Разговорно - категорија

обвинение повеќе

мн. обвиненија
Вид збор: Именка, среден род
Припишување вина некому, обвинување некого за нешто.
Англиски: accusation Албански: akuzë, padi, fajsim
Примери:
Лажно обвинение.

обвинител повеќе

мн. обвинители
Вид збор: Именка, машки род
Тој што обвинува некого за нешто.
Англиски: accuser Албански: paditës
Примери:
морален обвинител

обвинувач повеќе

мн. обвинувачи
Вид збор: Именка, машки род
Тој што обвинува некого.
Англиски: accuser
Примери:
Лажен обвинувач.

обере повеќе

оберат
Вид збор: Глагол, свршен
Ограби некого или нешто.
Англиски: rob Албански: grabis
Примери:
Некој ме обрал додека сум спиел.

обир повеќе

мн. обири
Вид збор: Именка, машки род
кражба, крадење
Англиски: theft Албански: vjedhje, grabitje
Примери:
Тие се плашеа од се почестите обири и зулуми во селото.
(обично во едн.) Украдени предмети.
Англиски: plunder Албански: plaçkë, grabitje
Примери:
Арамиите се скараа околу поделбата на обирот.

облага повеќе

мн. облаги
Вид збор: Именка, женски род
корист, полза, добивка
Англиски: profit
Примери:
материјални облаги

обработи повеќе

обработат
Вид збор: Глагол, свршен
Изврши влијание, притисок врз некого да мисли и да дејствува како што се бара од него.
Англиски: influence Албански: ndikoj
Примери:
Го обработија сведокот за да ја скријат вистината.
Слично со: влијае (несв.)

оварда повеќе

Вид збор: Придавка
Што е широкодушен, дарежлив, услужлив, љубезен.
Англиски: generous Турски: hovarda
Примери:
оварда човек
Слично со: штедар (прид.)

овардалак повеќе

(само едн.)
Вид збор: Именка, машки род
широкодушност, дарежливост, услужливост, љубезност
Англиски: generosity Турски: hovardalık
Примери:
Неговиот овардалак немаше граници.
Слично со: широкоградост (ж.) , љубезност (ж.) , услужливост (ж.) , дарежливост (ж.)

овчарлак повеќе

в. овчарство
Вид збор: Именка, машки род
овчарник, мн. овчарници м. Просторија, место каде што се чуваат овци.
Примери:
Ѕидани овчарници.

овчуринка повеќе

мн. овчуринки
Вид збор: Именка, женски род
Хип. од овца.
Примери:
Имал стадо од дваесет овчуринки.

оган повеќе

мн. огнови
Вид збор: Именка, машки род
(само едн.) Висока телесна температура, бунило.
Англиски: fever Албански: zjarrmi, temperaturë
Примери:
Телото му гореше во оган.
Слично со: треска (ж.)

огологази повеќе

огологазат
Вид збор: Глагол, свршен
Разголи некого, покаже нечиј газ.
Англиски: undress Албански: xhvesh
Примери:
Мајката го огологази детето и го изми во реката.
(се огологази) Се разголи покажувајќи го газот.
Албански: tregoj prapanicën
Примери:
Тој се огологази мислејќи дека е сам.
Слично со: разголи (св.)

ограда повеќе

мн. огради
Вид збор: Именка, женски род
Круг околу месечината.
Албански: reth
Примери:
Кога има ограда околу месечината, ќе се мени времето.

огребе повеќе

огребат
Вид збор: Глагол, свршен
(се огребе) Издејствува материјално добро без пари од некого.
Албански: shfrytëzoj
Примери:
И овој пат се огреба, се наруча кај вујна му.

одбашка повеќе

Вид збор: Прилог
башка
Англиски: extra Турски: başka
Слично со: башка (прил.)

одбира повеќе

Види и: одбере (св.)
одбираат
Вид збор: Глагол, несвршен
сфаќа, разбира
Англиски: understand Албански: kupton
Примери:
Ништо не одбирам што зборуваат.
(се одбира) Знае, се разбира од нешто.
Англиски: understand Албански: kuptoj
Примери:
Не се одбирам во новава техника.

одбирачка повеќе

(едн.) одбирачката
Вид збор: Именка, женски род
разбирање, cфаќање
Англиски: understanding Албански: mirëkuptim
Примери:
Нема одбирачка со овој човек.
Слично со: разбирање (ср.)

