Разговорно - категорија

заака повеќе

заакаат
Вид збор: Глагол, свршен
Одејќи, го изгуби, го згреши патот.
Англиски: stray Албански: humb rrugën
Примери:
Не знам каде сум заакал.
Слично со: заскита (св.)
Почне да ака.
Англиски: rambling Албански: hallakas, bredh
Примери:
Тој заака низ чаршијата.
Слично со: ака (несв.)

заарни повеќе

(се) заарнат
Вид збор: Глагол, свршен
Се зближи со некого, се спријатели.
Англиски: befriend Албански: shoqërues
Примери:
Тие беа скарани, ама сега се заарнија.
Ми (ти, му...) заарни.
Англиски: feel good Албански: ndjehet mirë
(се заарни) Стане некому нешто зрно, пријатно.
Англиски: enjoy Албански: shijoj
Примери:
Нему му се заарни животот на село.

заарчи повеќе

Види и: арчи (несв.)
заарчат
Вид збор: Глагол, свршен
Почне да арчи.
Англиски: spend Албански: harxhoj
Примери:
Заарчи од парите уште пред да ги донесе дома.

забадијава повеќе

Види и: забадијала (прил.)
Вид збор: Прилог
забадијала
Англиски: in vain

забадијала повеќе

Вид збор: Прилог
Бесплатно, без надомест.
Англиски: for free
Примери:
Цел ден работеше забадијала.
залудно, бескорисно
Англиски: in vain
Примери:
Забадијала се качив на дрвото.

забакари повеќе

забакарат
Вид збор: Глагол, свршен
Почне да бакари.
Англиски: honour
Примери:
Не ја забакарил работата како што треба.

забамка повеќе

Види и: бамка (несв.)
забамкаат
Вид збор: Глагол, свршен
Почне да бамка.
Англиски: knock
Примери:
Некој забамка по вратата.

забатали повеќе

забаталат
Вид збор: Глагол, свршен
Запусти, занемари некого или нешто.
Англиски: neglect Албански: lë anash, shpërfill
Примери:
Тој се затвори дома и ги забатали другарите.
Слично со: занемари (св.) , запусти (св.)

забатачи повеќе

забатачат
Вид збор: Глагол, свршен
Заглиби, загази во кал.
Турски: batak Албански: shkel
Примери:
Коњите забатачија во калливата земја.
Направи, нанесе кал.
Албански: zhyt
Примери:
Сиот двор го забатачи.
(се забатачи) се заглиби
Англиски: get stuck Албански: bie në baltë
Примери:
Колата се забатачи и не можеше да се помрдне.

забеган повеќе

Види и: забега (св.)
забегани
Вид збор: Придавка
Што претерал во нешто.
Англиски: exaggerated
Примери:
забеган човек

забибери повеќе

забиберат
Вид збор: Глагол, свршен
Стави пипер.
Англиски: pepper
Примери:
Ја забиберил манџата.
Слично со: зачини (св.)
удри, натепа
Англиски: hit
Примери:
Му забиберил една во стомакот.
Слично со: удри (св.)

заблеан повеќе

заблеани
Вид збор: Придавка
Што е загледан, зјапнат во некого или во нешто.
Англиски: gazing
Примери:
Со отпуштена уста, заблеан во мене, не знаеше што да рече.

забло повеќе

мн. забловци
Вид збор: Именка, машки род
Тој што има големи заби.
Примери:
Не сакаше да му викаат забло.

заборчи повеќе

Види и: задолжи (св.)
(се) заборчат
Вид збор: Глагол, свршен
задолжи
Англиски: get into debt Албански: huazoj
Слично со: задолжи (св.)

забрка повеќе

забркаат
Вид збор: Глагол, свршен
Замеша, измеша нешто.
Англиски: mix Албански: përziej
Примери:
Брашното го забрка со вода.
Слично со: замеша (св.)
Замеша, заплетка некого или нешто.
Англиски: involve Албански: ndërhyj
Примери:
И него го забркаа во нивната нечесна игра.
Слично со: заплетка (св.)
збуни
Англиски: confuse Албански: hutoj
Примери:
Ова неочекувано прашање го забрка човекот.
Слично со: збуни (св.)
(се забрка) Се замеша, се заплетка во нешто.
Албански: ngatërroj
Примери:
Тој се забрка во нивниот разговор.
(се забрка) се збуни
Англиски: confuse Албански: hutoj
Примери:
Кога ја виде, се забрка уште повеќе.

