Разговорно - категорија

каба повеќе

Вид збор: Придавка
(за штоф) дебел, неквалитетен
Англиски: rough Турски: kaba
(за човек) неотпорен, неиздржлив
Турски: kaba
Слично со: неотпорен (прид.)

кабадаија повеќе

мн. кабадаии
Вид збор: Именка, машки род
напернат, вообразен човек
Англиски: ruffian Турски: kabadayı Албански: njeri kryelartë
Слично со: дрзник (м.)

кабает повеќе

Види и: кабаат (м.)
мн. кабаети
Вид збор: Именка, машки род
вина, кривица
Англиски: guilt Турски: kabahat Албански: faj
Примери:
Ќе им суди судот, ако имаат кабает.
Слично со: вина (ж.)
кабаетлија
Англиски: guilty Албански: fajtor
Примери:
Кабает сум, си признавам.
Слично со: виновен (прид.)

кабаетлија повеќе

мн. кабаетлии
Вид збор: Придавка
крив, виновен
Англиски: guilty Турски: kabahatli
Примери:
Кабаетелија е бостанџијата што не си го варди бостанот.
Слично со: виновен (прид.)

кабардиса повеќе

кабардисаат
Вид збор: Глагол, свршен
Нарасне, набабри, се надуе, го зголеми обемот (најчесто при ферментација).
Англиски: swell Турски: kabarmak
Примери:
Му кабардисаа рацете од лопатата.
Слично со: набабри (св.)

кабил повеќе

Вид збор: Прилог
Способен, што е во состојба, што е спремен нешто да направи.
Англиски: capable Турски: kabiliyet
Примери:
Ако не кажеш ти, таа ќе е кабил да каже.

кабул повеќе

Вид збор: Придавка
Во состав со глаголите чини, прави, стори - се согласи, даде дозвола; прифати, даде согласност за нешто.
Англиски: acceptance Турски: kabul
Примери:
Не чинам кабул.

кабули повеќе

кабулат
Вид збор: Глагол, несвршен
Сака, прифаќа, се согласува, дава дозвола за нешто.
Англиски: accept Турски: kabul etmek
Примери:
Ќе се вратиме, ако кабулиш.

кавга повеќе

мн. кавги
Вид збор: Именка, женски род
караница, расправија
Англиски: quarrel Турски: kavga Албански: zënkë, grindje
Примери:
Долго продолжи кавгата, а син и татко не се спогодија.
Слично со: карање (ср.) , караница (ж.)

кавгаџија повеќе

мн. кавгаџии
Вид збор: Именка, машки род
Лице што предизвикува кавги.
Англиски: brawler Турски: kavgacı
Примери:
Не се дружам со кавгаџии.

кавгаџилак повеќе

(едн.)
Вид збор: Именка, машки род
расправање, карање
Англиски: quarrel Турски: kavgacılık
Примери:
Кавгаџилакот во медиумите го покренаа политичарите.
Слично со: карање (ср.)

каврадиса повеќе

каврадисаат
Вид збор: Глагол, свршен
прицврсти, спои, заглави, свитка
Англиски: bend Турски: kıvırmak
Примери:
Го каврадиса клинецот.
Слично со: свитка (св.)

кади повеќе

кадат
Вид збор: Глагол, несвршен
Испушта чад.
Англиски: smoke Албански: lëshon tym
Слично со: чади (несв.)

кадро повеќе

мн. кадра
Вид збор: Именка, среден род
фотографија
Англиски: photograph
Примери:
Сега семејството може да се овековечи на кадро.
Слично со: слика (ж.) , фотографија (ж.)

кадровик повеќе

мн. кадровици
Вид збор: Именка, машки род
кадровски референт
Примери:
Ваквата политика на кадровикот предизвикала реакција кај жителите.

кадроса повеќе

кадросаат
Вид збор: Глагол, свршен
фотографира
Англиски: photograph Албански: fotografoj
Слично со: фотографира (св. и несв.)

кажувачка повеќе

мн. кажувачки
Вид збор: Именка, женски род
кажување
Англиски: talking, tale
Примери:
Кажувачката изгледа се повторува.

каздиса повеќе

каздисаат
Вид збор: Глагол, свршен
Налути некого.
Англиски: anger Турски: kızmak Албански: këzdis, hidhëron
Примери:
Тие зборови го каздисаа.
Слично со: налути (св.)

каик повеќе

мн. каици
Вид збор: Именка, машки род
чамец, чун
Англиски: boat Турски: kayık
Слично со: чун (м.) , чамец (м.)
Вид: кораб (м.)

каикчија повеќе

мн. каикчии
Вид збор: Именка, машки род
Тој што вози каик, што превезува со каик.
Англиски: skipper Турски: kayıkçı

каил повеќе

Вид збор: Придавка
Согласен, склон, расположен за нешто.
Англиски: inclined Турски: kail
Примери:
Не си каил да ѝ кажеш.
Слично со: склон (прид.) , расположен (прид.) , согласен (прид.)

кајдиса повеќе

кајдисаат
Вид збор: Глагол, свршен
нападне, погуби
Англиски: attack Турски: kaydırmak
Примери:
Го кајдисале горе в планина.
Слично со: нападне (св.)

какофонија повеќе

(едн.) какофонијата
Вид збор: Именка, женски род
Неусогласеност, збрканост, хаотичност (на гласови, зборови, миcли, идеи); лошо сложување на повеќе нешта.
Англиски: chaos Албански: kaos
Слично со: хаос (м.)

калабалак повеќе

(едн.)
Вид збор: Именка, машки род
Мноштво народ собран на едно место.
Англиски: crowd Турски: kalabalık Албански: kallaballëk, grumbull
Примери:
Пред влезот беше калабалак.
Слично со: навалица (ж.) , толпа (ж.) , гунгула (ж.)
Многумина во семејството.
Англиски: large family Албански: kallaballëk, familje e madhe
Примери:
Не сме калабалак, ќе ја поминеме некако зимата.

калајлија повеќе

Види и: калаен (прид.)
Вид збор: Придавка
калаен

калакурница повеќе

мн. калакурници
Вид збор: Именка, женски род
хаос, метеж
Англиски: chaos
Примери:
Цревата калакурница ќе ти се направат.
Слично со: хаос (м.)

калач повеќе

мн. калачи
Вид збор: Именка, машки род
(само едн.) Само во изразот: на калач - накосо, настрана.
Англиски: slanted Албански: shpata anohet
Примери:
Динарот падна на калач.
Слично со: накосо (прил.) , настрана (прил.)

камбур повеќе

Вид збор: Именка, машки род
грбавец
Англиски: hunchback Турски: kambur

камбурест повеќе

камбурестиот
Вид збор: Придавка
грбав
Англиски: hunchback

камен повеќе

мн. камење
Вид збор: Именка, машки род
пари
Англиски: dough Албански: para

камењарка повеќе

Види и: каменарка (ж.)
мн. камењарки
Вид збор: Именка, женски род
улична проститутка
Англиски: prostitute Албански: prostitute

кана повеќе

мн. кани
Вид збор: Именка, женски род
намера
Англиски: intention Албански: qëllim
Слично со: намера (ж.)

