли мерак (фрли око) на некого или на нешто.
Фрли прав (пепел) в очи на некого - замајува.
Фрли камен по нас - не куди.
Фрли ракавица - предизвикува.
Фрли пари - троши пари.
Фрли на ветер.
Фрли во старо железо.