забркан повеќе

забрканиот
Вид збор: Придавка
Што е заплеткан, нејасен.
Англиски: intricate
Примери:
Оваа работа му изгледаше премногу забркана.
Слично со: заплеткан (прид.)
Што е збунет, збркан.
Англиски: confused
Примери:
Нему не му требаат забркани луѓе како мене.
Слично со: збунет (прид.)

завал повеќе

Вид збор: Извик
За искажување жалост, сочувство.
Англиски: pity Турски: zavallı
Примери:
Нигде завал лика јас не најдов, лика спрема мене.

завалија повеќе

завалии
Вид збор: Придавка
(немен. по род) Што е за жалење, за грев.
Англиски: pitiable Турски: zavallı
Примери:
Па тој мене како да не ме разбира, завалија!
Слично со: сиротен (прид.) , кутар (прид.)

завјаса повеќе

Види и: вјаса (несв.)
(се) завјасаат
Вид збор: Глагол, свршен
Почне да вјаса.
Англиски: hurry Албански: ngut, shpejton
Примери:
Децата завјасаа по патот.
Слично со: забрза (св.)
Натера да вјаса, да побрза.
Англиски: hurry Албански: ngut, shpejton
Примери:
Тој ги завјаса работниците до вечер се да завршат.
Слично со: побрза (св.)

завјасан повеќе

завјасаниот
Вид збор: Придавка
Што вјаса.
Англиски: hurried
Слично со: забрзан (прид.)

заворна повеќе

мн. заворни
Вид збор: Именка, женски род
Лост или клинец со кој се осигурува врата да не се отвора.
Англиски: bar
Примери:
Не можеше да ја тргне заворната од вратата.
Слично со: резе (ср.)

загајледиса повеќе

Види и: загрижи (св.)
(се) загајледисаат
Вид збор: Глагол, свршен
(се) загрижи
Англиски: worry

загајли повеќе

Види и: загрижи (св.)
(се) загајлат
Вид збор: Глагол, свршен
(се) загрижи
Англиски: worry

загиба повеќе

Види и: гиба (несв.)
загибаат
Вид збор: Глагол, свршен
Почне да гиба, да пипа некого или нешто.
Англиски: touch Албански: prek
Примери:
Тој ја загиба мачката со едно стапче.
Слично со: пипа (несв.)
Почне да задева (со зборови) некого.
Англиски: tease Албански: ngacmoj
Примери:
Кога го видоа децата така облечен, веднаш го загибаа.
(се загиба) Почне да се гиба, да се задева со некого.
Англиски: tease Албански: ngacmoj
Примери:
Децата се загибаа меѓу себе.

заграба повеќе

заграбаат
Вид збор: Глагол, свршен
забрза, заита
Англиски: hurry Албански: shpejtoj, nxitoj
Примери:
Како мечка заграба по меѓата и за миг се најде горе.
Слично со: забрза (св.)

загубар повеќе

мн. загубари
Вид збор: Именка, машки род
Компанија што е во загуба.
Англиски: loser Албански: humbës
Примери:
Преку ноќ со одлука на хартија загубарот стана профитабилен.

задорица повеќе

Види и: задорко (м.)
мн. задорици
Вид збор: Именка, машки род
задорко

задрипетле повеќе

мн. задрипетлиња
Вид збор: Именка, машки род
Тој што задева, гиба некого.
Примери:
Децата ме завикаа задрипетле.

задрнка повеќе

задрнкаат
Вид збор: Глагол, свршен
Почне да дрнка на некој жичен инструмент.
Англиски: strum Албански: mshoj, bie
Примери:
Тој задрнка на гитарата.
Почне да брбори, да дрдори.
Англиски: blab Албански: llafos, llomotis
Примери:
Старецот задрнка нешто.