кандардиса повеќе

кандардисаат
Вид збор: Глагол, свршен
Изнуди согласност, принуди, наговори некого на нешто.
Англиски: persuade Турски: kandırma
Слично со: присили (св.) , принуди (св.) , наговори (св.) , изнуди (св.)

кањари повеќе

кањарат
Вид збор: Глагол, несвршен
Чита молитви во црква.

капаклија повеќе

мн. капаклии
Вид збор: Придавка
(немен. по род) Што има капак.
Примери:
фенери капаклии, саани капаклии

капакчија повеќе

мн. капакчии
Вид збор: Именка, женски род
Тој што има одговор за cѐ.

капела повеќе

мн. капели
Вид збор: Именка, женски род
шапка, обично женска
Англиски: cap Албански: kapelë, kësulë
Примери:
На главата имаше тантелена капела.
Вид: капа (ж.)

капира повеќе

капираат
Вид збор: Глагол, свршен и несвршен
сфати, сфаќа, разбира
Англиски: understand
Примери:
Тој капираше сѐ што ќе му кажев.
Слично со: разбира (несв.)

капне повеќе

капнат
Вид збор: Глагол, свршен
За дожд - заврне малку.
Англиски: rain Албански: pikoj
Примери:
Вчера капна малку дожд.
Слично со: заврне (св.)

караѓоз повеќе

(едн.)
Вид збор: Именка, машки род
Лице што прави смешки, комичар.
Англиски: comedian Турски: karagöz Албански: komedian
Слично со: комичар (м.)

караконџол повеќе

мн. караконџоли
Вид збор: Именка, машки род
Вештер, вампир, зол човек.
Англиски: sorcerer Албански: magjistar, njeri i ligë
Слично со: вештер (м.)

караштиса повеќе

караштисаат
Вид збор: Глагол, свршен
Измеша неколку работи, нешта.
Англиски: mix Турски: karışmak Албански: përziej
Примери:
Виното го караштиса со вода.
(се караштиса) Се измеша со нешто.
Англиски: mix Турски: karışmak Албански: përziej

кардаш повеќе

мн. кардаши
Вид збор: Именка, машки род
другар, пријател, брат
Англиски: brother Турски: kardeş
Примери:
Секој ден скита со оној негов кардаш.
Слично со: брат (м.)

кармакараши повеќе

Вид збор: Прилог
растурено, измешано
Англиски: disarray Турски: karmakarışık
Примери:
Собата стана кармакараши.
Слично со: измешано (прил.)

картаџија повеќе

мн. картаџии
Вид збор: Именка, машки род
Лице што често се карта.
Англиски: card player
Примери:
Тој навечер со познатите картаџии играше карти.

карши повеќе

Вид збор: Прилог
Спроти, од спротивната страна.
Англиски: opposite Турски: karşı
Примери:
Седна карши мене.
Слично со: спротив (прил.)

каршија повеќе

Вид збор: Прилог
отспротива
Англиски: against
Примери:
Тие живеат од каршија.

каршилак повеќе

мн. каршилаци
Вид збор: Именка, машки род
Одговор на прашање, одговарање.
Англиски: reply Турски: karşılık Албански: përgjigje
Примери:
Го предаде писмото и доби каршилак од кај што требаше.
Слично со: одговор (м.)
Елече изработено од домашно платно.
Турски: karşılık Албански: jelek, zdesh
Вид: облека (ж.)
раб на платно
Турски: karşılık Албански: teh i petkut

касапаана повеќе

Види и: касапница (ж.)
мн. касапаани
Вид збор: Именка, женски род
касапница
Англиски: slaughterhouse
Примери:
касапаана за дерење на возачите

касапница повеќе

мн. касапници
Вид збор: Именка, женски род
Продавница за месо.
Англиски: butcher's shop Албански: mishtore
Примери:
Кучето стоеше пред касапницата.
Слично со: месарница (ж.)

каскандиса повеќе

каскандисаат
Вид збор: Глагол, свршен
завиди
Англиски: envy Турски: kıskanç
Слично со: завиди (св.)

касканџија повеќе

мн. касканџии
Вид збор: Именка, машки род
Лице што завидува.
Турски: kıskançcı
Слично со: завидливец (м.)

касканџилак повеќе

Вид збор: Именка, машки род
завидливоcт
Англиски: jealousy Турски: kıskanç
Слично со: завидливост (ж.)

касмет повеќе

(едн.) касметот
Вид збор: Именка, машки род
среќа, судбина
Англиски: fate Турски: kısmet
Примери:
Тргна да си го бара касметот.
Слично со: среќа (ж.) , судбина (ж.)

касметлив повеќе

касметливиот
Вид збор: Придавка
Што има среќа, среќник.
Англиски: lucky dog
Примери:
Момчето беше касметливо.
Слично со: среќник (м.)

кастри повеќе

кастрат
Вид збор: Глагол, несвршен
Скуси, ограничи нешто.
Англиски: shorten Албански: shkurtoj
Примери:
Средината е против него, му ги кастри крилјата.
Слично со: скусува (несв.)
Кара, укорува некого.
Англиски: reprimand Албански: qorton
Примери:
Вечер ќе ме кастри поради доцнењето.

ката повеќе

Вид збор: Префикс
Како прв дел од сложенки означува дека нешто се повторува во временско растојание означено со вториот дел од сложенката; со значење секој.
Англиски: every
Примери:
катаутро, катаноќ

катаден повеќе

Вид збор: Прилог
катадневно
Примери:
Од нив се полоши само новинарските измеќари кои катаден и ноќ палат подбуцнувачки огнови.

катадешен повеќе

катадешна
Вид збор: Придавка
секојдневен
Спротивно од: празничен (прид.)

катадневен повеќе

катадневни
Вид збор: Придавка
Што се повторува секој ден, што се случува, што се извршува секој ден.
Англиски: everyday
Примери:
Катадневни грижи.
Слично со: секојдневен (прид.)
Што служи за секој ден.
Англиски: usual
Примери:
Носеше катадневно доламче.
Слично со: обичен (прид.) , катадешен (прид.)

катана повеќе

Вид збор: Именка, женски род
крупен коњ
Албански: kal i madh
Вид: коњ (м.)
крупна жена
Албански: grua e madhe

катани повеќе

(се) катанат
Вид збор: Глагол, несвршен
Талка, оди без цел, скита.

катиљ повеќе

мн. катили
Вид збор: Именка, машки род
престапник, злосторник, убиец
Англиски: murderer Турски: katil Албански: katil, gjakësor
Примери:
Ќе му го донесам јас умот на тој катиљ.
Слично со: убиец (м.)
Многу лош човек.
Англиски: villain Албански: katil. njeri i lig
Примери:
Катиљ е тој, остави го.
Слично со: злосторник (м.)

катмер повеќе

мн. катмери
Вид збор: Именка, машки род
слој
Англиски: layer
Примери:
Го нема ѓомлезецот твој - катмер од катмер да се изделува.

катмерлија повеќе

мн. катмерлии
Вид збор: Придавка
(немен. по род) Што е во слоеви, слоевит.
За цвеќе - што има повеќе ливчиња наредени во неколку реда.

