Разговорно - категорија

вадачка повеќе

мн. вадачки
Вид збор: Именка, женски род
(само едн.) заработка
Англиски: livelihood Албански: fitim
Примери:
Тешко дека ќе има вадачка од оваа работа.
Слично со: заработка (ж.)

вади повеќе

вадат
Вид збор: Глагол, несвршен
Измислува: Име, прекар на некого.
Англиски: invent Албански: shpik
Примери:
Тој голем шегаџија постојано им вадеше нови имиња на своите другари.

валута повеќе

мн. валути
Вид збор: Именка, женски род
Пари на друга земја.
Англиски: foreign currency Албански: valutë
Слично со: девиза (ж.)

вапсан повеќе

вапсаниот
Вид збор: Придавка
Обоен, намачкан со шминка, нашминкан.
Англиски: made-up
Примери:
Крај него поминаа две убаво облечени, девојки, прекумерно вапсани во лицето.

варимесо повеќе

Вид збор: Именка, машки род
Шегобиец на свадби.
Англиски: jester

вдене повеќе

вденат
Вид збор: Глагол, свршен
3афрли нешто, стави на несоодветно место.
Англиски: mislay Албански: hedh
Примери:
Каде го вдена клучот да не можам да го најдам.
Слично со: зафрли (св.)

венда повеќе

вендаат
Вид збор: Глагол, несвршен
безделничи
Англиски: waste time
Примери:
До квечерината вендаше по улиците.

весникар повеќе

мн. весникари
Вид збор: Именка, машки род
Лице што учествува во редактирањето и издавањето на весникот.
Англиски: journalist Албански: gazetar, zhurnalist
Слично со: журналист (м.) , новинар (м.)

ветар повеќе

Види и: ветер (м.)
ветрот
Вид збор: Именка, машки род
воздух
Англиски: air Албански: erë, ajr
Примери:
Ќе излезам да ме фати ветар.

ветувачка повеќе

мн. ветувачки
Вид збор: Именка, женски род
ветување
Англиски: promise Албански: premtim

вечност повеќе

(едн.) вечноста
Вид збор: Именка, женски род
Многу долго време.
Англиски: eternity Албански: përjetësi
Примери:
Кај си, те чекам цела вечност.

видвиделија повеќе

(едн.)
Вид збор: Именка, женски род
Многу, премногу далеку.
Англиски: far away
Примери:
Сега сме навистина во видвиделија, преку сино море.

видео повеќе

мн. видеа
Вид збор: Именка, среден род
Краток филм снимен со помош на видеокамера.
Англиски: video Албански: video
Апарат за снимање и репродукција на телевизиска програма.
Англиски: video recorder Албански: video rekorder
Слично со: видеорикордер (м.)

виза повеќе

мн. визи
Вид збор: Именка, женски род
Дозвола, согласност за нешто.
Англиски: permission Албански: vizë, leje
Примери:
Тој доби виза од менторот да ја брани својата дисертација.
Слично со: согласност (ж.)

вика повеќе

викаат
Вид збор: Глагол, несвршен
вели, кажува
Англиски: say Албански: them
Примери:
Соседот вика дека кај нив не дошол таков човек.
Слично со: вели (несв.)

викач повеќе

мн. викачи
Вид збор: Именка, машки род
Тој што многу вика, прави викотница.
Англиски: loudmouth Албански: poterexhi
Примери:
Тој е голем викач.

викендаш повеќе

мн. викендаши
Вид збор: Именка, машки род
Лице што го поминува викендот надвор од дома.
сопственик на викендичка

викне повеќе

викнат
Вид збор: Глагол, свршен
Повика, покани некого.
Англиски: call Албански: thirr
Примери:
Тој ме викна да му помогнам.
Слично со: покани (св.) , повика (св.)
Се зафати сериозно со некоја работа.
Англиски: start Албански: filloj
Примери:
Кога му викна да сече дрво, за еден саат ја заврши работата.

вилаетлија повеќе

мн. вилаетлии
Вид збор: Именка, машки род
роднокраец, земјак
Англиски: compatriot
Примери:
Таму пак се насобраа околу нив нови вилаетлии, прилепчани, велешани, тиквешани и други од Македонија.
Слично со: земјак (м.)

виртуоз повеќе

мн. виртуози
Вид збор: Именка, машки род
Добар познавач на нешто, мајстор во својата работа.
Англиски: virtuoso Албански: virtuoz

виси повеќе

висат
Вид збор: Глагол, несвршен
Стои, се задржува на некое место подолго време, обично без работа.
Англиски: hang around Албански: qëndron
Примери:
На станицата висеа некакви сомнителни луѓе.