одборчи повеќе

(се) одборчат
Вид збор: Глагол, свршен
(се) оддолжи.
Англиски: repay Турски: borç
Слично со: оддолжи (св.)
Спротивно од: задолжи (св.)

одбутне повеќе

одбутнат
Вид збор: Глагол, свршен
Оттурне некого или нешто.
Англиски: push away
Примери:
Тој го одбутна детето.

одветрум повеќе

Вид збор: Прилог
одеднаш, неочекувано
Англиски: suddenly
Примери:
Одветрум му дошла болеста.

одвечер повеќе

Вид збор: Прилог
Од претходната вечер, од вечерта спроти определен ден.
Примери:
Квасот требаше да биде замесен одвечер.

одмагли повеќе

одмаглат
Вид збор: Глагол, свршен
избега, исчезне
Англиски: disappear Албански: ik, zhduket
Примери:
Штом виде што направи веднаш одмагли.

одрече повеќе

одречат
Вид збор: Глагол, свршен
Одговори на обраќање.
Англиски: deny Албански: kthej
Примери:
Тој го ислуша, но ништо не му одрече.
Слично со: одговори (св.)

одртави повеќе

одртават
Вид збор: Глагол, свршен
Стане дрт.
Англиски: get old
Примери:
Песот одртаве, повеќе не одеше со овците.
Слично со: остари (св.) , опадне (св.)

оканица повеќе

мн. оканици
Вид збор: Именка, женски род
Голем сад, чаша, обично за ракија, кафе и сл.
Албански: enë e madhe, gotë për raki, kafe
Примери:
Што се овие оканици, во нив ли се пие кафе?

окапаник повеќе

мн. окапаници
Вид збор: Именка, машки род
Тој што е опаднат, пропаднат.
Албански: i dështuar, i shkatërruar
Примери:
Помина твоето време, окапанику.
Тој што е сиромашен.
Англиски: wretch Албански: i varfër, varfanjak
Примери:
Остави го, окапаник е, нема, а се фали.
Слично со: голтар (м.)

окашка повеќе

окашкаат
Вид збор: Глагол, свршен
Извалка нешто со нешто течно, кашесто и сл.
Англиски: stain Албански: njollos
Примери:
Го окашка фустанчето.
Расипе, исплетка, измеша нешто.
Англиски: spoil Албански: prish
Примери:
Ја окашка работата.
(се окашка) се извалка, се избербати
Англиски: stain Албански: përlyej, njollos
Примери:
Се окашка од вишните.
Слично со: избербати (св.)

оклешти повеќе

(се) оклештат
Вид збор: Глагол, свршен
Се потсмее со искривен израз на лицето.
Англиски: gri·mace
Примери:
Сите му се оклештија.
Слично со: клешти (несв.)

окози повеќе

окозат
Вид збор: Глагол, свршен
(се окози) Со тешкотии направи нешто.
Англиски: succeed Албански: mundimshëm, bën diçka me mund
Примери:
Се окози додека го убеди.

окрвави повеќе

окрвават
Вид збор: Глагол, свршен
Направи злосторство, обично во војна.
Англиски: commit atrocity Албански: bëj krim
Примери:
Ги окрвави рацете до лактите.

окрка повеќе

Види и: крка (несв.)
окркаат
Вид збор: Глагол, свршен
Изеде во големи количини лакомо.
Англиски: devour Албански: rras, gëlltis
Примери:
Ја окрка целата чинија со слатки.
Истрпи последици, настрада.
Англиски: suffer Албански: pësoj, e han
Примери:
Иако беше недолжен, си го окрка.

окубе повеќе

окубат
Вид збор: Глагол, свршен
Материјално искористи, ограби некого преку превисока цена при продажба, наплата на услуги и сл.
Англиски: fleece Албански: qeth, mashtroj
Примери:
Купија куќа, ама ги окубаа, не вреди толку.
Земе, измами некого за пари.
Англиски: fleece Албански: qeth, mashtroj
Примери:
Го окубаа на коска.

окупира повеќе

окупираат
Вид збор: Глагол, свршен и несвршен
Зафати, зафаќа, заземе определено место, простор.
Англиски: occupy Албански: zë, okupoj
Примери:
Учениците го окупираа плоштадот.
Слично со: зафати (св.)

олесни повеќе

олеснат
Вид збор: Глагол, свршен
Стане недоветен.
Албански: t'holloj
Примери:
Не слушај го што зборува, во последно време како да олесни во умот.