кафе повеќе

мн. кафиња
Вид збор: Именка, среден род
кафеана
Англиски: restaurant Турски: kahve Албански: restorant
Примери:
Тие беа редовни посетители на ова кафе.
Слично со: кафеана (ж.)

качак повеќе

мн. качаци
Вид збор: Именка, машки род
Лош, суров, непреработен тутун.
Англиски: raw tobacco Албански: kaçak, duhan

кашар повеќе

Види и: каша (ж.)
мн. кашари
Вид збор: Именка, машки род
Лице што многу сака каша, љубител на каша.

кашле повеќе

Види и: кашло (м.)
мн. кашлевци
Вид збор: Именка, машки род
кашло

кашло повеќе

мн. кашловци
Вид збор: Именка, машки род
Тој што често кашла; тој што боледува од кашлица.

квадрат повеќе

мн. квадрати
Вид збор: Именка, машки род
Квадратен метар како единица мерка за површина.
Англиски: square meter Албански: metër katror
Примери:
Купи стан од сто квадрати.

квакне повеќе

Види и: квака (несв.)
квакнат
Вид збор: Глагол, свршен
Седне, се заседне.
Албански: ulet, mbetet ulët
Примери:
Дојде и се квакна на столот.
Изнемошти од старост, физички пропадне.
Албански: mbetet, i lodhur
Примери:
Квакна под тежината на годините.
Слично со: малакса (св.)

квачи повеќе

квачат
Вид збор: Глагол, несвршен
денгуби
Англиски: waste time Албански: klloçit
Примери:
Тој уште квачи, а јас работам.
Предолго работи некоја работа што објективно може да се заврши за покусо време.
Англиски: brood Албански: klloçit

квачило повеќе

мн. квачила
Вид збор: Именка, среден род
Дел од преносниот механизам со кој се активираат тркалата кај моторните возила.
Англиски: clutch
Слично со: куплунг (м.)

квачка повеќе

мн. квачки
Вид збор: Именка, женски род
Соѕвездието Плејада; најсјајната ѕвезда во тоа соѕвездие.
Албански: ylli më i ndritshëm në plejadë
Примери:
Квачката е излезена, а Деницата тукушто се јавила.

квитанција повеќе

мн. квитанции
Вид збор: Именка, женски род
Потврда издадена и примена за внесени пари или други вредности.
Англиски: receipt Германски: Quittung Албански: kuitancë, faturë
Слично со: признаница (ж.)

квичи повеќе

квичат
Вид збор: Глагол, несвршен
Испушта карактеристични звуци на квичење.
Англиски: squeak Албански: gërvin
Примери:
Тој само квичи cо гајдата и сосем по танец оди.

кенка повеќе

кенкаат
Вид збор: Глагол, несвршен
Плаче испрекинато со слаб, болезлив глас.
Англиски: whine
Примери:
Детето кенкаше и бараше да му се купи играчката.

кенкало повеќе

мн. кенкала
Вид збор: Именка, машки род
Лице што постојано, често кенка, плаче без причина.
Англиски: grumbler
Примери:
Не биди таков кенкало!

кец повеќе

мн. кецови
Вид збор: Именка, машки род
Најјака карта во многу игри со карти, обележана со еден знак.
Англиски: ace Албански: as
Слично со: ас (м.)
Најслаба оценка во училиште, единица, недоволен.
Албански: njëshe

кибар повеќе

Вид збор: Придавка
Што е отмен, елегантен, уреден, педантен; што е достоинствен, горд.
Англиски: elegant Турски: kibar
Примери:
Кај е за него оваа куќа домаќинска и вакво кибар девојче.
Слично со: достоинствен (прид.) , горд (прид.) , педантен (прид.) , уреден (прид.) , елегантен (прид.) , отмен (прид.)

кибарски повеќе

кибарскиот
Вид збор: Придавка
Што се однеcува на кибар.
Англиски: elegant

кибицер повеќе

мн. кибицери
Вид збор: Именка, машки род
Љубопитен набљудувач на игри со карти, шах, спортски игри и сл.
Германски: Kibitz
Примери:
Таму се играше шах, кибицерите ги поклопуваа играчите.
Слично со: сеирџија (м.)

кибицира повеќе

кибицираат
Вид збор: Глагол, несвршен
Љубопитно набљудува игри со карти, шах, спортски игри и сл.
Англиски: kibitz Германски: kiebitzen Албански: bën me sy
Примери:
Тој можеше да ги кибицира твоите карти.
Набљудува, гледа со интерес и уживање воопшто.
Англиски: watch Албански: vëzhgoj
Примери:
Момчето од соседната маса упорно ја кибицираше.
(се кибицира) Се гледаат еден со друг, кокетираат.
Англиски: flirt Албански: koketoj, flirtoj
Примери:
Тие двајца веќе долго време се кибицираат.

кибритчија повеќе

Види и: кибрит (м.)
мн. кибритчии
Вид збор: Именка, машки род
Измамник којшто ги наведува луѓето да играат со кибритчиња и им ги краде парите на обложувачите.
Англиски: swindler

кидне повеќе

киднат
Вид збор: Глагол, свршен
избега, исчезне
Англиски: disappear
Примери:
Тој кидна од наставата.
Слично со: избега (св.)

кијамет повеќе

(едн.)
Вид збор: Именка, машки род
лошо време, невреме
Англиски: mess Турски: kıyamet
Примери:
Кај се шеташ низ чаршија по овој кијамет.
Слично со: невреме (ср.)

кикс повеќе

мн. киксови
Вид збор: Именка, машки род
грешка
Англиски: mistake Албански: kiks, gabim
Примери:
На сцената се случија неколку киксови од страна на водителот.
Слично со: грешка (ж.)
Погрешен удар со топка во фудбал и други спортски игри.
Албански: kiks, gabim
Погрешно фатен тон при пеење.
Англиски: false tone Албански: ton i gabuar, kiks

киксира повеќе

киксираат
Вид збор: Глагол, свршен и несвршен
Направи, прави кикс.
Англиски: fail
Слично со: згреши (св.)

килажа повеќе

(едн.) килажата
Вид збор: Именка, женски род
Тежина во килограми.
Англиски: weight
Примери:
Смали килажа.

кило повеќе

мн. кила
Вид збор: Именка, среден род
килограм
Англиски: kilo Албански: kilogram
Примери:
На пазар купи три кила круши.
Мерка за течност.
Англиски: liter Албански: kilo, litër
Примери:
Испивме кило ракија.
Слично со: литар (м.)

кимка повеќе

мн. кимки
Вид збор: Именка, женски род
Желба, намера за одмазда некому; желба да се напакости.
Англиски: caprice
Примери:
Имам кимка на него.
Слично со: каприц (м.)

кине повеќе

кинат
Вид збор: Глагол, несвршен
(се кине) Премногу се труди околу некого или нешто, премногу работи.
Англиски: toil Албански: këputem, rraskapitem
Примери:
Секој ден се кинам од работа, а никој не ми верува.