витоса повеќе

витосаат
Вид збор: Глагол, свршен
Уништи, отстрани, тргне некого или нешто како непожелно.
Англиски: wipe out Албански: largon, heq
Примери:
Козите му ги витосаа.
Слично со: уништи (св.) , отстрани (св.)
Изгуби, затури, исчезне од вид, од досегот на сетилата.
Англиски: mislay Албански: humbas
Примери:
Кај ги витоса пусти очила?
Слично со: затури (св.) , изгуби (св.)
(се витоса) се уништи, се сотре
Англиски: wipe out Албански: zhduket
Примери:
Се витосаа зајаците, срните, лисиците, волците, дивите свињи.
Слично со: уништи (св.) , сотре (св.)
(се витоса) Отиде некаде, се изгуби, го снема.
Англиски: disappear Албански: zhduket, humbet
Примери:
Тој се витосал некаде во пустината.
Слично со: изгуби (св.) , снема (св.)

вишист повеќе

мн. вишисти
Вид збор: Именка, машки род
Ученик, студент на виша школа.
Англиски: university student Албански: me shkollë të lartë
Што има више образование.
Англиски: graduate Албански: me shkollë të lartë

вјаса повеќе

вјасаат
Вид збор: Глагол, несвршен
Брза, брзо врши некое дејство.
Англиски: hurry Албански: shpejton
Примери:
Тој во се вјаса, но никогаш навреме да стаса.
Слично со: брза (несв.)
Брзо оди.
Англиски: hurry Албански: shpejton
Примери:
Командирот вјасаше пред колоната.
Слично со: ита (несв.)
(се вјаса) се брза
Англиски: hurry Албански: shpejton
Примери:
Тие се вјасаа многу.
Слично со: ита (несв.)

вјасана повеќе

Вид збор: Прилог
брзо, на брзина
Англиски: speedily
Примери:
На вјасана.

вјасаница повеќе

Вид збор: Прилог
брзо, брзајќи
Англиски: speedily
Примери:
Вјасаница дојде дома.

влече повеќе

влечат
Вид збор: Глагол, несвршен
(се влече) Е во љубовна врска со некого, подолго време.
Англиски: involve Албански: tërheq, kaloj
Примери:
Се влече со неа три години.
Слично со: оди (несв.)

влечивлечка повеќе

мн. влечивлечки
Вид збор: Именка, женски род
Неуредна, мрзлива жена.
Англиски: slut, tramp
Примери:
Ау, таа е невидена влечивлечка.

влечигора повеќе

мн. влечигори
Вид збор: Именка, женски род
неуреден човек
Англиски: tramp, bum
Примери:
Не ми се верува каква влечигора си.

влечиортома повеќе

мн. влечиортоми
Вид збор: Именка, женски род
Неуреден човек, мрзлив човек, дембел.
Англиски: lazybones, bum
Примери:
Остави ги тие влечиортоми, ние ќе ја завршиме целата работа.
Слично со: дембел (м.)

внатрешност повеќе

(едн.) внатрешноста
Вид збор: Именка, женски род
Дел од државата што е подалеку, понастрана од главниот град.
Англиски: province Албански: provincë
Примери:
Тој доаѓа од внатрешноста да студира.
Слично со: провинција (ж.)

водило повеќе

мн. водила
Вид збор: Именка, среден род
Јаже на оглав, огламник со кое се води добиток.
Англиски: rein, halter
Примери:
Ја фати јуницата за водило.

водоводџија повеќе

мн. водоводџии
Вид збор: Именка, машки род
водоинсталатер
Англиски: plumber

вози повеќе

возат
Вид збор: Глагол, несвршен
Лаже некого.
Англиски: cheat Албански: vozis, mashtroj
Примери:
Почнав да се правдам, да го возам.
Слично со: лаже (несв.)

војниклак повеќе

(едн.)
Вид збор: Именка, машки род
Воена служба.
Англиски: military service
Примери:
Војниклакот не е никаква шега.

војска повеќе

мн. војски
Вид збор: Именка, женски род
Воена служба, воена обврска.
Англиски: military service Албански: shërbim ushtarak
Примери:
Синот му оди војска.

војува повеќе

војуваат
Вид збор: Глагол, несвршен
Води спор со некого, се бори за нешто.
Англиски: fight Албански: luftoj
Примери:
Секојдневно војува со својот син.

вомјази повеќе

вомјазат
Вид збор: Глагол, свршен
Силно изненади, запрепасти некого.
Англиски: startle Албански: befasoj
Примери:
Моето влегување го вомјази неканетиот гостин.
Слично со: запрепасти (св.)

вошкар повеќе

мн. вошкари
Вид збор: Именка, машки род
Лице што има вошки.
Албански: morrcak
Тој што е за подбив, парталко.
Англиски: scoundrel Албански: morrcak
Примери:
Тие вошкари не ни служеле војска.
Слично со: бедник (м.) , парталко (м.)

