Економија - категорија

обврзница повеќе

мн. обврзници
Вид збор: Именка, женски род
Паричен документ (хартија од вредност или инструмент за долг) издаден од држава, од претпријатие или од банка што носи постојан приход и го зголемува капиталот.
Англиски: bond Албански: letër me vlerë
Примери:
едногодишни обврзници

обврска повеќе

мн. обврски
Вид збор: Именка, женски род
долг
Англиски: debt Албански: borxh
Слично со: долг (м.) , борч (м.)

обесцени повеќе

обесценат
Вид збор: Глагол, свршен
За пари, вредносни хартии - направи да ја загуби цената, вредноста.
Англиски: devalue Албански: zhvleftësoj
Примери:
Пазарот ги обесцени акциите на фирмата.

обесштети повеќе

обесштетат
Вид збор: Глагол, свршен
Даде отштета за нанесена загуба, штета.
Англиски: compensate Албански: kompensoj
Примери:
Државата ќе ги обесштети лицата чии имоти беа поплавени.
Слично со: компензира (св. и несв.)

облигација повеќе

мн. облигации
Вид збор: Именка, женски род
Вредносна хартија, признаница или обврзница со која се потврдува постоењето на нечиј долг.
Англиски: bond Албански: letër me vlerë
Примери:
Од татко му наследи неколку облигации.

обработка повеќе

мн. обработки
Вид збор: Именка, женски род
Обработување на земја, вршење земјоделски работи, обликување, усовршување на суровински материјал.
Англиски: processing Албански: përpunim
Примери:
Обработка на почвата.

обрт повеќе

мн. обрти
Вид збор: Именка, машки род
Ставање во употреба, движење, циркулација, промет на пари, капитал и сл.
Англиски: turnover Албански: qarkullim
Примери:
Обрт на капитал.

обртен повеќе

Види и: обрт (м.)
обртниот
Вид збор: Придавка
Што се однесува на обрт.
Албански: qarkullimi
Примери:
обртен капитал

оданочи повеќе

оданочат
Вид збор: Глагол, свршен
Воведе данок, определи износ или висина на данок.
Англиски: tax Албански: tatoj, taksoj
Примери:
Владата го оданочи увозот на земјоделски производи.

оданочлив повеќе

Види и: оданочи (св.)
оданочливи
Вид збор: Придавка
Што може да се оданочи.
Англиски: taxable Албански: i tatueshëm
Примери:
Оданочливи производи.

одлучувач повеќе

мн. одлучувачи
Вид збор: Именка, машки род
Тој што одлучува.
Англиски: decision maker Албански: vendimmarrës
Примери:
Тој е главниот одлучувач во компанијата.

олигопол повеќе

мн. олигополи
Вид збор: Именка, машки род
Монопол од неколку големи компании.
Англиски: oligopoly
Примери:
Регулацијата на олигополите е вонредно комплексна и тешка задача.

опаковка повеќе

мн. опаковки
Вид збор: Именка, женски род
Пакување што го штити производот.
Англиски: packaging
Примери:
модерна опаковка
Слично со: пакување (ср.) , амбалажа (ж.)

операција повеќе

мн. операции
Вид збор: Именка, женски род
Финансиски дејствија поврзани со трговијата или банкарското работење; извршување некоја задача според определен план, договор, одлука.
Англиски: operation Албански: operacion
Примери:
финансиски операции
Слично со: извршување (ср.) , спроведување (ср.)

оптек повеќе

(едн.)
Вид збор: Именка, машки род
За пари - учество во употребата, во размената.
Англиски: circulation Албански: qarkullim
Примери:
Во катадневниот оптек се вртеле три монетарни единици.
Слично со: циркулација (ж.)

орочен повеќе

орочени
Вид збор: Придавка
Парични средства што може да се подигнат по одреден рок.
Англиски: time-phased Албански: depozituar
Примери:
Орочени средства.

орочи повеќе

орочат
Вид збор: Глагол, свршен
Паричен влог што спогодбено е даден на определен рок на чување во банка.
Албански: depozitoj
Примери:
Ги орочи средствата на три години.

ортак повеќе

мн. ортаци
Вид збор: Именка, машки род
Другар во некакава работа, деловен соработник.
Англиски: partner Турски: ortak Албански: ortak
Примери:
Тие некогаш биле ортаци, воделе дуќан заедно.
Слично со: партнер (м.)