кинис повеќе

(едн.) кинисот
Вид збор: Именка, машки род
тргнување, поаѓање
Англиски: departure
Слично со: тргнување (ср.) , поаѓање (ср.)

киниса повеќе

кинисаат
Вид збор: Глагол, свршен
Почне да оди, да се движи.
Англиски: depart
Примери:
Брзо киниса кон својата одаја.
Слично со: појде (св.) , тргне (св.)

кир повеќе

(едн.)
Вид збор: Именка, женски род
Напластена нечистотија по кожата на телото или на облеката.
Англиски: dirt Турски: kir
Примери:
Во скутот држеше стара, измастена и поцрнета од кир капа.

кирлив повеќе

кирливиот
Вид збор: Придавка
Што е нечист, валкан.
Англиски: dirty
Примери:
кирлива чалма
Слично со: валкан (прид.)

кирлиса повеќе

кирлисаат
Вид збор: Глагол, свршен
извалка, измачка
Англиски: pollute Турски: kirletmek Албански: njollos, përlyej
Слично со: измачка (св.) , извалка (св.)

кисне повеќе

киснат
Вид збор: Глагол, несвршен
Престојува некаде подолго време без работа.
Англиски: waste time Албански: ngec
Примери:
Овие наши калфи по цел ден кај тебе киснат, наместо работа да гледаат на дуќан.
Слично со: безделничи (несв.)

китаб повеќе

(едн.) китабот
Вид збор: Именка, машки род
Книга општо.
Англиски: book Турски: kitap Албански: qitap, libër
Примери:
Китабот ќе каже како треба да биде.

кичерај повеќе

(едн.)
Вид збор: Именка, машки род
Постапка, производ што претставува кич.
Англиски: hokum Германски: Kitscherei Албански: kiç, art pa vlerë
Премногу кич, опкруженост со кич.
Англиски: trumpery Германски: Kitscherei Албански: art i pavlerë, kiç

кланица повеќе

мн. кланици
Вид збор: Именка, женски род
Добиток што се чува за колење.
Англиски: meat stock Албански: bagëti për therje

клапне повеќе

клапнат
Вид збор: Глагол, свршен
Падне, напласти, се задржи долго, заседне на подолго време.
Англиски: fall Албански: bie, rrëzohem
Примери:
Клапнал снегот, ги покрил селските куќички, дрвјата и не станал.
Слично со: падне (св.)
(се клапне) Се заседне, губи време без работа.
Англиски: waste time Албански: bie, shtrij
Примери:
Што си се клапнал овде, немаш ли некоја работа?

клекуш повеќе

мн. клекушовци
Вид збор: Именка, машки род
клечо
Англиски: weakling Албански: njeri i dobët moralisht dhe shpirtërisht
Неуреден, распашан човек.
Англиски: hobo Албански: njeri jo i rregulluar

кленца повеќе

кленцаат
Вид збор: Глагол, несвршен
Се ниша ваму-таму, се клати при одот, се гега.
Англиски: sway

клечка повеќе

мн. клечки
Вид збор: Именка, женски род
Многу слаб човек.
Англиски: stick Албански: thupër
Примери:
Си станал клечка.

клечо повеќе

мн. клечовци
Вид збор: Именка, машки род
Физички, духовно или морално слаб човек.
Англиски: weakling Албански: njeri i dobët moralisht dhe shpirtërisht

клешти повеќе

(се) клештат
Вид збор: Глагол, несвршен
Се смее силно, гласно; прави гримаси.
Англиски: grin
Примери:
Не клешти се како печен, што има смешно во тоа.
Слично со: цери (несв.)

клин повеќе

мн. клинови
Вид збор: Именка, машки род
Народен назив за болки во долниот дел на стомакот кај детето.
Англиски: abdominal pain Албански: dhimbje barku
Примери:
Децата страдаа од клинови.

клинец повеќе

мн. клинци
Вид збор: Именка, машки род
дете
Англиски: child Албански: fëmij
Примери:
Не се дружам со клинци.

клопа повеќе

клопаат
Вид збор: Глагол, несвршен
Лакомо јаде, лапа.
Англиски: gulp Албански: glënjkë, gëlltis
Примери:
Јас и моите деца клопаме матеница.

клука повеќе

клукаат
Вид збор: Глагол, несвршен
Постојано тера некого на сила да јаде, да пие нешто.
Англиски: feed Албански: ushqej
Примери:
Секој ден го клука со витамини.
Слично со: храни (несв.)

клун повеќе

мн. клунови
Вид збор: Именка, машки род
уста
Англиски: mouth Албански: gojë
Примери:
Цел ден не сум јаден, морам да ставам нешто во клунот.

кљакуш повеќе

мн. кљакуши
Вид збор: Именка, машки род
дрдорко
Англиски: blabber
Слично со: дрдорко (м.)

кљанка повеќе

кљанкаат
Вид збор: Глагол, несвршен
Зборува бесмислици, постојано дрдори; губи време во дрдорење.
Англиски: blab
Слично со: дрдори (несв.)

кљанкач повеќе

мн. кљанкачи
Вид збор: Именка, машки род
дрдорко
Англиски: blabber

кмека повеќе

кмекаат
Вид збор: Глагол, несвршен
Испушта тенок и пискав глас.
Албански: piskëllon
Примери:
Не туку кмекај!

кмекало повеќе

мн. кмекала
Вид збор: Именка, среден род
Тој што често кмека.

кмиши повеќе

кмишат
Вид збор: Глагол, несвршен
Престојува некаде подолго време без работа, безделничи.
Англиски: waste time
Примери:
Ќе кмиши овдека сѐ дури не тргне неговиот воз.
Слично со: безделничи (несв.) , кисне (несв.)

книга повеќе

мн. книги
Вид збор: Именка, женски род
писмо
Англиски: letter Албански: letër
Примери:
Долго време чекам книга од него.
Слично со: писмо (ср.)
учење, писменост, знаење
Англиски: knowledge Албански: njohuri
Примери:
Tој учел книга во Цариград.
Слично со: писменост (ж.) , учење (ср.)

кобила повеќе

мн. кобили
Вид збор: Именка, женски род
Груба, несмасна или вулгарна жена.
Албански: pelë, grua brutale

кодош повеќе

мн. кодоши
Вид збор: Именка, машки род
клеветник, поткажувач
Англиски: slanderer Турски: godoş Албански: kodosh, spiun
Примери:
Кодошите го наклеветиле пред старешината.
Слично со: клеветник (м.) , поткажувач (м.)

кодоши повеќе

кодошат
Вид збор: Глагол, несвршен
клевети, поткажува
Англиски: slander Албански: përgojon, spiunon
Примери:
Постојано ги кодошеше кај наставниците.
Посредува при женидба или мажачка.
Англиски: go between Албански: bën mësitni, ndërmjetëson

кокона повеќе

мн. кокони
Вид збор: Именка, женски род
Дотерана, нагиздена жена, госпоѓа.
Англиски: cocotte Албански: kokonë
Примери:
Ја видовте ли што кокона е!
Слично со: шмизла (ж.) , гиздавица (ж.)