враќачка повеќе

мн. враќачки
Вид збор: Именка, женски род
враќање
Англиски: return
Примери:
За мене веќе враќачка нема.

вргали повеќе

(се) вргалат
Вид збор: Глагол, несвршен
Зјапа, нападно гледа во нешто, во некого.
Англиски: gawp Албански: ngul sytë
Примери:
Збунето се вргали во дланките.
Слично со: зјапа (несв.)
Се тркала, се прпелка по песок и сл.
Англиски: roll Албански: rrokulliset
Примери:
Се вргали во пепелта.

вргло повеќе

мн. вргловци
Вид збор: Именка, машки род
Лице што зјапа, се загледува ваму-таму.
Англиски: gaper
Примери:
Голем вргло е, да не помине некој, веднаш се загледува.
Слично со: зјапач (м.)

вреваџија повеќе

мн. вреваџии
Вид збор: Именка, машки род
Лице што зборува многу гласно, што вреви.
Англиски: squaller
Примери:
Не работи, тој е само вреваџија.
Слично со: вревач (м.)

вреднаш повеќе

Вид збор: Прилог
Само во изразот: Еднаш ама вреднаш - направи нешто еднаш, ама добро, успешно и сл.
Примери:
Го удри еднаш, ама вреднаш.

врска повеќе

мн. врски
Вид збор: Именка, женски род
(обично во мн.) Познанство, пријателство што донесува полза.
Англиски: relationship Албански: marrëdhënie
Примери:
Тој секаде има врски.
кравата
Англиски: necktie Албански: kravatë
Примери:
На секоја кошула носеше посебна врска.
Слично со: кравата (ж.) , вратоврска (ж.)
Вид: облека (ж.)

врскоса повеќе

(се) врскосаат
Вид збор: Глагол, свршен
Стави врска.

вртачка повеќе

мн. вртачки
Вид збор: Именка, женски род
Губење време, денгуба.
Англиски: pastime
Примери:
Во шаховскиот клуб си најде вртачка.

врти повеќе

вртат
Вид збор: Глагол, несвршен
Вложува пари во трговски и други зделки.
Англиски: turn Албански: rrotulloj
Примери:
Врти големи пари.
лаже, мами
Албански: sjell, vërtit
Примери:
Таа го врти како што сака.
Слично со: лаже (несв.)

вртикапа повеќе

мн. вртикапи
Вид збор: Именка, машки род
Лице што често го менува мислењето, што е несигурно.
Англиски: turncoat
Слично со: превртливец (м.) , опортунист (м.)

вртне повеќе

вртнат
Вид збор: Глагол, свршен
Удри некого по вратот.
Албански: godas në qafë

врцка повеќе

врцкаат
Вид збор: Глагол, несвршен
измрдува, изневерува
Англиски: cheat
Слично со: изневерува (несв.)
Наметливо врти со колковите.
Албански: tund, lëvizë
(се врцка) се вртка
Албански: sillem
Примери:
Келнерот во бела престилка се врцкаше околу неа.
Слично со: вртка (несв.)

втораче повеќе

мн. вторачиња
Вид збор: Именка, среден род
Ученик од второ одделение.
Албански: klasë e dytë

вудве повеќе

Вид збор: Прилог
Со едно превиткување, здиплување, да стане двојно, во два слоја.
Англиски: in two
Примери:
Чаршафите ги дипли вудве, па вучетири и ги внесува внатре.

вудвоса повеќе

вудвосаат
Вид збор: Глагол, свршен
Направи нешто да биде двојно, удвоено.
Англиски: double Албански: dyfishoj
Примери:
Го вудвосал јажето да не се скине.

вутри повеќе

Вид збор: Прилог
Со превиткување, здиплување, да стане тројно, трикратно, во три слоја.
Примери:
Го свитка вутри и го напика во торбата.

вучетири повеќе

Вид збор: Прилог
Четворно, во четири слоја.
Примери:
Ги дипли вудве, па вучетири и ги внесува внатре.

вчури повеќе

вчурат
Вид збор: Глагол, свршен
вчади, зачади
Англиски: smoke Албански: tymos
Примери:
Ќумбето ја вчури соба.
Слично со: зачади (св.)

вџари повеќе

(се) вџарат
Вид збор: Глагол, свршен
Се загледа, се втренчи, се внесе во некого.
Англиски: stare
Примери:
Војникот се вџарил со црните очи во селанецот.

вшприца повеќе

Види и: шприца (несв.)
вшприцаат
Вид збор: Глагол, свршен
Шприца, внесува во нешто.
Англиски: inject
Примери:
Овие средства се вшприцани во буџетот.
Слично со: инјектира (св. и несв.)
а - б - в - г - д - ѓ - е - ж - з - ѕ - и - ј - к - л - љ - м - н - о - п - р - с - т - ќ - у - ф - х - ц - ч - џ - ш