ортаклак повеќе

Види и: ортак (м.)
(едн.) ортаклакот
Вид збор: Именка, машки род
Заедничко работење на две или повеќе лица, ортаци, работна, деловна заедница.
Англиски: partnership Турски: ortaklık Албански: ortakllëk
Примери:
Фатија ортаклак во трговија со жито.
Слично со: заедница (ж.)

ортаков повеќе

Види и: ортак (м.)
ортаковиот
Вид збор: Придавка
Што му припаѓа на ортакот.
Турски: ortak Албански: otrakut
Примери:
Ортаков дел.

ортакува повеќе

Види и: ортак (м.)
ортакуваат
Вид збор: Глагол, несвршен
Работи ортачки, со деловен партнер.
Англиски: join Турски: ortak
Примери:
Ортакуваа две години.

ортачи повеќе

Види и: ортакува (несв.)
ортачат
Вид збор: Глагол, несвршен
Станува ортак.
Англиски: join Турски: ortak
Примери:
Тој се ортачи со турските аги и бегови.

ортачки повеќе

Види и: ортак (м.)
ортачка
Вид збор: Придавка
Што се однесува, што му припаѓа на ортак.
Турски: ortak Албански: ortaku
Примери:
Ортачки дуќан.

оружарница повеќе

мн. оружарници
Вид збор: Именка, женски род
Работилница за изработка на оружје, фабрика за оружје.
Англиски: weapon manufacture Албански: punëtori armësh

осигуреник повеќе

мн. осигуреници
Вид збор: Именка, машки род
Лице што има договор, гаранција со осигурителна компанија.
Англиски: insured person Албански: person i siguruar
Примери:
Осигурениците добија отштета за изгубениот багаж.
Спротивно од: осигурител (м.)

осигури повеќе

осигурат
Вид збор: Глагол, свршен
Склучи договор за осигурување (куќа, автомобил, имот, живот).
Англиски: insure Албански: bëj kontratë sigurimi
Примери:
Тој ја осигури куќата во осигурителното друштво „Вардар“.

осигурител повеќе

мн. осигурители
Вид збор: Именка, машки род
Тој што осигурува.
Англиски: insurer Албански: sigurues
Спротивно од: осигуреник (м.)

осигурителен повеќе

осигурителни
Вид збор: Придавка
Претпријатие што се занимава со осигурување на физички и правни лица.
Албански: sigurim, sigurues
Примери:
осигурителен завод

осигурување повеќе

мн. осигурувања
Вид збор: Именка, среден род
Однос заснован врз договор меѓу две страни, осигуреник и осигурителна компанија со кој, врз основа на определен еднократен паричен влог или повремени влогови од страна на осигуреникот, другата страна ќе му исплати определен паричен надоместок во случај на претрпена штета, болест, губење на работната способност, на животот итн.
Англиски: insurance Албански: shoqëritë e sigurimeve
Примери:
Осигурувањата на вработените ги уплативме на жиро-сметка.
повеќе...
Материјална и здравствена заштита на вработените и членови на нивните семејства во случај на болест, незгода на работното место или во старост.
Англиски: insurance Албански: sigurim
Примери:
социјално и пензиско осигурување
Служба што осигурува, обезбедува, што чува одделни установи, објекти, лица од јавниот живот.
Англиски: security Албански: mbrojtje
Слично со: обезбедување (ср.)

осиромашен повеќе

Види и: осиромаши (св.)
осиромашени
Вид збор: Придавка
(глаг. прид.) осиромаши
Англиски: impoverished Албански: varfëruar
Примери:
Ние овде не зборуваме за осиромашена земја која нема ресурси.

осиромаши повеќе

осиромашат
Вид збор: Глагол, свршен
Направи некого сиромав.
Англиски: impoverish Албански: varfëroj
Примери:
Таа болест го осиромаши.
Стане сиромав.
Англиски: become poor Албански: varfërohem
Примери:
Во војната осиромашивме сите.
(се осиромаши) Стане сиромав.
Англиски: become poor Албански: varfërohem

оскапи повеќе

оскапат
Вид збор: Глагол, свршен
Стане скап, поскап.
Англиски: become expensive Албански: shtrenjëtohet
Примери:
Превозот неколку пати оскапе.
Направи нешто да биде поскапо.
Англиски: raise the price Албански: shtrenjëtohet
Примери:
Бензинот многу го оскапија.