омадри повеќе

омадрат
Вид збор: Глагол, свршен
вразуми, опамети
Албански: bie në mend
Примери:
Не можеше да ја омадри.
Слично со: вразуми (св.)

омаскари повеќе

омаскарат
Вид збор: Глагол, свршен
Осрамоти некого.
Англиски: shame Турски: maskara Албански: turpëroj
Примери:
Го омаскари пред целиот свет.
Слично со: осрамоти (св.)

оматуви повеќе

оматуват
Вид збор: Глагол, свршен
Стане заборавен, замесен, изгубен; сп. матуви се.
Примери:
Сосем си оматувел, та не знаеш што ти тресе јазикот.

омрси повеќе

омрсат
Вид збор: Глагол, свршен
Нахрани добро, мрсно некого.
Албански: ngop
Примери:
Ги омрси сиромасите.
Слично со: нахрани (св.)
(се омрси) Касне нешто подобро од секојдневното.
Албански: lëmoj
(се омрси) Добие или извлече за нешто многу повеќе корист, повисока цена отколку што требало.
Англиски: profit Албански: përfitoj
Примери:
Со оваа работа добро се омрсивме.
Слично со: профитира (св. и несв.)

опарак повеќе

мн. опараци
Вид збор: Именка, машки род
Груб, суров, недоделкан човек.

опари повеќе

опарат
Вид збор: Глагол, свршен
Направи некој да стекне пари.
Англиски: enrich Турски: para Албански: pasuroj, bëhem me para
Примери:
Таквата добивка го опари.
Слично со: обогати (св.)
(се опари) Се стекне со пари, дојде до пари.
Англиски: enrich Турски: para Албански: pasurohem
Примери:
Тој на нечесен начин се опари.
Слично со: збогати (св.)

опасен повеќе

опасни
Вид збор: Придавка
Многу вешт во нешто.
Англиски: cunning
Примери:
Тој е опасен лажго.
Слично со: вешт (прид.)

опашка повеќе

мн. опашки
Вид збор: Именка, женски род
Последните пршлени на 'рбетниот столб кај човекот.
Албански: bisht

опашкар повеќе

мн. опашкари
Вид збор: Именка, машки род
Последен играч во танецот, орото.
Албански: valltar i fundit
Примери:
Сите прснаа во смев, а опашкарот му потфрли на танчарот со некаков стих.
Споредна личност, тој што е надвор од настаните.
Албански: person jokryesor

опинок повеќе

мн. опинци
Вид збор: Именка, машки род
(само едн.) сиромав човек
Англиски: prole Албански: varfënjak

опколиса повеќе

Види и: опколи (св.)
опколисаат
Вид збор: Глагол, свршен
опколи

оплеска повеќе

оплескаат
Вид збор: Глагол, свршен
Погреши, лошо изведе некаква работа, направи нешто нечесно.
Англиски: bungle Албански: ngatërroj, prish
Примери:
Леле си реков: сега ја оплеска.
Слично со: погреши (св.)
Убие, отепа некого.
Англиски: kill Албански: vras, mbyt
Примери:
Да се загнеме по нив и да ги оплескаме.
Слично со: убие (св.)

опне повеќе

опнат
Вид збор: Глагол, свршен
стави, намести
Англиски: put Албански: vendos
Примери:
Ја опнале тавата, ги напржиле рибите.
Даде, наметне нешто на сила.
Англиски: force Албански: detyroj
Примери:
Багажот мене ми го опнаа да го носам.
Натера, принуди некого да работи, да прави нешто.
Англиски: force Албански: detyroj
Примери:
Ех, да ги опнам малку на сонце, та малку да пожнијат, ќе заборават каде им е главата, а каде нозете.
Испие, изeдe наеднаш нешто.
Англиски: topple Албански: përmbysem
Примери:
Опна eдна чашка, опна две и сè подобро се чувствуваше.
Започне да прави нешто.
Англиски: start Албански: fillon
Примери:
Штом ќе излезеше од селото, ќе опнеше еден разговор за времето со него.
(се опне) Се наметне некому, отиде некому без срам.
Англиски: impose Албански: mbulojë
Примери:
Вечерта неколкумина од нив му се опнаа дома на разговор.

опознае повеќе

опознаат
Вид збор: Глагол, свршен
запознае
Англиски: acquaint
Слично со: запознае (св.)

опрчи повеќе

опрчат
Вид збор: Глагол, свршен
Плати, даде поголема сума пари.
Англиски: spend Албански: paguaj shumë të madhe
Примери:
Многу пари опрчи за новиот мебел.

