Медицина - категорија

бабица повеќе

мн. бабици
Вид збор: Именка, женски род
Жена што помага при породување на друга жена и се грижи за бебето во првиот период.
Англиски: midwife Албански: mami
Примери:
Старата беше бабица во селото.
Слично со: акушерка (ж.)

баблаче повеќе

мн. баблачиња
Вид збор: Именка, среден род
Мал меур или оток.
Англиски: bubble
Примери:
По кожата и се накреваа баблачиња како по полазување на гасеници.

бабнатина повеќе

мн. бабнатини
Вид збор: Именка, женски род
оток
Англиски: swelling
Примери:
Ги напипа тврдите бабнатини.

бабува повеќе

бабуваат
Вид збор: Глагол, несвршен
За бабица - се грижи за новороденото дете и за леунката.
Албански: shërbej si mami, kujdesem
Примери:
Сака-нејќе, се нафатила, ќе го бабува ова кучило.

бабуле повеќе

мн. бабулиња
Вид збор: Именка, среден род
Меур на кожата полн со течност.
Англиски: blister Албански: fshikë
Примери:
Имаше мали бабулиња по кожата.
Меурот во кој се собира мочта во човековиот организам, мочен меур.
Англиски: bladder Албански: fshikëz
Примери:
Мочно бабуле.

бајпас повеќе

мн. бајпаси
Вид збор: Именка, машки род
Премостување на оштетен дел од аортата со помош на парче здрава вена или со пресадување вештачки крвен сад.
Англиски: bypass
Примери:
Има два бајпаса.

бактериолог повеќе

мн. бактериолози
Вид збор: Именка, машки род
Тој што се занимава со проучување на особините и на животот на бактериите.
Англиски: bacteriologist

бактериологија повеќе

(едн.)
Вид збор: Именка, женски род
Наука што се занимава со проучување на особините и на животот на бактериите.
Англиски: bacteriology

балсам повеќе

мн. балсами
Вид збор: Именка, машки род
Мирислива смеса од етерични масла и смоли што се употребува како лековита маст.
Англиски: balm
Примери:
Стави балсам врз отворените рани.

балсамира повеќе

балсамираат
Вид збор: Глагол, несвршен
Заштити, заштитува труп (мртво тело) од распаѓање со специјална постапка и со специјални средства.
Англиски: embalm

бандаж повеќе

мн. бандажи
Вид збор: Именка, машки род
Преврска на голема рана, на скршеница и сл.
Англиски: bandage Албански: bandazh
Примери:
Нејзе ѝ ги одврзаа бандажите од нозете.
Слично со: преврска (ж.)

бандажира повеќе

бандажираат
Вид збор: Глагол, свршен и несвршен
Преврзе, преврзува рана, скршеница да не биде подвижно; става бандаж.
Англиски: bandage

бања повеќе

мн. бањи
Вид збор: Именка, женски род
Минерални извори со уреди за капење.
Англиски: spa Албански: burim ujrash termale, llixhë, qendër klimaterike
Примери:
Ја запозна во бањата, каде што се лечеше од ревма.
Слично со: лекувалиште (ср.)

бапка повеќе

мн. бапки
Вид збор: Именка, женски род
Подуен израсток, оток на оболено место.
Англиски: swelling Албански: ënjte

бацил повеќе

мн. бацили
Вид збор: Именка, машки род
Бактерија во облик на стапче, предизвикувач на некои болести.
Англиски: germ

бацилен повеќе

бацилниот
Вид збор: Придавка
Што е во врска со бацилот, што има бацил.

бацилоносител повеќе

мн. бацилоносители
Вид збор: Именка, машки род
Тој што има заразни бацили кај себе.
Англиски: germ carrier
Примери:
Пронајдени се петмина бацилоносители.

бележан повеќе

бележаниот
Вид збор: Придавка
Обележен од вакцина бесеже.
Англиски: vaccinated
Примери:
Бележани овци.

белка повеќе

мн. белки
Вид збор: Именка, женски род
Бела, непроѕирна облога на окото.
Латински: oculus albus Англиски: sclera Албански: e bardha e syrit
Примери:
Високата температура му ги закрвави белките на очите.

белодробен повеќе

белодробниот
Вид збор: Придавка
Што се однесува на белите дробови.
Примери:
Белодробни крила.

бениген повеќе

бенигни
Вид збор: Придавка
Што се лечи, што заздравува, не го доведува животот во опасност.
Англиски: benign
Примери:
бениген тумор
Слично со: безопасен (прид.)
Спротивно од: малиген (прид.)