оставител повеќе

мн. оставители
Вид збор: Именка, машки род
Оној што остава некакви работи, пари или друго во депозит.
Англиски: depositor Албански: depozitues

отказ повеќе

мн. откази
Вид збор: Именка, машки род
Акт за прекинување на договорен или службен одноc, за отпуштање од работа, од служба.
Англиски: notice Албански: shkarkim, pezullim
Примери:
Директорот подели неколку откази.
Слично со: отпуштање (ср.)

откуп повеќе

(едн.) откупот
Вид збор: Именка, машки род
Купување стоки, производи, материјални добра, обично како преземање на вишок производи со гарантиран паричен надоместок.
Англиски: purchase Албански: blerje
Примери:
Откуп на тутун.

откупен повеќе

откупниот
Вид збор: Придавка
Што се однесува на откуп, што врши откуп.
Англиски: purchasing Албански: blerës
Примери:
откупен пункт, откупна станица

откупувач повеќе

мн. откупувачи
Вид збор: Именка, машки род
Тој што откупува.
Англиски: buyer Албански: blerës
Примери:
Откупувачите нудеа ниски цени за тутунот.

отпис повеќе

(едн.)
Вид збор: Именка, машки род
Постапка во книговодството со која се намалува вредноcта на нешто или сосема се отпишува.
Англиски: write-off Албански: shlyerje, rrangallë
Примери:
Отпис на ситен инвентар.
Слично со: отпишување (ср.)

отпише повеќе

отпишат
Вид збор: Глагол, свршен
Врши отпис во книговодство.
Англиски: write off Албански: fshi
Примери:
По извршениот попис, ги отпишавме сите стари бироа.

отплата повеќе

мн. отплати
Вид збор: Именка, женски род
Износ на пари со кој дел по дел во одредени временски интервали се отплаќа некој долг, кредит.
Англиски: installment Албански: pages, shlyerje
Примери:
Телевизорот го зедовме на отплата.
Слично со: рата (ж.)

отпреми повеќе

отпремат
Вид збор: Глагол, свршен
Даде некому финансиска компензација.
Англиски: compensate Српски: отпремити Албански: konpensoj
Примери:
Работниците ги отпремија по десет месечни плати.
Слично со: компензира (св. и несв.)

отпремнина повеќе

отпремнината
Вид збор: Именка, женски род
финансиска компензација
Англиски: severance pay Српски: отпремнина Албански: pagesë pëshkurtim nga punar
Примери:
Отпремнина за отпуштање од работа.
Слично со: компензација (ж.)

отстапи повеќе

отстапат
Вид збор: Глагол, свршен
Намали, попушти во цената.
Англиски: decrease Албански: ulë, zvogloj, lëshoj
Примери:
Отстапи ни малку од цената, па ќе ти ја купиме куќата.

отуѓен повеќе

Види и: отуѓи (св.)
отуѓениот
Вид збор: Придавка
Што на некој начин преминал во сопственост на друг; пренесен на друг.
Англиски: alienated Албански: i tjetërsuar
Примери:
Имотот е отуѓен.
Слично со: украден (прид.)

отуѓи повеќе

отуѓат
Вид збор: Глагол, свршен
Пренесе во сопственост на друг.
Англиски: appropriate Албански: tjetërson
Примери:
Отуѓи имот.
Слично со: одземе (св.)

отштета повеќе

мн. отштети
Вид збор: Именка, женски род
Надоместок за сторена штета.
Англиски: compensation Албански: konpensim
Примери:
воена отштета
Слично со: надоместок (м.) , компензација (ж.)

отштети повеќе

отштетат
Вид збор: Глагол, свршен
Надомести штета, плати отштета.
Англиски: compensate Албански: konpensoj
Примери:
Државата ги отштети сопствениците на национализираните имоти.
а - б - в - г - д - ѓ - е - ж - з - и - ј - к - л - м - н - о - п - р - с - т - ќ - у - ф - х - ц - ч - џ - ш