задрт повеќе

Види и: дрт (прид.)
задрти
Вид збор: Придавка
Што почнал да станува дрт.
Англиски: sappy
Примери:
задрт десничар, задрт левичар

заесапи повеќе

заесапат
Вид збор: Глагол, свршен
Почне да есапи, да смета.
Англиски: calculate
Примери:
Заесапи нешто во мислите и се занесе.

зајре повеќе

(едн.)
Вид збор: Именка, среден род
храна, животни продукти
Англиски: foodstuff Турски: zahire Албански: gjëra ushqimore
Примери:
Отиде до дуќанот да купи зајре.
Слично со: намирници (само мн.)
Сѐ што е потребно за приготвување на едно јадење.
Англиски: ingredient Турски: zahire Албански: përbërës
Примери:
Сето зајре за ручекот го стави на маса.
Слично со: состојка (ж.)

зајрест повеќе

зајрестиот
Вид збор: Придавка
За жена - што е полна, крупна.
Примери:
зајреста жена
Слично со: јадар (прид.)

закатани повеќе

закатанат
Вид збор: Глагол, свршен
Заклучи со катанец.
Англиски: lock Албански: mbyllem
Примери:
Заборави да ја закатани портата.
Слично со: заклучи (св.)
Изгуби, заметне, зафрли нешто.
Англиски: mislay Албански: humbas, vë jo në vend
Примери:
Не знаеше кај ги закатанила иглите за плетење.
Слично со: зафрли (св.) , заметне (св.)
(се закатани) Се изгуби, исчезне некаде.
Англиски: disappear Албански: humbem, zhdukem
Примери:
Дел од овците се закатанија низ планината.
Слично со: изгуби (св.)

закатанчен повеќе

закатанчениот
Вид збор: Придавка
Што се однесува на замрсена, компликувана состојба и сл.
Англиски: intricate
Примери:
Закатанчена работа.

заквичи повеќе

Види и: квичи (несв.)
заквичат
Вид збор: Глагол, свршен
За дете - почне да вреска, да пишти.
Англиски: scream Албански: piskas, bërtas
Примери:
Детето се исплаши и заквичи.
Слично со: вреска (несв.)

закопа повеќе

закопаат
Вид збор: Глагол, свршен
Погребе мртовец.
Англиски: bury Албански: varros
Примери:
Стариот игумен го закопаа во дворот на манастирот.
Слично со: погребе (св.)

закопувачка повеќе

мн. закопувачки
Вид збор: Именка, женски род
закоп
Англиски: burial

закрка повеќе

закркаат
Вид збор: Глагол, свршен
Почне да крка (да јаде и да пие лакомо и обилно).
Англиски: stuff Албански: ha me ngutje
Примери:
Седнаа на масата и закркаа како никогаш да не виделе јадење.
Слично со: крка (несв.)

залангур повеќе

мн. залангури
Вид збор: Именка, машки род
скитник, уличар
Англиски: tramp Албански: rrugaç
Примери:
Тој е чорбаџиски син, а не залангур.
Слично со: уличар (м.)
неработник, безделник
Англиски: idler Албански: përtac
Примери:
Се здружил со група залангури.
Слично со: безделник (м.)
Лице што е неискусно, невешто, несмасно.
Англиски: clumsy person Албански: pa përvojë
Примери:
Тој е залангур, не ја знае работата.

залеби повеќе

залебат
Вид збор: Глагол, свршен
Обезбеди работа, служба некому, вработи некого.
Англиски: employ Албански: siguroj
Примери:
Молеше да и го залебат синот во фабриката.
Слично со: вработи (св.)

замавнат повеќе

замавнатиот
Вид збор: Придавка
Што е со замав, што содржи замав.
Примери:
Стоеше со замавнат стап во раката.

замет повеќе

(едн.)
Вид збор: Именка, машки род
труд, тегоба, напор
Англиски: effort Турски: zahmet
Примери:
Тој му плати за заметот.
Слично со: напор (м.)

заметлија повеќе

мн. заметлии
Вид збор: Придавка
(немен. по род) досаден, здодевен
(немен. по род) мачен, тегобен

замине повеќе

заминат
Вид збор: Глагол, свршен
За време - помине определен временски период.
Англиски: pass Албански: kaloj
Примери:
Пладне беше веќе заминато.