бенка повеќе

мн. бенки
Вид збор: Именка, женски род
Мало темно петко, пигментен израсток на кожата на човекот во големина на зрно леќа.
Англиски: mole, birthmark Албански: njollë
Примери:
Бенката под окото придонесуваше за убавината на нејзиното лице.

берибери повеќе

Вид збор: Именка, женски род
Берибери или бери-бери е невролошко и кардиоваскуларно пореметување коешто настанува заради недостаток на витамин Б1.
Англиски: beriberi
Слично со: авитаминоза (ж.)
Вид: болест (ж.)

бес повеќе

мн. бесови
Вид збор: Именка, машки род
беснило
Англиски: rabies Албански: tërbim
Примери:
Ќе нѐ вовлечат и нас во оган, бесот да ги фати!!
Слично со: беснило (ср.)

бесеже повеќе

(едн.)
Вид збор: Именка, среден род
Вакцина против туберкулоза според француската скратеница БСГ.
Латински: Bacil Calmette-Guerin Англиски: vaccine
Примери:
Новороденчињата веднаш примаат бесеже.

бесен повеќе

бесни
Вид збор: Придавка
Што е болен од беснило.
Англиски: rabid Албански: i tërbuar
Примери:
Кога кучето ќе го прогласат за бесно, секој ќе најде камен да фрли по него.

бескрвен повеќе

бескрвниот
Вид збор: Придавка
Што е без доволно крв.
Англиски: anemic
Примери:
Старечка бескрвна рака.
Слично со: слабокрвен (прид.) , блед (прид.)

беснило повеќе

(едн.)
Вид збор: Именка, среден род
Заразна болест кај животни (кучиња, лисици, волци) што се пренесува на човекот со каснување или од директен контакт со заболено животно.
Англиски: rabies
Примери:
Го касна бесно куче и млад умре од беснило.
Вид: болест (ж.)

беспигментен повеќе

беспигментниот
Вид збор: Придавка
Што е без пигменти.
Примери:
Беспигментна кожа.

бессознание повеќе

(едн.)
Вид збор: Именка, среден род
бесвест
Англиски: unconsciousness
Примери:
длабоко бессознание
Слично со: бесвест (ж.)
Спротивно од: сознание (ср.)

бешика повеќе

бешиката
Вид збор: Именка, женски род
Мочен меур; дел на телото под појасот.
Англиски: bladder Турски: beşik Српски: бешика Албански: fshikëz
Примери:
Запаление на бешиката.

билјарка повеќе

мн. билјарки
Вид збор: Именка, женски род
Таа што лекува со билје.
Англиски: herbalist Албански: ajo që mjekon me barishte
Примери:
Појде билјарка момче да лекува.

билје повеќе

Вид збор: Именка, среден род
Билки и тревки со лековита моќ.
Англиски: herb Албански: bimë, barë
Примери:
отровно билје

билкар повеќе

мн. билкари
Вид збор: Именка, машки род
Тој што лекува со билки.
Англиски: herbalist Албански: herbalist
Примери:
Познат билкар за рани.

билкарство повеќе

Види и: билкар (м.)
(едн.) билкарството
Вид збор: Именка, среден род
Професионална дејност на билкар.
Англиски: herbalism Албански: bimëtari
Примери:
Се занимава со билкарство.

било повеќе

мн. била
Вид збор: Именка, среден род
пулс, дамар
Англиски: pulse Албански: puls
Слично со: дамар (м.)

биопсија повеќе

мн. биопсии
Вид збор: Именка, женски род
Земање делче од орган или од ткиво на жив организам за микроскопски преглед заради утврдување на промените на клетките.
Англиски: biopsy

биоритам повеќе

(едн.)
Вид збор: Именка, машки род
Промените во човечкиот организам условени од неговата околина.
Англиски: biorhythm
Примери:
Тие слушаат лоша музика јадат нездрава храна и имаат нарушен биоритам.

биофизика повеќе

(едн.)
Вид збор: Именка, женски род
Физика применета во медицината.
Англиски: biophysics Албански: biofizika

бисексуален повеќе

бисексуалниот
Вид збор: Придавка
Што има признаци на двата пола, двополов.
Примери:
Бисексуален човек.

бихевиоризам повеќе

(едн.) бихевиоризмот
Вид збор: Именка, машки род
Метода во психологијата која се основа на мислењето дека однесувањето може научно да се истражува без да се прибегне кон внатрешните ментални состојби.
Англиски: behaviorism
повеќе...