кокорачко повеќе

мн. кокорачковци
Вид збор: Именка, машки род
Оџарен човек, човек со ококорени очи.
Албански: i zgurdhulluar
Надуен, дрзок човек.
Албански: njeri i vrazhdë

кокошарник повеќе

мн. кокошарници
Вид збор: Именка, машки род
мала, тесна куќа
Англиски: shed Албански: kotec, shpi e vogël
Примери:
Како ќе живеат во овој кокошарник?

коктел повеќе

мн. коктели
Вид збор: Именка, машки род
Мешавина од многу нешта.
Англиски: mixture Албански: koktej, përzierje
Примери:
Ништо не се разбира во овој коктел од разни јазици и наречја.
Слично со: мешавина (ж.)

кола повеќе

мн. коли
Вид збор: Именка, женски род
Моторно превозно средство cо четири тркала.
Англиски: car Албански: makinë, veturë
Примери:
Си купи нова кола.
Слично со: автомобил (м.)
Назив како замена за полниот назив на освежителните пијалаци.
Англиски: coke Албански: koka kolë
Примери:
Кока-кола

колаен повеќе

колајниот
Вид збор: Придавка
Што е лесен, без тешкотии.
Англиски: easy Турски: kolay
Примери:
Колајна работа.

колај повеќе

Вид збор: Придавка
Што е лесен, што е без тешкотии.
Англиски: easy Турски: kolay
Примери:
Колај живот.
Слично со: лесен (прид.)

коле повеќе

колат
Вид збор: Глагол, несвршен
За бостан - сече.
Англиски: cut Албански: pres
Примери:
Секој ден колеа по една лубеница.

колет повеќе

мн. колети
Вид збор: Именка, машки род
Добро спакуван пакет cо нешто што се испраќа по пошта.
Англиски: packet
Примери:
Катаден пристигаа пари, писма, колети од гурбет.

колиба повеќе

мн. колиби
Вид збор: Именка, женски род
Мало бедно живеалиште.
Англиски: shack Албански: klasollë
Примери:
На сред село, покрај големите куќи стоеше колибата на еден сиромав.

колку повеќе

Вид збор: Сврзник
Во зависносложена реченица како дел од зависната за да cе навести целта за извршувањето или за неизвршувањето на дејството, создавајќи причинско-последичен однос меѓу дејствата во дел-речениците.
Англиски: so that
Примери:
Дојди до мене колку да не види народот заедно.

колник повеќе

Види и: коловоз (м.)
мн. колници
Вид збор: Именка, машки род
коловоз
Англиски: road

колобан повеќе

мн. колобани
Вид збор: Именка, машки род
Крупен, многу висок човек.
Албански: njeri i madh
Тој што е мрзливец.
Англиски: idler Албански: përtac
Примери:
Околу билјардот се собираа само колобани.

кома повеќе

(едн.)
Вид збор: Именка, женски род
(само едн.) Запирка, обично во децимални броеви.
Англиски: comma Албански: presje
Примери:
Еден кома пет килограми.
Слично со: запирка (ж.)

комај повеќе

Вид збор: Прилог
речиси
Англиски: almost
Примери:
Комај време е за ручек.
Слично со: речиси (прил.)

командува повеќе

командуваат
Вид збор: Глагол, несвршен
Наредува, заповеда некого.
Англиски: command Албански: komandoj
Примери:
Во бракот едниот командува, другиот слуша.

комарџија повеќе

мн. комарџии
Вид збор: Именка, машки род
Тој што се коцка.
Англиски: gambler
Примери:
Комарџиите осамнуваа по масите, тркалајќи ги зарчињата.
Слично со: коцкар (м.)

комарџилница повеќе

мн. комарџилници
Вид збор: Именка, женски род
Место, просторија што cе користи за коцкање.
Примери:
Вие не ја гледате вистинската опасност - комарџилниците.
Слично со: коцкарница (ж.)

комарџиски повеќе

Види и: комарџија (м.)
комарџискиот
Вид збор: Придавка
Што е во врска со комарџија.
Примери:
Комарџиска страст.

коматар повеќе

мн. коматари
Вид збор: Именка, машки род
Човек што многу јаде, изеслив човек.
Албански: njeri që han shumë
Примери:
Овој коматаров цела фурна изеде.
Човек што чека се на готово, друг да му ги заврши работите.
Албански: hazërxhi
Примери:
Прав коматар, по цел ден спие.
Слично со: готован (м.)

комбинатор повеќе

мн. комбинатори
Вид збор: Именка, машки род
Тој што е склон кон правење комбинации, сплетки, местења заради постигање некоја цел.
Англиски: manipulator Албански: manipulator
Слично со: манипулатор (м.)

комбинаторика повеќе

мн. комбинаторики
Вид збор: Именка, женски род
Правење разни комбинации како кому одговара за да се постигне некоја цел според желбите и потребите на тој што ги прави.
Англиски: manipulation Албански: manipulim
Примери:
Изборна комбинаторика.

комбинезон повеќе

мн. комбинезони
Вид збор: Именка, машки род
комбине
Албански: kombinezon
Слично со: комбине (ср.)

комендија повеќе

Види и: комедија (ж.)
мн. комендии
Вид збор: Именка, женски род
смешна случка, шега
Англиски: comedy
Примери:
Комендијата се сврши.
Слично со: шега (ж.)

коментарисува повеќе

Види и: коментира (св. и несв.)
коментарисуваат
Вид збор: Глагол, несвршен
коментира
Англиски: comment

комерција повеќе

(едн.)
Вид збор: Именка, женски род
трговија
Англиски: commerce Албански: tergëti
Примери:
Работи во комерција.

комерцијалец повеќе

мн. комерцијалци
Вид збор: Именка, машки род
Специјалист за трговски работи.
Англиски: dealer Албански: komercialist, tergëtar
Слично со: комерцијалист (м.)

комита повеќе

мн. комити
Вид збор: Именка, машки род
бунтовен човек
Англиски: rebel Турски: komita Албански: rebel
Примери:
Гледај го, цел комита е.

комитаџија повеќе

Види и: комита (м.)
мн. комитаџии
Вид збор: Именка, женски род
комита
Англиски: rebel Турски: komitacı

комитаџилак повеќе

Види и: комитство (ср.)
(едн.) комитаџилакот
Вид збор: Именка, машки род
комитство

комитетлија повеќе

мн. комитетлии
Вид збор: Именка, машки род
член на комитет
Примери:
Им ласка да бидат комитетлии.

комитува повеќе

комитуваат
Вид збор: Глагол, несвршен
Дејствува како комита, е комита.
Примери:
Тргна да комитува.

комичар повеќе

мн. комичари
Вид збор: Именка, машки род
Лице што умее да ги засмева и да ги забавува другите.
Англиски: comedian Албански: komedian
Слично со: шегаџија (м.)

компанија повеќе

мн. компании
Вид збор: Именка, женски род
Група луѓе што заедно го поминуваат времето или cе меѓусебно поврзани.
Англиски: company Албански: shoqëri
Примери:
Јас со компанијата свирев по свадби.
Слично со: друштво (ср.)