оптегари повеќе

оптегарат
Вид збор: Глагол, свршен
Удри, тресне со нешто.
Англиски: hit Албански: godas, përplas
Примери:
Ако те оптегарам со ластегаркава по тилот, сите ѕвезди ќе ги видиш!

опуштен повеќе

опуштениот
Вид збор: Придавка
Олабавен, ослободен од физичка или психичка напнатост.
Англиски: relaxed
Примери:
Со часови седеше опуштен пред телевизорот.
Слично со: релаксиран (прид.) , олабавен (прид.)

опушти повеќе

опуштат
Вид збор: Глагол, свршен
Олабави, ослободи од физичка или психичка напнатост.
Англиски: relax Албански: relaksohem
Примери:
Млаката вода брзо го опушти и му го врати доброто раслоложение.
Слично со: олабави (св.)

опчинет повеќе

опчинетиот
Вид збор: Придавка
Маѓепсан.
Примери:
Опчинет од идеи, сонев рај на земјата.

опчини повеќе

опчинат
Вид збор: Глагол, свршен
маѓепса
Англиски: enchant

ораџија повеќе

мн. ораџии
Вид збор: Именка, машки род
Играч на оро, вешт во играње оро.
Примери:
Ораџиите друго и не ги интересира на панаѓурот, освен орото.

оригиналничи повеќе

оригиналничат
Вид збор: Глагол, несвршен
Прави нешто необично, интересно, невообичаено, за да се покаже како оригинален.

орман повеќе

мн. ормани
Вид збор: Именка, машки род
Многу густа шума.
Англиски: forest Турски: orman Албански: pyll i dendur
Примери:
Со кози в орман дали си одел?
Слично со: шума (ж.)

ороспија повеќе

мн. ороспии
Вид збор: Именка, женски род
курва
Англиски: prostitute, whore Турски: orospu
Слично со: курва (ж.)

осем повеќе

Види и: освен (сврз.)
Вид збор: Сврзник
освен
Англиски: except

останувачка повеќе

(едн.)
Вид збор: Именка, женски род
останување
Англиски: stay Албански: mbetje, ngelje
останок
Албански: mbetje

остен повеќе

мн. остени
Вид збор: Именка, машки род
Мера за должина на патот на небесните тела.
Албански: njësi matëse e rrugës së trupave qiellor
Примери:
Од исток сонцето отскокнало еден остен.

остри повеќе

острат
Вид збор: Глагол, несвршен
(се остри) Се подготвува за некакво дејство - борба, јадење, поттикнува кај себе расположение за нешто.
Англиски: prepare Албански: pregatis
Примери:
Гостите се остреа за гозбата.

отера повеќе

Види и: тера (несв.)
отераат
Вид збор: Глагол, свршен
Умре некого, го уништи.
Англиски: bing Албански: shkatërroj
Примери:
Тој го отера татка си в гроб.

оти повеќе

Вид збор: Сврзник
За поврзување зависносложени причински реченици - затоа што, заради тоа што.
Англиски: because
Примери:
Јас не дојдов оти бев болен.
Слично со: бидејќи (сврз.) , зашто (сврз.) , одошто (сврз.)
За надоврзување, со вметната реченица, при дообјаcнување - затоа што, заради тоа што.
Англиски: because
Примери:
Оти, како што гледате, за нас не постојат пречки.
Слично со: зашто (сврз.) , одошто (сврз.) , бидејќи (сврз.)

откаршија повеќе

Вид збор: Прилог
Од спротивната страна.
Англиски: opposite
Примери:
Откаршија имаше една убава голема куќа.
Слично со: отспротива (прил.)

откачи повеќе

откачат
Вид збор: Глагол, свршен
Оддели, раздвои од некого.
Англиски: separate Албански: heq
Примери:
Одвај го откачивме детето од тоа друштво.
Напушти некого.
Англиски: leave Албански: largohem
Примери:
Таа ги откачи другарите и замина дома.
Оддели, раздвои двајца, тројца, повеќемина еден од друг.
Англиски: separate Албански: veçon
Примери:
Се степаа, едвај ги откачивме.
Каже нешто што не соодветствува на ситуацијата, без целосна контрола.
Албански: shpreh
Примери:
Откачи една пцост.
(се откачи) Се оддели, се раздвои.
Англиски: separate Албански: ndahet
Примери:
Одвај се откачи од таа девојка.
(се откачи) Побудали, се мрдне од умот.
Англиски: disconnect Албански: stakoj
Примери:
Тој ептен се откачил.
Слично со: побудали (св.)