замка повеќе

мн. замки
Вид збор: Именка, женски род
јамка
Англиски: snare Албански: kurth
Примери:
Шамијата и стоеше околу вратот како замка.

заможен повеќе

заможни
Вид збор: Придавка
Што има доволно за живот, што е материјално обезбеден, осигурен.
Англиски: wealthy
Примери:
заможен трговец, заможно семејство

замоли повеќе

Види и: моли (несв.)
замолат
Вид збор: Глагол, свршен
(се замоли) се моли
Англиски: beg Албански: lutem, lyp
Примери:
Тој му се замолил на постариот брат да му даде пари на заем.

заморувачка повеќе

(едн.)
Вид збор: Именка, женски род
замор
Англиски: tiredness

замуабети повеќе

Види и: муабети (несв.)
замуабетат
Вид збор: Глагол, свршен
Почне да прави муабет.
Англиски: talk Албански: bisedoj
Примери:
Двете жени гласно замуабетија.
Задржи некого со муабет, одврати нечие внимание од нешто друго.
Англиски: distract Албански: hutoj
Примери:
Таа ме замуабети, па затоа не дојдов навреме.
(се замуабети) Се занесе во муабет.
Англиски: talk Албански: bisedoj
Примери:
Се замуабетивме и не видовме кога помина полноќ.

занимација повеќе

мн. занимации
Вид збор: Именка, женски род
забава, разонода
Англиски: entertainment
Примери:
Играше карти заради занимација.
Слично со: разонода (ж.)

западњак повеќе

мн. западњаци
Вид збор: Именка, машки род
Тој што по потекло, по идеи и по култура му припаѓа на Запад.
Примери:
Кинезите се посреќни од западњаците.

запатка повеќе

запаткаат
Вид збор: Глагол, свршен
За дете - почне да патка, да оди, прооди.
Примери:
Девојчето ми запатка точно на годината.
Слично со: прооди (св.)

запашка повеќе

запашкаат
Вид збор: Глагол, свршен
Почне да пашка.
Англиски: pursue Албански: ndjek
Примери:
Ги запашкавме арамиите по планината.
Слично со: пашка (несв.)
Почне да мачи, да малтретира некого.
Англиски: torture Албански: torturon
Примери:
Војниците ги запашкаа насобраните селани.
Слично со: малтретира (несв.)
(се запашка) Почне да се гони, да се брка со некого.
Англиски: chase Албански: ndjek
Примери:
Децата се запашкаа по ледината.
Слично со: брка (несв.)

запердаши повеќе

запердашат
Вид збор: Глагол, свршен
Почне да пердаши, да тепа некого.
Англиски: beat
Примери:
Тој го запердаши магарето по грбот.
Слично со: тепа (несв.)

запизми повеќе

(се) запизмат
Вид збор: Глагол, свршен
замрази
Англиски: hate

заплеска повеќе

Види и: плеска (несв.)
заплескаат
Вид збор: Глагол, свршен
Почне да тепа некого со шлаканици.
Англиски: beat Албански: shpulloj, shpullas
Примери:
Тој го заплеска детето.

заплесне повеќе

(се) заплеснат
Вид збор: Глагол, свршен
се зазјапа
Англиски: stare Албански: hap sytë
Примери:
Тој се заплеска во младата девојка.
Слично со: зазјапа (св.)

запрета повеќе

запретаат
Вид збор: Глагол, свршен
Погребе, изврши закоп.
Англиски: bury Албански: gropos
Примери:
Така ги запретале, ни поп, ни молитва.
Слично со: погребе (св.)

запт повеќе

(едн.)
Вид збор: Именка, машки род
Строго утврден ред, дисциплина.
Англиски: order Албански: rend
Примери:
Војската не беше навикната на запт.
Стегање во градите, во грлото и сл.
Англиски: packing Турски: zapt Албански: fiksim
Примери:
Наеднаш почувствува силна болка и запт во градите.
заплена
Англиски: captivity Албански: robëri

заптиса повеќе

заптисаат
Вид збор: Глагол, свршен
заплени
Англиски: captivate Албански: zaptoj, konfiskoj
Ме (те,. го...) стегне нешто во градите, во грлото и сл.
Англиски: pack Албански: shtrëngon
Примери:
Ме заптиса нешто во грлото.