компир повеќе

мн. компири
Вид збор: Именка, машки род
Подземен орган на растение, најчесто украсно што личи на компир, што има форма на компир.
Англиски: bulb Албански: zhardhok
Слично со: кртола (ж.)
Прст од ногата што излегува од скинат чорап.
Англиски: toe Албански: kompir, gisht këmbe
Најслаба оценка на/за нешто.
Албански: kompir, zero
Примери:
Доби компир.

компирџија повеќе

мн. компирџии
Вид збор: Именка, машки род
Тој што е љубител на компири.
Примери:
Тој е невиден компирџија.

компјутерџија повеќе

мн. компјутерџии
Вид збор: Именка, машки род
Специјалист за компјутери и за работа со компјутери.
Албански: kompjuterxhi

комшија повеќе

мн. комшии
Вид збор: Именка, машки род
сосед
Англиски: neighbor Турски: komşu Албански: fqi, komshi
Примери:
Добри комшии си муабетат преку плот.
Слично со: сосед (м.)

комшика повеќе

мн. комшики
Вид збор: Именка, женски род
сосетка
Англиски: neighbour
Примери:
Кај комшиката сум на кафе.
Слично со: сосетка (ж.)

комшилак повеќе

мн. комшилаци
Вид збор: Именка, машки род
соседство
Англиски: neighbourhood
Примери:
Ги слушаме децата од комшилакот.
Слично со: соседство (ср.)

комшиски повеќе

комшискиот
Вид збор: Придавка
Што се однеcува на комшии.
Англиски: neighbouring
Примери:
комшиска мачка
Слично со: соседски (прид.)

комшиство повеќе

мн. комшиства
Вид збор: Именка, среден род
соседство
Англиски: neighbourhood
Слично со: соседство (ср.)

кондура повеќе

мн. кондури
Вид збор: Именка, женски род
чевел
Англиски: shoe Турски: kundura
Слично со: чевел (м.)

кондураџија повеќе

мн. кондураџии
Вид збор: Именка, машки род
чевлар
Англиски: shoemaker Турски: kunduracı
Слично со: чевлар (м.)

кондураџилак повеќе

Вид збор: Именка, машки род
чевларство

конзола повеќе

мн. конзоли
Вид збор: Именка, женски род
Балкон издаден од ѕидот, без потпора.
Англиски: balcony Албански: konsol

конјунктура повеќе

мн. конјунктури
Вид збор: Именка, женски род
Стек на погодни околности, добра можност за успех.
Англиски: boom Германски: Konjunktur Албански: konjuktur
Примери:
Политичка конјунктура.

констелација повеќе

мн. констелации
Вид збор: Именка, женски род
Стек на околности, меѓусебен однос.
Англиски: constellation Албански: konstellacion, raport i ndërsjell
Слично со: состојба (ж.)

конте повеќе

мн. контиња
Вид збор: Именка, среден род
Лице што многу сака да cе конти, да cе гизди.
Англиски: dandy Албански: pispilluq
Примери:
Се занесува ова разгалено, напрчено конте.
Слично со: денди (ср.)

конти повеќе

контат
Вид збор: Глагол, несвршен
гизди, дотерува
Англиски: adorn Албански: stolis
Примери:
Да ја наконтиме невестава за свадбата.
Слично со: гизди (несв.)

контра повеќе

(едн.)
Вид збор: Именка, женски род
Направа за сопирање велосипед.
Англиски: brake
Примери:
Контрата не ти работи, биди внимателен.
Слично со: сопирачка (ж.) , кочница (ж.)

контраш повеќе

мн. контраши
Вид збор: Именка, машки род
контрачетник
Албански: pjestar i kontraçetës
Лице што постојано се спротивставува на сѐ и сешто, кој е секогаш против.
Албански: kontrash

конуштиса повеќе

(се) конуштисаат
Вид збор: Глагол, свршен
Се запознае со некого.
Англиски: acquaint Турски: konuşmak Албански: njoh
Примери:
На туѓина се конуштисал со него.
Се состане, се виде, разговара со некого.
Англиски: talk Турски: konuşmak Албански: zakohet, shihet
Примери:
Се сретнале и се конуштисале за свадбата.

конферира повеќе

конферираат
Вид збор: Глагол, свршен и несвршен
Одржи, држи конференција, заседава, се советува.
Англиски: confer
Примери:
Министерот конферира со синдикатот.

коњ повеќе

мн. коњи
Вид збор: Именка, машки род
Тој што работи нешто лошо, што се однесува грубо, несмасно.
Англиски: clod Албански: kalë
Примери:
Полека, коњу еден.
Слично со: глупак (м.)

коњак повеќе

мн. коњаци
Вид збор: Именка, машки род
Секој таков пијалак без оглед на потеклото.
Англиски: cognac Француски: cognac Албански: konjak

коњска опашка повеќе

(едн.)
Вид збор: Сложенка
Вид фризура кај жената.
Англиски: ponytail
Примери:
Косата врзана во коњска опашка може да ја дефинираме како вечно актуелен класичен модел.

коњски повеќе

коњскиот
Вид збор: Придавка
Што се однесува на коњска сила - практична единица за мерење моќност која не спаѓа во меѓународниот систем на мерни единици.
Англиски: horse power Албански: kalëfuqi
Примери:
Автомобилот има 120 коњски сили.

кооперација повеќе

мн. кооперации
Вид збор: Именка, женски род
селска продавница
Англиски: shop Албански: koperativë
Примери:
Се качуваа горе кај онаа стара кооперација, државната селска продавница, за да купат наполитанки.
Вид: продавница (ж.)

копија повеќе

мн. копии
Вид збор: Именка, женски род
Сличност со некој друг.
Англиски: copy Албански: kopje
Примери:
Детево е копија на дедо си.

кордела повеќе

мн. кордели
Вид збор: Именка, женски род
Украсна лента.
Англиски: ribbon
Примери:
Во косата носеше кордела.
Слично со: панделка (ж.)

корка повеќе

коркаат
Вид збор: Глагол, несвршен
стравува, се плаши
Англиски: korkmak
Примери:
Му корка!

коркач повеќе

Види и: коркар (м.)
мн. коркачи
Вид збор: Именка, машки род
Тој што е плашлив.
Англиски: scaredy cat Турски: korkak
Примери:
Брат ми никогаш не бил коркач.
Слично со: страшливец (м.) , плашливец (м.)
Спротивно од: јунак (м.)

короман повеќе

мн. коромани
Вид збор: Именка, машки род
Големо парче леб.
Англиски: bread
Примери:
Куќата да има короман и спокојство.

короса повеќе

коросаат
Вид збор: Глагол, свршен
Фати кора, се здрви по површината.
Англиски: encrust
Примери:
Мразови му ја коросаа снагата.

коросан повеќе

коросаниот
Вид збор: Придавка
Што е тврд како корка.
Англиски: encrusted
Примери:
Коросани раце.

корпа повеќе

мн. корпи
Вид збор: Именка, женски род
Одбивање на љубовна понуда.
Англиски: rejection Албански: korpë, mospranim
Примери:
Доби корпа од девојката.

коска повеќе

мн. коски
Вид збор: Именка, женски род
(само мн.) Тоа што останало од некого; посмртни останки.
Англиски: remains Албански: eshtra
Примери:
Ги закопа коските на јунаците.