бихевиорист повеќе

мн. бихевиористи
Вид збор: Именка, машки род
следбеник на бихевиоризмот
Англиски: behaviorist
специјалист по бихевиоризам
Англиски: behaviorist

бихевиористички повеќе

бихевиористичкиот
Вид збор: Придавка
Што се однесуна на бихевиоризмот.
Англиски: behavioristic

близнак повеќе

мн. близнаци
Вид збор: Именка, машки род
Машко дете од (обично) две деца родени при едно породување.
Англиски: twin Албански: binjakë
Примери:
Близнак за близнак умира.

блискоисточен повеќе

блискоисточни
Вид збор: Придавка
Што се однесува на Блискиот Исток.
Англиски: middle eastern
Примери:
блискоисточни земји

блувотина повеќе

Види и: блујавица (ж.)
мн. блувотини
Вид збор: Именка, женски род
блујавица
Англиски: puke

блуе повеќе

блујат
Вид збор: Глагол, несвршен
Повраќа, ја исфрла храната назад од желудникот.
Англиски: spit, vomit Албански: vjellë Бугарски: бълвам
Примери:
Таа цела ноќ блуеше.
(се блуе) повраќа
Англиски: vomit Албански: vjellë
Примери:
Ми се блуе кога го гледам како подрипнува во одењето.

блуеница повеќе

мн. блуеници
Вид збор: Именка, женски род
Тоа што се повраќа, што е изблуено.
Англиски: puke
Примери:
Тој со крпата ги бришеше блуениците од подот.

блујавица повеќе

мн. блујавици
Вид збор: Именка, женски род
блуеница
Англиски: puke Албански: lloj bari

боја повеќе

мн. бои
Вид збор: Именка, женски род
Изглед на кожата, посебно на лицето, тен, изглед, надворешност.
Англиски: complexion Албански: ngjyrë, çehre
Примери:
Му се врати бојата.
Слично со: тен (м.)

боледува повеќе

боледуваат
Вид збор: Глагол, несвршен
Болен е, е во состојба на болест.
Англиски: suffer
Примери:
Девојката боледува од тифус.

болен повеќе

мн. болни
Вид збор: Именка, машки род
Пациент, болен, заболен човек во лекарска нега.
Англиски: patient Српски: болесник Албански: sëmuri Бугарски: болен Грчки: ασθενής
Примери:
Болните се молат да го предадат здравствениот картон.
Слично со: пациент (м.)

болен повеќе

болни
Вид збор: Придавка
Што боледува, што го боли нешто.
Англиски: ill Албански: i sëmurë
Примери:
Таа е тешко болна.
Спротивно од: здрав (прид.)
За дел од телото опфатен од болест.
Англиски: diseased Албански: i sëmurë, i prekur
Примери:
болни гради

болеснички повеќе

Види и: болен (м.)
болесничкиот
Вид збор: Придавка
Што се однесува на болен.
Англиски: patients Српски: болеснички
Примери:
болеснички лист

болест повеќе

мн. болести
Вид збор: Именка, женски род
Нарушување на нормалните животни функции на организмот.
Англиски: disease Албански: sëmundje
Примери:
тешка болест
Слично со: заболување (ср.)
повеќе...

болешливо повеќе

Вид збор: Прилог
нездраво, болно
Англиски: ill
Примери:
Болешливо се движеше низ собата.
Слично со: болно (прил.)

боли повеќе

(ме) болат
Вид збор: Глагол, несвршен
(само во 3 л. со кратка зам. форма: ме, те, го, не, боли) Чувствува болка.
Англиски: hurt Албански: dhemb
Примери:
Половината ја боли од седење.

болка повеќе

мн. болки
Вид збор: Именка, женски род
Чувство предизвикано од болест, од телесно и духовно патење.
Англиски: pain Албански: dhimbje
Примери:
Острата болка во градите го кинеше.
Спротивно од: отрпнатост (ж.)
Вид: чувство (ср.)
болест
Англиски: illness Албански: sëmundje
Примери:
Ништо не може да му ја излечи болката.
Слично со: болест (ж.)

болник повеќе

мн. болници
Вид збор: Именка, машки род
болен
Англиски: patient
Слично со: пациент (м.) , болен (м.)

болникав повеќе

болникавиот
Вид збор: Придавка
Што се разболува често, што има слабо здравје.
Англиски: sickly
Примери:
Жената излезе мрзлива и болникава.

болница повеќе

мн. болници
Вид збор: Именка, женски род
Установа за сместување и стручно лекување на болни.
Англиски: hospital Албански: spital
Примери:
Душевна болница.