запустикуќа повеќе

мн. запустикуќи
Вид збор: Именка, машки род
Лице што премногу троши, што ја пусти куќата.
Англиски: squanderer
Примери:
Го биеше глас дека е запустикуќа.
Слично со: расипник (м.)

зар повеќе

мн. зарови
Вид збор: Именка, машки род
Среќа во игра.
Англиски: dice Турски: zar Албански: zar
Примери:
Му тргна зарот.

зарани повеќе

Види и: захрани (св.)
заранат
Вид збор: Глагол, свршен
захрани
Англиски: feed

зарек повеќе

мн. зареци
Вид збор: Именка, машки род
(само едн.) Болест од урок.
Албански: mësysh
Примери:
Бабата баела од зарек.

зарзават повеќе

мн. зарзавати
Вид збор: Именка, машки род
зеленчук
Англиски: vegetable Турски: zerzevat
Примери:
градина со зарзават
Слично со: зеленчук (м.)

зарзаватчија повеќе

мн. зарзаватчии
Вид збор: Именка, машки род
Лице што произведува и/или продава зарзават.
Англиски: greengrocer Турски: zerzevatçı
Примери:
Зарзаватчијата го посеа рано расадот.

зарзаватчилница повеќе

мн. зарзаватчилници
Вид збор: Именка, женски род
Продавница за зарзават.
Англиски: greengrocery
Примери:
Тој имаше малечка зарзаватчилница во градот.

зарлија повеќе

мн. зарлии
Вид збор: Именка, машки род
Што има среќа во (хазардна) игра.
Англиски: lucky Турски: zar
Примери:
зарлија човек

заспанко повеќе

мн. заспанковци
Вид збор: Именка, машки род
Тој што многу спие, што тешко се расонува.
Англиски: sleeper Албански: gjumash
Тој што не е енергичен, што не е буден, што не е претпазлив.
Албански: gjumash
Слично со: заспан (прид.)

застега повеќе

Види и: стега (несв.)
застегаат
Вид збор: Глагол, свршен
(се застега) Почне да се подготвува за на пат, на работа и сл.
Англиски: prepare Албански: përgatitet
Примери:
Тие се застегаа за на пат.

затворало повеќе

Види и: затвор (м.)
мн. затворала
Вид збор: Именка, среден род
затвор
Англиски: lock

затвори повеќе

затворат
Вид збор: Глагол, свршен
Спречи да работи, исклучи (апарат).
Англиски: turn off Албански: çkyç
Примери:
Затвори радио.
Слично со: исклучи (св.)

затреска повеќе

затрескаат
Вид збор: Глагол, свршен
(се затреска) се заљуби
Англиски: enamour Албански: dashurohet
Примери:
Се затреска во една девојка, ги заборави другарите.

заќори повеќе

(се) заќорат
Вид збор: Глагол, свршен
се заслепи, се заблуди
Англиски: blind Турски: kör
Примери:
Се заќори момчето по таа девојка.
Слично со: заблуди (св.) , заслепи (св.)

зафркне повеќе

зафркнат
Вид збор: Глагол, свршен
измами, изигра
Англиски: cheat
Примери:
Ама ме зафркна!
Слично со: измами (св.)

зацапа повеќе

зацапаат
Вид збор: Глагол, свршен
(се зацапа) Силно, длабоко се вљуби.
Англиски: fall in love Албански: bie në dashuri
Примери:
Тој се зацапа до уши во девојката.
Слично со: заљуби (св.)

зацепи повеќе

Види и: цепи (несв.)
зацепат
Вид збор: Глагол, свршен
Тргне, фати насока.
Англиски: run Албански: niset në një drejtim
Примери:
Детето зацепи се во еден правец.