коскарница повеќе

мн. коскарници
Вид збор: Именка, женски род
костурница
Англиски: ossuary

костур повеќе

мн. костури
Вид збор: Именка, машки род
Многу слаб човек.
Англиски: skeleton Албански: skelet
Примери:
Костур се стори од болеста.
Слично со: мрцина (ж.)

котлоса повеќе

котлосаат
Вид збор: Глагол, свршен
Одбие некого, понижи.
Англиски: reject
Слично со: одбие (св.)

коцка повеќе

мн. коцки
Вид збор: Именка, женски род
квадрат
Англиски: square Албански: katror
Примери:
тетратка со коцки

коцкарлак повеќе

(едн.)
Вид збор: Именка, машки род
коцкање
Англиски: gambling

кочан повеќе

мн. кочани
Вид збор: Именка, машки род
Определба за многу студено време.
Турски: koçan Албански: akull ftohtë
Примери:
Надвор е кочан.

кочи повеќе

кочат
Вид збор: Глагол, несвршен
Забавува, подзапира, сопира движење на нешто со кочница.
Англиски: brake
Примери:
Кочи со тракторот по долницата.
Слично со: сопира (несв.)
Сопира развој на нешто; задржува, спречува.
Англиски: inhibit
Примери:
Конфликтите ги кочат нормалните животни активности.
Слично со: спречува (несв.)
(се кочи) Станува вкочанет; се стврднува губејќи ја подвижноста.
Англиски: stiffen
Примери:
Му се кочи погледот.
Слично со: вкочани (св.)

кочница повеќе

мн. кочници
Вид збор: Именка, женски род
Направа за подзапирање или за сопирање на движењето.
Англиски: brake Албански: fren
Примери:
Рачна кочница.
Слично со: сопирачка (ж.)
Пречка во развојот на нешто.
Англиски: obstacle Албански: pengesë
Примери:
Беше кочница во нејзината кариера.

кочничар повеќе

мн. кочничари
Вид збор: Именка, машки род
Тој што кочи со кочница.
Англиски: brakeman Албански: frenues
Примери:
Работи како кочничар на возовите.
Тој што го спречува развојот на нешто.
Англиски: rummer Албански: frenues, pengues
Примери:
Тие се кочничари на новиот поредок.

коџа повеќе

Види и: коџамити (прил.)
Вид збор: Прилог
коџамити

коџамити повеќе

Вид збор: Прилог
Многу, доволно, во голема мера.
Англиски: considerable Турски: koca
Примери:
Беше коџамити голема во снагата.
Слично со: прилично (прил.)

кошне повеќе

кошнат
Вид збор: Глагол, свршен
(се кошне) Се нафрли на некого.
Албански: vërsulem

кошта повеќе

коштаат
Вид збор: Глагол, несвршен
Чини, има одредена цена.
Англиски: cost Германски: kosten
Примери:
Колку кошта компирот?
Слично со: чини (несв.)

крава повеќе

мн. крави
Вид збор: Именка, женски род
Крупна, трома жена.
Англиски: cow Албански: lopë, grua e plogët

крадло повеќе

Види и: крадец (м.)
мн. крадловци
Вид збор: Именка, машки род
крадец
Англиски: thief
Примери:
Cо прст покажуваа на овој крадло.

кракле повеќе

мн. краклиња
Вид збор: Именка, среден род
Тој што има долги нозе.
Примери:
Што гледа во тоа кракле?

краклест повеќе

краклестиот
Вид збор: Придавка
Што е со долги нозе.
Примери:
краклест човек

краса повеќе

мн. краси
Вид збор: Именка, женски род
Поради суеверие - име за змија.
Англиски: snake
Примери:
Го касна краса.
Слично со: змија (ж.)

креативец повеќе

мн. креативци
Вид збор: Именка, машки род
креативна личност
Англиски: creative person
Примери:
Скопје видено низ очите на една нова генерација креативци.

крекалица повеќе

мн. крекалици
Вид збор: Именка, женски род
Жена што многу зборува, брборка.
Англиски: blabber Албански: grua llafazane
Примери:
Комшивката крекалица уста не затвора.
Слично со: брборка (ж.)

крекла повеќе

Види и: крекалица (ж.)
мн. крекли
Вид збор: Именка, женски род
крекалица

крекло повеќе

мн. крекловци
Вид збор: Именка, машки род
Тој што многу зборува.
Англиски: blabber
Примери:
Се омажила за крекло.
Слично со: брборко (м.)

кречетало повеќе

мн. кречетала
Вид збор: Именка, среден род
Тој што многу зборува.
Англиски: chatterbox Албански: fjalaman, llafazan
Примери:
Чаршиски кречетала.
Слично со: брборко (м.)

криминален повеќе

криминалниот
Вид збор: Придавка
Што е со криминалистичка содржина.
Англиски: crime Албански: kriminalistik
Примери:
криминален роман
Слично со: криминалистички (прид.)

критика повеќе

мн. критики
Вид збор: Именка, женски род
Негативен став кон нешто.
Англиски: criticism Албански: kritikë
Примери:
Тој доживува само критики.
Слично со: прекор (м.) , приговор (м.)

критикува повеќе

критикуваат
Вид збор: Глагол, несвршен
Вербално нападне, осуди, изрази негативен одноc кон некого или нешто.
Англиски: criticize Албански: kritikoj
Примери:
Тој ги критикува сите.

крка повеќе

кркаат
Вид збор: Глагол, несвршен
Јаде неумерено, лакомо.
Англиски: stuff Албански: rras
Примери:
Кркал cо голем апетит.

кркало повеќе

Види и: крка (несв.)
мн. кркала
Вид збор: Именка, среден род
јадење, храна
Англиски: eating
Примери:
Таму ќе има добро кркало.

кркач повеќе

мн. кркачи
Вид збор: Именка, машки род
Тој што јаде неумерено, лакомо.
Англиски: glutton Албански: hamës
Примери:
Голем кркач е тој, не пребира храна.

кркне повеќе

кркнат
Вид збор: Глагол, свршен
Изеде или испие нешто набрзина.
Англиски: eat Албански: ha me ngutje
Примери:
Ајде сега кркни ја салатата.
Каже, проговори, отвори уста.
Англиски: say Албански: flas, çel gojën
Примери:
Ниеден од селаните не смее да кркне од него.

крлави повеќе

(се) крлават
Вид збор: Глагол, несвршен
заздравува, закрепнува
Англиски: strengthen
Слично со: закрепнува (несв.)

крмнак повеќе

мн. крмнаци
Вид збор: Именка, машки род
Човек со лоши, ниски, валкани склоности.
Англиски: pig Албански: njeri derr, thi
Примери:
Живее како крмнак.

крнтија повеќе

мн. крнтии
Вид збор: Именка, женски род
Дотрајан предмет од долга употреба.
Англиски: junk Турски: kırıntı
Слично со: старудија (ж.)