отпораш повеќе

мн. отпораши
Вид збор: Именка, машки род
Тој што дава отпор, што учествува во движење за отпор.
Англиски: resistance fighter

отправи повеќе

отправат
Вид збор: Глагол, свршен
Растури нешто направено.
Англиски: destroy Албански: prish
Примери:
Јас направи, тој отправи.
Спротивно од: направи (св.)

отпусница повеќе

мн. отпусници
Вид збор: Именка, женски род
Документ, отпусен лист, со кој се потврдува отпуштање од болница, војска, затвор итн.
Англиски: discharge papers
Примери:
Му тутнале отпусница и го избркале од затвор поради здравствени причини.
Вид: документ (м.)

отракан повеќе

отракани
Вид збор: Придавка
лукав, итар, курназ
Англиски: sly
Слично со: лукав (прид.) , курназ (прид.)

отранчи повеќе

отранчат
Вид збор: Глагол, свршен
Убие некого со огнено оружје (пушка, пиштол).
Англиски: kill

отслужи повеќе

отслужат
Вид збор: Глагол, свршен
Ислужи, не е веќе во употреба.
Англиски: serve Албански: mbaroj shërbimin, jasht përdorimit
Примери:
Автомобилот си го отслужи своето.
Слично со: ислужи (св.)

оттекар повеќе

Вид збор: Прилог
одново, повторно
Англиски: again Турски: tekrar
Слично со: одново (прил.) , повторно (прил.)

отфити повеќе

(се) отфитат
Вид збор: Глагол, свршен
Израмни сметка, стане чист.
Примери:
Сега се отфитив со сите.

отфрли повеќе

отфрлат
Вид збор: Глагол, свршен
Префрли со превозно средство.
Англиски: drive Албански: hedh, çoj
Примери:
Тој ја отфрли мајка му со автомобилот до болница.

отчука повеќе

отчукаат
Вид збор: Глагол, свршен
Пријави, поткаже некого.
Англиски: betray Албански: lajmëroj tinës, tradhtoj
Примери:
Го отчука кај властите.
Слично со: накодоши (св.) , предаде (св.)

офајди повеќе

офајдат
Вид збор: Глагол, свршен
Стекне печалба или корист.
Англиски: profit
Примери:
Не дека тие нешто се офајдија повеќе од нас.

офардалак повеќе

Види и: овардалак (м.)
(едн.)
Вид збор: Именка, машки род
овардалак

офтика повеќе

(едн.)
Вид збор: Именка, женски род
туберкулоза
Англиски: tuberculosis
Вид: болест (ж.)

офука повеќе

офукаат
Вид збор: Глагол, свршен
Изеде лакомо до крај.

оцапа повеќе

оцапаат
Вид збор: Глагол, свршен
Лошо направи нешто, расипе, погреши.
Англиски: mess up Албански: gaboj, prish
Примери:
Тука си ја оцапал, не ти требало со нив да се караш.

очавчи повеќе

очавчат
Вид збор: Глагол, свршен
Ја отвори устата широко.
Албански: hap gojën
Примери:
Ги очавчи децата од cмеење.

очапи повеќе

очапат
Вид збор: Глагол, свршен
Отвори широко.
Англиски: wide open
Примери:
Очапена врата.

очилар повеќе

мн. очилари
Вид збор: Именка, машки род
Тој што прави или продава очила; оптичар.

ошав повеќе

мн. ошави
Вид збор: Именка, машки род
компот
Англиски: stewed fruit Турски: hoşaf Албански: hoshaf, komposto
Слично со: компот (м.)
Сушено овошје, обично за на зима.
Англиски: dry fruits Албански: fruta të thata

ошути повеќе

ошутат
Вид збор: Глагол, свршен
Остане без рог, рогови, стане шут.
Албански: pa brina
Примери:
шута коза
Открши дел од нешто.
Англиски: break Албански: thyej
Примери:
Го ошутил стомнето.
(се ошути) Се потстриже повеќе од вообичаеното.
Албански: qeth më tepër
Примери:
Што си се ошутила вака?
а - б - в - г - д - ѓ - е - ж - з - ѕ - и - ј - к - л - љ - м - н - о - п - р - с - т - ќ - у - ф - х - ц - ч - џ - ш