болничар повеќе

мн. болничари
Вид збор: Именка, машки род
Човек што работи околу болните во болница; што се грижи за болен.
Англиски: paramedic Албански: infermiere
Примери:
Пациентите се презадоволни од односот на болничарите и медицинскиот персонал.

болничарка повеќе

Види и: болничар (м.)
мн. болничарки
Вид збор: Именка, женски род
медицинска сестра
Англиски: nurse Албански: infermierja

болничен повеќе

Види и: болнички (прид.)
болничниот
Вид збор: Придавка
болнички
Англиски: medical
Примери:
Требаше да лежи три месеци со подигнати нозе во болничниот кревет.

болнички повеќе

болничкиот
Вид збор: Придавка
Што се однесува на болница.
Англиски: hospital
Примери:
Болнички мантил.

борелиоза повеќе

(едн.)
Вид збор: Именка, женски род
Болест што се пренесува преку крлежи.
Латински: Borreliosis Англиски: Lyme disease
Примери:
Борелиозата ја открил австрискиот научник д-р Вили Бургдорфер во 1975 година во САД.
Вид: болест (ж.)

брадавица повеќе

мн. брадавици
Вид збор: Именка, женски род
Мал испапчен израсток на кожата.
Англиски: wart Албански: thithë, lez, lyth
Примери:
Војникот ја кубеше влакнестата брадавица на образот.
Слично со: тртка (ж.)

бременост повеќе

(едн.) бременоста
Вид збор: Именка, женски род
Состојба кога жената носи плод, од зачнувањето до породувањето.
Англиски: pregnancy
Примери:
Жената беше во првите месеци на бременоста.

брис повеќе

мн. брисови
Вид збор: Именка, машки род
Земање дел од кожата, плунка или шлајм како мостра за медицинско испитување.
Англиски: smear, swab

брл повеќе

(едн.)
Вид збор: Именка, машки род
Болест кај овците во мозокот од која овцата само се врти.
Латински: coenurosis Англиски: gid

брлив повеќе

брливи
Вид збор: Придавка
Што е болен од брл.
Албански: i mdërkyer
Примери:
Брлива овца.

бронка повеќе

мн. бронки
Вид збор: Именка, женски род
Мал воспален израсток на кожата.
Англиски: pimple
Примери:
Косата му се наежи, а околу тукушто никнатите влакна од брадата, му се појавија бронки.
Слично со: мозолче (ср.)

бронхијален повеќе

бронхијална
Вид збор: Придавка
Во врска со бронхиите.
Англиски: bronchial
Примери:
Бронхијална астма.

бронхитис повеќе

(едн.)
Вид збор: Именка, машки род
Воспаление на слузницата на бронхиите.
Англиски: bronchitis
Примери:
Децата во Скопје често заболуваат од бронхитис.
Вид: болест (ж.)

брука повеќе

Види и: бронка (ж.)
мн. бруки
Вид збор: Именка, женски род
бронка
Англиски: pimple

брунка повеќе

Види и: бронка (ж.)
мн. брунки
Вид збор: Именка, женски род
бронка
Англиски: pimple

бруцелоза повеќе

(едн.) бруцелозата
Вид збор: Именка, женски род
Заразна болест кај животните која се пренесува и на луѓето преку производите од заразено животно или при директен допир со него.
Англиски: brucellosis
Примери:
Од бруцелоза заболуваат најчесто овчарите, краварите и ветеринарните работници.

бувта повеќе

бувтаат
Вид збор: Глагол, несвршен
Кашла силно.
Англиски: cough Албански: kollitet
Примери:
Стариот непрекинато бувта.

буица повеќе

мн. буици
Вид збор: Именка, женски род
треска, грозница
Англиски: fiver Албански: ethe
Примери:
Буицата била опасна болест во тоа време.
Слично со: треска (ж.)

бунило повеќе

мн. бунила
Вид збор: Именка, среден род
Состојба на полусвест, обично при болест со висока температура.
Англиски: confusion
Примери:
Братчето беше во бунило.

бутур повеќе

мн. бутури
Вид збор: Именка, машки род
Болест кај коњите со кашлање.
Англиски: horse cough
Примери:
Некои од добиците пцовисуваа природно, тивко и мирно ќе ги оптегнеа нозете, други пак, си ги кршеа нозете или фаќаа бутури, имела и красти.

бутурлив повеќе

бутурливиот
Вид збор: Придавка
Болен од бутур.
Англиски: coughing
Примери:
Во таа куќа сите беа бутурливи.
Слично со: болен (прид.)
а - б - в - г - д - е - ж - з - и - ј - к - л - м - н - о - п - р - с - т - у - ф - х - ц - ч - џ - ш