крсти повеќе

крстат
Вид збор: Глагол, свршен и несвршен
Даде име, именува.
Англиски: name Албански: emëroj
Примери:
Откако го крсти својот коњ, се прекрсти.
Слично со: именува (св. и несв.)
Тури, тура вода во течност (вино, млеко).
Англиски: dilute Албански: holloj
Примери:
Дедо, си го крстил виново.
Слично со: разводни (св.)

кртешница повеќе

мн. кртешници
Вид збор: Именка, женски род
митралез
Англиски: machine gun Албански: mitraloz

кршка повеќе

кршкаат
Вид збор: Глагол, несвршен
Не е верен, изневерува.
Англиски: cheat Албански: lakoj, mashtroj
Примери:
Тој многу кршка во последно време.

кубелија повеќе

Вид збор: Придавка
(немен. по род) Што има облик на кубе; што личи на кубе.

кувет повеќе

(едн.) куветот
Вид збор: Именка, машки род
сила, способност
Англиски: power Турски: kuvvet
Примери:
Пивнав малку за кувет!
Слично со: сила (ж.)

куветлија повеќе

мн. куветлии
Вид збор: Придавка
(немен. по род) Што е силен, јак.
Англиски: strong Турски: kuvvetli
Примери:
Тој е куветлија.
Слично со: силен (прид.)

кујна повеќе

мн. кујни
Вид збор: Именка, женски род
Подготвување, меcтење нешто во затворен круг, изведување некаква измама.
Англиски: kitchen Албански: kuzhinë
Примери:
Тоа е испланирано во некоја кујна.

кукурек повеќе

мн. кукуреци
Вид збор: Именка, машки род
Витален здрав човек.
Албански: kukurek, njeri vital

култен повеќе

култниот
Вид збор: Придавка
Што е многу познат, широко прифатен во јавноста.
Англиски: cultic
Примери:
култна песна

кум повеќе

мн. кумови
Вид збор: Именка, машки род
Главен, шеф на мафијата.
Англиски: boss Албански: bos
Примери:
Тој е кум на мафијата.
Слично со: шеф (м.)

куплерај повеќе

мн. куплераи
Вид збор: Именка, машки род
јавна куќа
Англиски: brothel Германски: Kuppelei Албански: kuoleraj, shtëpi publike
Слично со: бордел (м.)
неморал, разврат
Англиски: prostitution Албански: amoral, prostitucion

курварница повеќе

мн. курварници
Вид збор: Именка, женски род
Јавна куќа, бордел.
Англиски: brothel
Примери:
Откако се ожени, не стапна во курварници.
Слично со: бордел (м.)

курдиса повеќе

курдисаат
Вид збор: Глагол, свршен
намести, постави
Англиски: set up Турски: kurmak Албански: kurdis
Примери:
Курдиса да пладнува.
Слично со: постави (св.)
навие, дотера
Англиски: wind up Албански: kurdis
Примери:
Го курдиса часовникот.
Слично со: навие (св.)
организира, наговори
Англиски: persuade Албански: organizoj, bind
Примери:
Да не ги курдиса против мене?
Слично со: организира (св. и несв.)
(се курдиса) се намести, се расположи
Англиски: settle Албански: kurdisem, vendosem
Примери:
Се курдиса под сенките.
Слично со: намести (св.)

курназ повеќе

Види и: курназ (м.)
Вид збор: Придавка
итар, препреден
Англиски: sly Турски: kurnaz
Примери:
курназ жена
Слично со: итар (прид.)

курназ повеќе

мн. курнази
Вид збор: Именка, машки род
дрзок, надмен, надуен, итар човек
Англиски: smartass Турски: kurnaz
Примери:
Истрга курназот многу жито од селаните.

куртул повеќе

(едн.)
Вид збор: Именка, машки род
Спас, избавување, ослободување.
Англиски: rescue Турски: kurtuluş
Примери:
Нему куртул му немаше.
Слично со: спас (м.) , избавување (ср.) , ослободување (ср.)

куртули повеќе

куртулат
Вид збор: Глагол, свршен
Спаси, најде спас.
Англиски: rescue Турски: kurtulmak Албански: shpëtoj, kurtalis
Примери:
Ги куртули парите од пожарот.
Слично со: спаси (св.)

куртулиса повеќе

Види и: куртули (св.)
куртулисаат
Вид збор: Глагол, свршен
куртули
Англиски: save Турски: kurtulmak
Слично со: куртули (св.)

куртулувачка повеќе

Види и: куртул (м.)
Вид збор: Именка, женски род
куртул
Англиски: rescue Турски: kurtuluş

курчи повеќе

(се) курчат
Вид збор: Глагол, несвршен
Се прави важен, се чалами, се дува.
Англиски: show off
Примери:
Се курчи со новата кола.

куршумлија повеќе

мн. куршумлии
Вид збор: Придавка
(немен. по род) Покриен со олово, оловен.
Англиски: leaden
Примери:
кула куршумлија
Слично со: оловен (прид.)
(немен. по род) куршумен
Примери:
рана куршумлија

кусе повеќе

мн. кусиња
Вид збор: Именка, среден род
ждреб
Англиски: lot Албански: short
Примери:
Ќе влечеме кусе.
Слично со: ждреб (м.)

кусур повеќе

мн. кусури
Вид збор: Именка, машки род
Остаток од пари што треба да се вратат при плаќање.
Англиски: change Турски: küsur Албански: kusur
Примери:
Кусурот од парите не го враќаше дома.
Тоа што е над определена мера.
Англиски: over Албански: kusur
Примери:
Поминаа дваесет и кусур години.
мана, недостаток
Англиски: fault Турски: kusur Албански: zë për të madhe
Примери:
Снаата има триста кусури.
Слично со: недостаток (м.)

кусурлија повеќе

мн. кусурлии
Вид збор: Придавка
(немен. по род) Што има некаков недостаток, мана.
Англиски: flawed
Примери:
Иако кусурлија, повеќе работеше од другите.
Што лесно се навредува.
Англиски: offensive
Примери:
Овие кусурлииве триста маани ќе ти измислат.

кутинач повеќе

мн. кутиначи
Вид збор: Именка, машки род
Кај пушка, пиштол - чкрапец за пукање.
Англиски: trigger
Примери:
Го притисна кутиначот и пукна.

кутканица повеќе

мн. кутканици
Вид збор: Именка, женски род
борење
Англиски: wrestling
Слично со: борење (ср.)

кутон повеќе

мн. кутони
Вид збор: Именка, машки род
кондом, презерватив
Англиски: condom
Примери:
користени кутони

кутурица повеќе

Види и: ѓутуре (прил.)
Вид збор: Прилог
отприлика, одоко, топтан
Англиски: approximately
Слично со: отприлика (прил.)

куќа повеќе

мн. куќи
Вид збор: Именка, женски род
Тоа што служи како живеалиште.
Англиски: dwelling Албански: vendbanim
Примери:
кучешка куќа
Слично со: живеалиште (ср.)

куц повеќе

куциот
Вид збор: Придавка
(обично во членувана форма) Назив за ѓаволот.
Англиски: devil
Примери:
Куциот
а - б - в - г - д - ѓ - е - ж - з - ѕ - и - ј - к - л - љ - м - н - о - п - р - с - т - ќ - у - ф - х - ц - ч - џ - ш