зачкива повеќе

зачкиваат
Вид збор: Глагол, свршен
Почне да гледа со полузатворени очи, подзамиже.
Англиски: squint Албански: vëngëri
Примери:
Наредникот лукаво зачкива со едното око.
Впери поглед во некого, во нешто.
Англиски: gaze Албански: ia ngul sytë
Примери:
Старецот зачкива низ прозорецот во дворот.
Слично со: загледа (св.)
Почне слабо да гори.
Англиски: squint Албански: vëngëri
Примери:
Ламбата зачкива.

зачука повеќе

Види и: чука (несв.)
зачукаат
Вид збор: Глагол, свршен
(се зачука) Се удри во нешто (поради невнимание).
Англиски: hit Албански: godit
Примери:
Гледајќи во торбичето детето се зачука во бандерата.
Слично со: тресне (св.)

зачури повеќе

Види и: чури (несв.)
зачурат
Вид збор: Глагол, свршен
запуши
Англиски: smoke Албански: tymos
Примери:
Завитка една цигара и зачури.
Слично со: запуши (св.)

зашиба повеќе

Види и: шиба (несв.)
зашибаат
Вид збор: Глагол, свршен
Ефектно даде гол.
Англиски: strike Албански: shënoj
Примери:
Домашниот тим му зашиба четири гола на гостинскиот тим.
Почне да става, да трупа.
Англиски: pile Албански: mbledh
Примери:
Зашиба некаква облека и нешто за јадење во торбата и излезе.

зашлака повеќе

Види и: шлака (несв.)
зашлакаат
Вид збор: Глагол, свршен
Почне да дрдори.
Англиски: chatter Албански: dërdëllit
Примери:
Дедото пак зашлака за тоа кога бил млад.

збирштина повеќе

мн. збирштини
Вид збор: Именка, женски род
Куп нешта без вредност.
Англиски: pile of junk
Примери:
Книгата е збирштина од неуспешни поетски обиди.

збоктиса повеќе

Види и: боктиса (св.)
збоктисаат
Вид збор: Глагол, свршен
боктиса
Англиски: bore Турски: bıkmak
Слично со: додее (св.)

зборува повеќе

зборуваат
Вид збор: Глагол, несвршен
озборува
Англиски: defame Албански: shpif
Примери:
Го зборуваа низ селото дека се поматил со умот.
Слично со: озборува (несв.)

зборувачка повеќе

Вид збор: Именка, женски род
зборување
Англиски: talking

збрише повеќе

Види и: брише (несв.)
збришат
Вид збор: Глагол, свршен
Избега, наеднаш го снема.
Англиски: run away Албански: humbem, ik
Примери:
Кога виде што треба да работи, збриша и повторно не се појави.

збрложи повеќе

збрложат
Вид збор: Глагол, свршен
Збуни некого.
Англиски: confuse Албански: habis
Примери:
Ненадејното невреме ги збрложи луѓето.
(се збрложи) Се збуни.
Англиски: confuse Албански: habitem
Примери:
Селаните кога слушнаа, се збрложија.

згнете повеќе

згнетат
Вид збор: Глагол, свршен
Изеде, изголта лакомо, ненаситно.
Англиски: stuff Албански: gëlltis
Примери:
Тој беше гладен и згнете половина леб.

здаде повеќе

(се) здадат
Вид збор: Глагол, свршен
Се нафрли некому со зборови, со викање, со лаење.
Англиски: attack Албански: vërsulem
Примери:
Кога му се здаде, се му изнарече.
Слично со: атакува (св. и несв.) , нафрли (св.)

здиплен повеќе

Види и: здипли (св.)
здиплениот
Вид збор: Придавка
Што е земен без дозвола.
Англиски: stolen
Примери:
Автомобилот беше здиплен, со извадени таблички.
Слично со: украден (прид.)

здипли повеќе

Види и: дипли (несв.)
здиплат
Вид збор: Глагол, свршен
украде
Англиски: steal Албански: vjedh
Примери:
Дури се сврте, и ја здиплија чантата.

здроби повеќе

Види и: дроби (несв.)
здробат
Вид збор: Глагол, свршен
повреди
Англиски: smash Албански: dërrmoj, lëndoj
Примери:
Паѓајќи од велосипедот го здроби коленото.
(се здроби) Претера во некаква работа, дејство.
Англиски: overdo Албански: dërrmoj, shkepem, teproj
Примери:
Се здроби од цепење дрва.

