Економија - категорија

железарија повеќе

мн. железарии
Вид збор: Именка, женски род
Предмети од железо.
Англиски: hardware store Албански: kinkaleri, shitore hekurnajash
Примери:
Дуќан со железарија.

железарница повеќе

мн. железарници
Вид збор: Именка, женски род
Топилница и леарница на железо.
Англиски: ironworks Албански: hekuranë
Примери:
Железарницата работеше со намален капацитет.
Продавница, дуќан каде што се продаваат железни предмети.
Англиски: hardware store Албански: shitore hekurnajash
Примери:
Во селската железарница имаше мотики, копачи и други алатки за селаните.

жирант повеќе

мн. жиранти
Вид збор: Именка, машки род
Лице што ја гарантира исплатата на меницата.
Англиски: guarantor Албански: garant
Примери:
Јас ја потпишав меницата како прв жирант.

жиро повеќе

Вид збор: Префикс
Прв дел од сложенки со значење: што се однесува на жиро, што е во врска со жиро.
Англиски: giro
Примери:
жиро-сметка, жиро-конто, жиро-налог

жиро повеќе

Вид збор: Именка, среден род
Писмен пренос на меница или на некое друго банкарско побарување од еден сопственик на друг.

житар повеќе

мн. житари
Вид збор: Именка, машки род
Трговец со жито.
Албански: drithëshitës
Примери:
Житарите евтино го купуваат житото, а го продаваат скапо.

житарница повеќе

мн. житарници
Вид збор: Именка, женски род
Пазар на кој се продава жито.
Примери:
Имавме отворено пекарница, но откако видовме дека нема ќар, отворивме житарница.

жолтица повеќе

Види и: жолтеница (ж.)
мн. жолтици
Вид збор: Именка, женски род
златна монета
Англиски: gold coin Албански: verdhushkë, monedhë ari
Примери:
На малечкото масиче до креветот истури цела рака жолтици.
а - б - в - г - д - ѓ - е - ж - з - и - ј - к - л - м - н - о - п - р - с - т - ќ - у - ф - х - ц - ч - џ - ш