а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

излезе

излезат; излезам, излези, излезете; излегов, излегоа; излегол, излегле; (ќе) излезев, (ќе) излезеа; (ќе) излезел; излезен
Вид збор: Глагол, свршен
Ранг: 172
1. Се појави надвор однекаде, напушти некое место, некоја средина.
Англиски: exit Албански: doli
Примери:
Излезе на порта.
Густ чад излезе од подрумот.
Од ниската куќичка излезе средовечна жена.
Слично со: појави (св.)
Спротивно од: влезе (св.)
2. Се извлече, се ослободи од некоја состојба, положба.
Англиски: extricate Албански: u çlirua
Употреба: Преносно значење
Примери:
Нашето претпријатие излезе од тешката положба.
Слично со: извлече (св.)
3. Се појави во јавност, се објави, се отпечати (книга, списание, весник).
Англиски: publish Албански: u paraqit
Примери:
Мојата книга излезе од печат.
Слично со: публикува (св. и несв.)
4. Се појави како резултат.
Англиски: result Албански: paraqit
Примери:
Сите овие работи излегле од моите раце.
5. Се појави пред некого, на повик, по задача и сл.
Англиски: step forward Албански: hap përpara
Примери:
Момчињата за првпат излегоа пред воена комисија.
Скараните комшии излегоа пред судијата за прекршоци.
6. Се појави, се покаже на телото како последица или израз на некоја состојба.
Англиски: appear Албански: del
Примери:
На лицето од болниот му излегоа мозолчиња.
7. Отиде, оди некаде.
Англиски: leave Албански: shkoi
Примери:
Таа излезе на прошетка.
Ќе излезам да купам нешто.
Слично со: отиде (св.)
8. Испадне, се покаже како последица.
Албански: doli
Употреба: Преносно значење
Примери:
Неговото прашање излезе неумесно.
Оваа работа излезе многу тешка.
Тој излезе плашлив.
Слично со: испадне (св.)
9. се покажа
Англиски: come out Албански: dal
Употреба: Безлично , Преносно значење
Примери:
Излезе дека нивните мажи не се јавиле на работа.
10. За пат - води, доведува.
Англиски: lead Албански: udhëheq
Примери:
Оваа улица излегува на езерото.
Тунелот за бегство излегуваше на една мала уличка.
Слично со: води (несв.)
11. За небесно тело - изгрее, се појави на небесниот свод.
Англиски: rise Албански: ngritje
Примери:
Месечината излезе в зори.
Слично со: крене (св.)
12. За нечистотија, дамка - се исчисти, се отстрани.
Англиски: disappear Албански: e heq
Примери:
Бојата со ништо нема да излезе.
Слично со: отстрани (св.)
13. Заличи на некого, се истера на некого.
Англиски: equal Албански: i përngjan
Примери:
Целиот излезе на татко му.
Слично со: личи (несв.)
14. Наспроти, истапи пред јавност (со реферат, став, мислење).
Англиски: appear Албански: doli
Примери:
На симпозиумот тој излезе со реферат.
Слично со: истапи (св.)
15. За сметка - се покаже.
Англиски: result
Примери:
Колку излезе сето тоа?
Изрази
Излезе од умот - се исплаши, се вчудовиди.
Му излезе на некого пред очи - се појави пред некого.
Излезе на крај со нешто - се справи, излезе од некоја ситуација.
Не му излегува од глава/ум - не може да заборави.
На нос ми (му...) излезе - ми (му...) преседне некоја работа.
Изведенки
излегува несв.