здувне повеќе

здувнат
Вид збор: Глагол, свршен
Побегне, веднаш исчезне.
Англиски: vanish
Примери:
Го пуштија условно, а тој ја здувна преку граница.
Слично со: побегне (св.) , исчезне (св.)

зевзек повеќе

мн. зевзеци
Вид збор: Именка, машки род
Тој што се шегува, ѓаволест човек.
Англиски: joker Турски: zevzek Албански: zevzek, shakaxhi
Примери:
Дедото беше стар ама зевзек, се на смеа вртеше.
Слично со: шегобиец (м.)

зезне повеќе

зезнат
Вид збор: Глагол, свршен
измами, изневери
Англиски: cheat
Примери:
Внимавај, ќе те зезне!

зејтин повеќе

(едн.) зејтинот
Вид збор: Именка, машки род
Течно масло за јадење од сончоглед, маслинки и др.
Англиски: oil Турски: zeytin Албански: vaj, zejtin
Примери:
маслинов зејтин
Слично со: масло (ср.)
Вид: намирници (само мн.)

зејтинлија повеќе

мн. зејтинлии
Вид збор: Придавка
(немен. по род) Што е со боја на маслинов зејтин.
Примери:
Таа носеше блуза зејтинлија.

зелјар повеќе

мн. зелјари
Вид збор: Именка, машки род
Тој што сака да јаде зелје, спанаќ и сл.
Примери:
Тој месо не сака да види, но затоа е голем зелјар.

земачка повеќе

мн. земачки
Вид збор: Именка, женски род
Нешто за земање.
Примери:
Имаш за земачка.
Спротивно од: давачка (ж.)

земе повеќе

земат
Вид збор: Глагол, свршен
Стапи во брачен однос.
Англиски: marry Албански: merr, martoj
Примери:
Тој ја зеде за жена девојката со која се забавуваше долги години.

зијан повеќе

(едн.)
Вид збор: Именка, машки род
штета
Англиски: damage Турски: ziyan Албански: zijan, humbje
Примери:
Од несолено барем зијан нема!
Слично со: штета (ж.)
загуба
Англиски: loss Турски: ziyan Албански: zijan, humbje
Примери:
Ни ќар ни зијан.
Слично со: загуба (ж.)
Спротивно од: ќар (м.)

зијани повеќе

зијанат
Вид збор: Глагол, свршен
Направи штета некому.
Англиски: harm Албански: bën zijan, bën dam
Примери:
Ќе те зијанам една ракија.
Претрпи загуба во некоја игра или во нешто друго.
Англиски: lose Албански: humb
Примери:
Многу ќе зијанам на оваа стока, ама морам да ја продадам.
Спротивно од: ќари (св.)

зијанлија повеќе

зијанлии
Вид збор: Придавка
Што губи или што трпи штета, што е во минус.
Примери:
Дури и да го множиш со нула, пак си зијанлија.
Спротивно од: ќарлија (прид.)

зифт повеќе

(едн.) зифтот
Вид збор: Именка, машки род
црна смола
Англиски: tar Турски: zift
Примери:
очи како зифт
Слично со: писа (ж.) , катран (м.)

злопамтило повеќе

мн. злопамтила
Вид збор: Именка, машки род
Тој што не простува и не заборава зло и наоѓа начин да врати со иста мера.
Англиски: unforgiving
Примери:
Не сум злопамтило, но овој пат ги надмина границите.

зорт повеќе

(едн.) зортот
Вид збор: Именка, машки род
мака, напор
Англиски: difficulty Турски: zor Албански: kam zor, vështërsi
Примери:
Со зорт се печалени париве.
Слично со: нужда (ж.) , напор (м.)
страв
Англиски: fear Албански: frikë
Примери:
Го фати зорт од кучињата што лаеја.
а - б - в - г - д - ѓ - е - ж - з - ѕ - и - ј - к - л - љ - м - н - о - п - р - с - т - ќ - у - ф - х - ц - ч - џ - ш